قصتي وبإذن الله بتصير سعيده 4

قرات اول قصة لك وكنتي عذمته....وهذي ثاني قصة...متى لحقتي تطلقتي وخلصتي العدة ورجع خطبك الاولاني؟؟معقول بهالسرعة الايام تمشي !!....

والله العظيم نفس ملاحظتي
كلو بسرعة بسرعة
بعدين اي خطوبة وهيا لسه في العده
واصلا صك الطلاق ما تاخدة من المحكمة الا بعد انتهاء العدة
ومستحيييل شيخ عارف الاحكام و الحلال والحرام يدخل نفسه بخطوبة وحدة في العدة

الحمد لله ،، فرحت لك وربي
وخصوصاً إنك ماغبتي عن بالي والله 🌹🌹


الله يسعدك ،، ويوفقك،، ويصرف عنك شر كل ذي شر

القصة من بدايتها مو مقنعة ابدا
والثغرات كثيرة وبدأوا العضوات يلاحظوها
حبل الكذب قصير

أشكر كل وحده فرحت معاي ودعت لي والله أتمنى أرد على كل وحده فيكم بس للأسف ماقدرت أرد عشان المشاركات قليله ..
وكنت أنتظر متى أقدر أرد عليكم وأشكركم من قلبي..
كل اللي فرحو لفرحتي عسى ربي يرزقكم أكبر من فرحتي واللي نصحوني بإذن الله باخذ بنصايحكم ربي يسعدكم دنيآ وأخره...
أما اللي كذبتني ماراح أدعي بقول بس الله يسامحكم كلامكم ضايقني كثير..
واللي تقول الأحداث سريعه بالنسبه لي يومها كان سنه وأبدآ ماكانت سريعه أنا قلت لكم عن قصتي من بدايتها ولحتى زواجي بالثاني..
طلاقي منه وخطوبتي بالثاني كانت بعد ماكتبت مواضيعي..
ولو ترجعو لمواضيعي راح تشوفو بنفسكم..
أنا عمري ماتخيلت إني أتطلق من الثاني ولو ترجعو لموضوعي الأول راح تشوفو إني كنت أطلب تدعون له بالهدايه..
لأنه مستحيل يجي في بالي أني أرجع للأول إلا بالأحلام..
بعد ماجاب بنت لبيتي بدأت أصير أقوى من أول وأحاول إني أتطلق وحتى لو ماصار عالأقل أكون حاولت خاصة إنه كان يقولي بجيبها على سريرك وماكان مهتم بأي شي..
وكل هذا من فضل ربي ثم فضل تشجيعكم لي وكلامكم اللي غيرني...
جارتي كانت تعرف بعض اللي صار معي وأعطتني رقم الشيخ اللي من قرايبهم وكلمة الشيخ فهذا مو مؤذون أو إمام مسجد بس قلت له الشيخ لأنه شغال بالمحكمه ويعرف كل الأحكام..
وقف معي بعد ماكلمته وساعدني وقال لي خوفيه لأنه الزنا ماراح يثبت عليه لأنه مافي شهود إلا إنتي...
سألتكم بموضوع ورديتو علي وشجعتوني إني أروح للمحكمه وبالفعل رحت بعد يومين مع أمي والشيخ اللي كلمته خلانا ندخل على الشيخ اللي يحكم..
وقال قضية أبوي راح ياخذ عليه تعهد إنه مايقرب مننا
أما زوجي لازم يحضر للمحكمه لأسباب كثير منها القذف والإهانات وكان معي إثبات للقذف بالرسايل محتفظه فيها..
رجعت البيت وقلت له اني اشتكيت وانه جارتنا بتشهد لأنها شافتك مع وحده والشيخ اخذ رسايل القذف واحتمال تنسجن من 5 الى 10 سنوات بهذي التهمه..
وقلت له إذا بتطلق راح أتنازل عن كل هذا..
تكلم علي وقال راح اخليك معلقه وكلام كثير وطلع ماشفته..
بعدها بإسبوع أرسلي إنه طلق ويبيني اطلع من البيت اليوم..
سبحان الله سهل موضوع الطلاق مع إنه كان من سابع المستحيلات خوفه من السجن وجهله بالأحكام كانت من أسباب سرعة الطلاق لأنه مايعرف بالحياه كثير وضعيف شخصيه وماعنده اصدقاء ولايعرف أحد...
كلمت الشيخ وقال انه سأله الشيخ إذا نطق بكلمة طالق قال له قبل شهرين ونص تقريبا نطقتها وكنت اقصدها وبعدين تساهلت بالموضوع فأعتبر الشيخ إنها طلقه واحده..
مع العلم انه والله ماصار جماع أبدآ من بعد ماقال الكلمه مو لسبب أصلآ انا كنت اعتقد انها ماتعتبر لأنه كان زعلان لأني رفضت الجماع...
والحمدالله اني رجعت لبيت اهلي واللي بعده انتم تعرفونه..
والشيخ جاء يقنع ابوي ماجاء يملك لنا كان يبغى بس يتكلمو مع بعض ويهدي النفوس بس..
وابوي لما طلب رضاوه مو لي طلبها له بسبب المشاكل اللي صارت زمان ودخل اخوي فيها التوقيف..
وعدهم أبوي بعد إنتهاء العده يعني بعد عيد الأضحى بإذن الله..
أنا شرحت كل هذا والله لأني تضايقت من كلام البعض اللي اعتبرتكم أخواتي وحبيتكم يشهد علي الله لأنه الفضل لكم بعد الله شجعتوني لحد ماوصلت الى مفترق طرق وعسى الطريق اللي بسلكه الفتره الجايه يكون خير وسعاده...
بنات أنا كنت أدعي يوميآ كنت أصلي وأبكي وأشكي لربي كنت أتعذب عذاب مستحيل أحد يتحمله..
زوجي كان يقفل الباب وياخذ المفتاح التسجيلات بكل مكان وكان ناوي يجيب كاميرا..
كل يوم يتكلم علي وعلى زوجي الأول حتى بالجماع كان يهينه ويهيني معه ولو أتكلم يضربني مايستمتع الا لما يسبه وعارفين شعور انه يسب واحد أغلى من الروح وقدامي وكنت لازم أسكت وابكي واتحمل ...
اقرو مواضيعي وشوفو كل اللي صار ولاتحكمو على أحد عشان عشتو تجربه مع وحده كذبت بالمنتدى..
والله كل اللي قلته صادقه فيه وماكذبت وياليت كان كذب ولاعشت أحداثها أنا تعذبت قبل ماأتزوج حبيبي وزوجي الأول سنين راحت وانا اتعذب من بعده عني وخوفي من أهلي إنهم يرفضوه وتعذبت حتى وافقو ورجعت للعذاب بعد مافرقونا وزوجوني من واحد تلذذ بإهانتي خاصة بعد ماعرف الماضي..
أنا فرحت بعد كل هالسنين والعذاب وقلت أفرحكم معي خاصة لأنكم شجعتوني سواء بالعام أو الخاص...
يااااارب في هذه الساعه يفرج على كل وحده همها ويبدلها لفرج وفرح..
ويسعدكم ويجمعكم باللي تحبون ولايحرمكم من غالي يارب العالمين...