أبغى أسوي حفلة لولدي

تحصلينها عند محلات الكماليات اسمها شرارة الكيك .
حطي شوية شموع سفرة وحلاوة ماكنتوش وحلاوة حمراء ام اعواد ومجموعة بسكوتات وبطاطس لما تروحين السوبر بتلاقي الحلاوة والكيك اشكال والوان تجذب الاطفال وحطي ايضا ايسكريم وبالونات هليوم واضاءة للغرفة وعرض اناشيد فيديو على التلفزيون وكيكة من يدينك غطيها بالشوكلاته اللي يحبها وحلا وعصيرات وموية والصحون تكون ملونه والملاعق واعزمي اصحابه حفلات الاطفال تكون سهله دايم ومختصرة اذا مافيه ضيوف كثير ومن برا العايلة اي شي متوفر يسد الغرض والله يسعد قلبه ويفرحك فيه

الاشياء اللي تسعد الاطفال بالونات الهليوم .. ذي اللي تطير والحلويات وفكرتك كمان حلوه في حقت الكيك .. وانزلي بنديتي او البقاله وجيبي شبسات وحلويات بيفرح فيها واذا تبين تهدينه هديه انزلي محل الالعاب وجيبي له لعبه سياره ولا اي لعبه هوا يحبها وحطيهابعلبه هدايا او كيس هدايا كشخه وحطي معها حلاوه او اي شي وقدميه له .. اتمنى اني افدتك في شي بسيييط ... وحفله جميله وسعيده ان شاء الله ..

تسلمين وما قصرتي بحط الحلويات والبطاطس ومعها كيك وبسكوت وبغلفها واعطيها للاولاد
لكن ابغى طريقة مضمونة لكيكة لاني دايم اسويها ما تضبط معي تنتفخ من فوق مثل الجبل ولقيت أكثر من نوع كريمة التغطية لكن ابغى شي مضمون احد سواها وضبطت معه
ولدي يبغى الحفلة مع أهل أبوه ( جدته وعماته واولاد عمه )ولازم اسوي لهم شي حريم ورجال
اللهم امين ويسعد قلبك قلوب من يعز عليك

شريت له هدية من قبل بس الحين يبغى الحفلة مع وجود أهل ابوه يبغى يفرح معهم ويعلمهم بنجاحه وتسلمين والله يعطيك العافية

مادري انتي خلصتي حفلتك والا باقي لو اعرف محلات دليتك عليها بس انا بمنطقة خارج مدينتك ممكن تجهزين مسابقات للكبار والصغار وتستقبلي مشاركات الاطفال من اناشيد وقصائد وتكون المسابقات العاب حركية الكيكة ماتضبط معك تاكدي من تاريخ خميرة الكيك باكنج بودر واضيفي ايضا بيكربونات الصوديوم وايضا شغلي الفرن على 180 درجة او بالفرن الغاز على اضعف درجة من فوق ومن تحت قبل ادخال الكية الفرن وانا عن تجربة اغطيها بالقصدير واخليه منفوخ من فوق لكي ماتحترق من فوق . اشتري ياختي شوية فطاير جاهزة مع سفرة الحلا والعصيرات والقهوة ودام عندك ضيوف الله يعينك صلحي شوي ايدامات او صواني وكبسة عشاء اذا ماتقدرين تجيبين جاهز واذا تقدرين اتفقي مع طباخة تصلح لك حافضات الله ييسر لك .