شاركي في النقاش

سجلي الدخول لإضافة تعليق.

التعليقات

212
  1. um joud
    بعيدا عن العواطف لانه بالفعل موقف ابوك كان يكسر الخاطر ومن محبته لك انفعل وخاف عليك لكن شرعااا انت اخترتي الصح لانه رضا الزوج مقدددددددم على رضا الوالدين وهنا الدليل مو مني ولا من تاليفي السؤال معلوم أن الزوجة مجبرة على طاعة زوجها كما…
    القران هو الاصل وهو الشرع فالسنه تترجع للقران اذا كان فيه مرجع للقران وحكم فمن الاولى نأخذ به

    بالقران ربي قرن معامله الوالدين بالحسنى بعبادته و حتى كلمه اف ذكرها بكتابة لعظم شأنها بحق الوالدين

    طيب من كلامك اللي حطيتيه ابي قال الله تعالى وينه قول الله ؟ سبحان الله ربي يقول انا والوالدين

    وانتوا تروحون تلحقون كلام فلان وفلان وين دليلهم طيب ان الزوج احق بالتقديم ؟ اتحداكم تجيبونه

    حتى الرسول لمن قال : من احق الناس بحسن صحابتي قال امك ثم امك ثم امك ثم ابوك
    لكن ربعنا قالوا لا بس امهاتنا وابائنا احنا يارجال انتوا يالبنات بقريح انتوا والداينكم احنا اهم و قسم بالله ان بعض الحريم مخفات كتاب الله عربي مفتوح عندكم تتركون الكتاب المصدر الاولى وتلتفتون لكلام فلان

    طبعا بيجون بعض اللي لازم تعبد الرجال وبتستشهد بحديث لَوْ كُنْتُ آمِرًا أَحَدًا أَنْ يَسْجُدَ لِغَيْرِ اللَّهِ ، لَأَمَرْتُ الْمَرْأَةَ أَنْ تَسْجُدَ لِزَوْجِهَا

    طيب ياحلوات بالحديث الرسول استخدم لو و ربي بكتابه استخدم الواو في وَاعْبُدُوا اللَّهَ وَلا تُشْرِكُوا بِهِ شَيْئاً وَبِالْوَالِدَيْنِ إِحْسَاناً

    ال( لو) شرطيه يعني ماراح تصير لان الشرط ان هل ممكن نسجد لغير الله طبعا لا , طيب الواو عطف يعني اقتران يعني بدون شروط

    وش الاقوى

    كتاب ربك وكلامه المشرع الاول ولا الاحاديث المشرع الثاني ؟

    وبكل الحالتين هل السنه قدمت حق الزوج على الوالدين ؟ كم حديث يدل على عظمه الوالدين وبرهم والاحسان لهم ؟ وكم حديث يدل على الاحسان للزوج ؟ وابي دليل واحد قران ولا سنه قدم فيه حق الزوج على الوالدين ؟ واتحداكم
    مافيه الا هالرجال يقدمون انفسهم غصب وبعض الحريم تدربي براسها وراهم

    ارجع واقول كتاب الله عربي يعني اقيمت عليك الحجه مالك عذر هذا قال وهذا فعل
  2. @anth_alaakrb_1

    teacherforkids
    الساعة 2 بالليل وطلعتي تركضين !! ليش هالرخص ابوك جا يعزك قمتي ذليتي نفسك وذليتيه قالها لي ابوي الله يحفظه الي مايحب المراة ما يحترم اهلها
    من جد تصرفها يقهر
    لو صار لها اي مشكلة معه لاتلوم الا نفسها ولا تجي تتبكبك عند ابوها هي الي جابت المذله لنفسها
  3. اللي يقهر في الموضوع ويقتل ما احترم ابوك وانتي تشوفين ونازله ركض له والله ان تجين هنا تبكين انسي اي احترام او تقدير لك من بعد حركته ذي لابوك ومن البدايه ليش تروحين الاهلك وتشدين اعصابهم عليك كان قعدتي عنده ولا حطيتي ابوك في موقف مثل ذا لا ويكيف يومين ويرجعك لهم واللي تقول هي سوت صح بحسب الحديث والقرآن ايه هذا لما تكون في بيتها ومقفله عليها ماهو ناطه لاهلها وتحرق قلوبهم وبعدين تندم وتسحب عليهم انا قلبي ولع على ابوك وعمرك لا تفكرين بعزك عند ولد الناس عزك عند ابوك اللي ما حشمتيه قبل لا يحشمه ولد الناس
  4. @abraar_3

    خلاص يابنات يكفي لمناها وعتبناها بما فيه الكفايا خفو عليها ...كلامنا لها جارح يكفي خلاص.....صحيح ان تصرفها غلط بس لاننسى كلنا نغلط مافي انسان معصوم من الغلط...وهي أكيد حست بغلطها وأكيد انها بتعتذر من أبوها...واتمنى تاخذ الدرس انها ماترجع تسوي نفس الغلط.....ومن هذي الدنيا نتعلم
  5. أختي صاحبة الموضوع البنات الي قسوا عليك هدفهم يوصلون لك رسالة تصرفك خاطئ مالهم مصلحة يضيعون وقتهم في الرد على عضوية مجهولة ووحدة ما يعرفونها
    قصتك تشبه قصة وحدة من الجماعة مطلقة بدون أطفال أخذت متزوج ما أنجب وصار له نفس فترة زوجك عشرين سنة جابت له الولد ولكنه غير عادل يميل للأولى زعلت بيت أهلها ورجعت وحاله ما تغير


    أنتي لازم تفهمي تفكير الرجال وتقوي شخصيتك اذا مش عشانك عشان أولادك لا يتعقدوا في المستقبل بجو مشاكل
    زوجك غرضه من حركته يذل أبوك ويقهره عن طريقك أنتي وأنتي طاوعتيه للأسف يبي يوصل له رسالة أقدر أجي أخذها ومن نص بيتك وأرجعها ومالك كلمة توقيت الطلعة ثنتين الفجر هالوقت لو زوجك أخته تطلبه تطلع مع زوجها وهي زعلانة نفسك بيعفس الدنيا ما بيرضى على أخته ولا على بنته
    والكلام الي قاله ينقال بالتلفون ينقال بالواتس
    الي يحبك هو أبوك رغم أنك عصيتيه أرسل لك رسالة يطيب خاطرك فيها أما زوجك لو فعلاً شاري خاطرك ليش ما سفرك معاه ليش ما على الأقل خلاك ببيتك ورضاك؟


    والأهم من هذا أتفقتي معاه على العدل وحسن المعاملة وتقدير أهلك؟؟؟

تابعي تجارب أخرى من هذا القسم.