{{ملف don }} المتجدد للآكلات المصرية للمبتدآت { 9 }

السلام عليكم جميعا

حلوة فكرة النكهة بتاعة الشيبسي دى يا دون اوى
تصدقى انا لسه راجعة من اولاد رجب حالا بس ماقرتش الحكاية دى غير دلوقتى خسارة كنت جبتها بالمرة اجربها مش عارفة هاروح تانى امتى

Cute_Jumana
اولاد رجب ليه فرع فى مدينة نصر مصطفى النحاس قبل مدرسة المنهل وبعد العمارة الابيض فى اخضر بتاعة مستشفى نور العيون مشهورة اوى هناك وهو على المترو

merci ya dandona
وانتي طيبة يا قمر :)
merci ya roshana :)

يا يا أم أبيها
قد إيه إنتي طيبه
وقلبك زي السكره

ربنا يكرمك يارب
ويفرحك بياسمين على طول
يارب
وما تشوفي فيها ولا في أبوها حاجه وحشه أبدا ويرزقك بأخوها وأختها يارب




ربنا يجزاكي خير

بس للأسف أنا عملت الملوخيه
من قبل ما أقرأ الرد بتاعك
ولسه دلوقتي بس
بعد ما الغدا خلص
قعدت وقرأته
أنا عملت بعض حجات زي ما قولتيها
من ذاكرتي القديمه من ماما ربنا يكرمها يارب


وإفتكرت لما سألت ماما قبل كده
إنتي ليه بتغلي الملوخيه هتبوظ
مش انتي بتقولي المفروض متغليش

قالتلي لا ده بعدين
وإنته لسه بتعمليها
لازم تحطيها في الشربه وتسيبيها تغلي شويه ((وللأسف شويه ده ملفتتش انتباهي ساعتها علشان أسألها أسيبها قد ايه ...
المهم قلت خليها تغلي يعني هتبوظ يعني
تبوظ
مع إنها مش أول مره أعمل ملوخيه بس يالله الحمد لله جت سليمه
سبتها تغلي
وتغلي


وتغلي وتغلي يجي خمس دقائق على نار عاااااليه
وبعدين قلت ياربي
ده النار عاليه روحت موطيه عليها وقعدت أحرك فيها بقوه عارفن كده كأنك بتضربي بيض بإديك (طريقه ماما برضوا)
بس
ولقيت شكلها بقى زي الي ماما بتعملها ( شكلها لما تشوفوها على السفره )
قلت خلاص كده أكيد لازم أحط التقليه التوم والكزبره
وحمرتهم مع حبتيين مستكه
في السمنه
وروحت طشتهم
وقفلت الحله
علشان ماما قالتلي لازم تقفليها علشان تشم نفس التقليه
وسبتها
ونفسي موت اادوقها
لا دقت الشوربه ولا الملخيه وهيه بتغلي
..
وخلاص بقى كنت هأموت
نيستها شويه
وبعدين إفتكرتها
قومت قلبتها وبأخد رشفه براحه ( مرعوبه )
لقتها زي العسل
لا وإيه أحلى من بتاعت ماما
بس زايده سنه ملح بس


شوفتوا بقى الشطاره بتاعتي
...


جزاكم الله خيرا جميعا :26:


عقبال السبانخ

على فكره أختي كانت هتولد النهارده
بس الحمد لله ربنا ستر..

فطومه
ملخويتك جنان واستغربت اوى بتحطى مرتين تقليه
اول مره اعرف كده بس شكلها كده احلى لازم اضحى واجربها ان شاء الله
البت احلام جرت ريقى عليها

فينك يا نوووودى
ابله دون عملت فيكى ايه بس قوليلى؟

صباح الفل والخيرات عليكم جميعا

كل ده لي انا يا احلام ، ربنا يكرمك يا رب كل الدعاء ده علشان الملوخية ، يا رب افرح بك عروسة زى القمر عن قريب ان شاء الله ويسمع منك يا رب الدعاء آمين ولكم مثل ذلك يا احلامتي

بس شاطرة يا لولو ضبطيها، وقعتي قلبي لحد ما ذقتيها ولاقيتها حلوة
على فكرة رغم ان الملوخية سهلة لكن تعبت كثير على بال ما عرفت اضبطها بسبب موضوع الغلي ده علشان ممكن لو غليت شوية زيادة ترقد ويبقى طعمها زى الخبيزة، واستقريت على الطريقة دي
بالهنا
سندريلا

والله انت عسل، انا برضه ريقي جري على الملوخية عاجبك كده يا ست احلام على طجول رحت جبت لي نص كيلو وان شاء الله اعمله النهاردة

لى فكرة الطريقة دي حلوة قوي وبتخلي ريق الملوخية زى العسل،

بس خلو بالكم لو هتعملوا ملوخية اكياس يدوبك تحطيها تغلي غلوة واحدة بس يعني 2 دقيقة وبعدين تطشي التقلية علشان بترقد بسرعة