محتاجه زوج حنوووون اعاني من الفراغ

جفاف عاطفي الله وكيلك ....تعالي صفي جنبي انا كنت مغتربه مثلك ورجعنا من سنه ....طبعا حسيت مثلك بتغيير كبير لانه صار اغلب وقته عند اهله وانا وولادي بس يجي يشوفنا شوي ويروح وغالبا يرجع اخر الليل بعد السهرة والبسط عندهم
اتوقع احنا المغتربات تعودنا ع ا زواجنا زياده وتعودنا يظلو ملازمين ...لما رجعنا حصلنا وضع ثاني واهتمامات ومشاغل اخذت الزوج
بقلك طولي بالك شوي....والصراحه مافي احلى منها اقعدي معه وتصارحي معه بوضوح...تعال انت متغير انت اقرب انسان الي صرت بعيد ومشغول عني وينك ليه ماتعطيني من وقتك وبالشده وباللين
الله يفرج همك ويسخرلك زوجك

شي يحزن لما تشوف وحدة بهالعمر وبعد عمر الزواج هذا جاية تتكلم زي المراهقات
المفروض حنانك واحتياجك تعطينة وتاخذينة من زوجك واولادك وبيتك

خلاص ترا الدنيا ماهي حلا ومانتي مراهقة عشان تقولين الكلام ولا شبعتي ونكرتي!

لو على الأجهزة ومسكة الجوال ترا نص الشعب يعاني إذا كان مو كله
لازم تتأقلمي على الوضع وتاخذي الأمور ببساطه عشان صحتك قبل كل شي وعشان أطفالك
احنا نراكض ورى الرجال ولما نتذكر انها دنيا فانيه والله المفروض نستحقر أنفسنا والله مابيغني عني يوم القيامه من العذاب مثقال ذرة ..
عشان كذا كبرررري راسك .

هل تتوقعين ان المشاعر لها وقت وخلاص الزوجه تصير صنم لاتحس ولاتبي

هل المشاعر محصوره على المراهقات! بالعكس اللي عند المراهقات لخبطة هرمونات واندفاع ماله اساس من الصحه

اما صاحبة القصه تقولك عمرها ٣٠ قمة نشوة المرأه توها تبدى من الثلاثين وهي بأول عتبه من هالمرحله

صاحبة القصه الله يحنن قلبه عليك ويسخره لك اكثر واكثر يارب .. مشكلتك الغربه اولهم انا عايشه بغربه و٢٤ ساعه زوجي معاي نطلع ونجي جميع وفاهمتك لما نروح اجازه لديرة اهله وينشغل مع الشباب قرايبه احس بفراغ كبييير بس هذا مو غلطته غلطتي انا اني خلقت السعاده بعيوني هو وبس .. حاولي تشغلين عمرك لايصير مركز الكون انشغلي بحياتك وخلي لك جو .. واذا حسيتي تبينه معاك وهو مشغول سوي لك جو جلسة قهوه مرتبه وتعالي عنده وابدي سولفي وحاولي تدورين سوالف هو يحبها شي مشترك فيكم لجل مايمل بتلقينه يتفاعل وخليه يحب هالجلسه ويشتاق لها

وعن الامور الزوجيه البحته لو انتي مقصره حسسيه انك مشتاقه له وترغبين فيه بقوه بتلقينه ينجن عليك .. يحبون يحسون المراه تبيهم مثل ماهم يبونها مو بس تجاملهم لاطلبوها

عن الهدايا شوفي الشعب اغلبه جاف وفاقد الشي لايعطيه بادري .. انا كنت اجيب وهو حبه انه مايقولي لا بأي شي ابيه لكن كنت اطمح انه يصير يهدي مثل اول .. فصرت اهديه مره واثنين وبعدين اقول ( عقبالنا ) بضحك ينحرج ويهدي واحسسه بفرح كبيييير حتى لو الشي مو على ذوقي بس عشان يتعود والحمدلله رجع افضل من اول تدرين وش كان عذره واصدقه انا ( انه ذوقي مايعجبك ) لما فكرت هداياه اول حبيسه الادراج والرجال طلعوا يلاحظون بس يسكتون الحين رازه هداياه شوي والبسهم جميع هههههههه

الاكيد بادري بادري وكل شي تبينه اطلبي مو مرضت وصار وجهي اصفر ورحت لاهلي و و
الرجال مايعلم الغيب ووش فيك بدون تتكلمين
صارحي وطالبي وعاتبي وخوذي وعطي بس خليك ذكيه ومو نكديه واشبعيييه مشاعر بينعكس عليك

اتمنى لك حياة سعيده

والله ما لفتني إلا شي واحد
الزوج الحنون اللي تبحثين عنه ماله وجود في أرض الواقع
أغلب الرجال لاهيين