شكلك ماتحبين المسووليه والارتباط
طيب سهله جدا كل ماتطهرين من الدوره ي تجيك وحده بالبيت تنفظك يا مشغل زين يحفون وجهك وجسمك ويرتبون حواجبك وبديكير ومناكير وتنظيف بشره وكل 6 شهور او اقل غيري لون شعرك وقصيه قصه جميله مو شرط كله بس شوي غيري لو الاطراف .. طبعا الاطراف شهريا
والحواجب تعيدي على شغل المشغل بالبيت او عندهم كل اسبوع
ولو مره تعبانه سوي بروتين لشعرك وتروشي واطلعي يهبل وكله نعومه بدون استشوار ابدا
البيت خلي يوم السبت مثلا لنفض البيت خصوصا م فيش اطفال رتبيه من فوق لتحت والغسيل جمعيهم يوم الاثنين مثلا
خذي غساله اتوماتيك اريح لك تطلعهم للدولاب سيده لاتكوين ولاشي ..
وباقي ايام الاسبوع تنظيف خفيف للمكان الي تجلسون به والمطبخ ولو تبين تطبخين كل يوم عندك 5 ايام فقط شكلي اي شي وخلي يوم بالاسبوع مع اهلك او صديقاتك عشان تغيير الجو ويوم مع زوجك لو تحبين او يومين مع الي تبين.
وتعودي حطي ايلانير وروج او مرطب بشفايفك ودهني جسمك خذي مسك من اجمل وحطيه بكريم جونسون للاطفال كل ماتروشتي تدهني به ريحته روقان ونظافه ويخليك ناعمه تهبلين .
واللبس بعد ماتشوفين نفسك نظيفه وتهبلين بتتحمسين تلبسين خصصي يوم تكشخين به ع الاخر وعيشي حياتك قبل الاطفال وباقي الايام الحين برد البسي قطن مع صوف وشكلي فيهم والعبي بالالوان عادي رقعي المهم تلبسين شي يدفيك ويكون جميل ..
واقري القران او الكتب وسعي عقلك وقوي قوته بالقراءه لو تقرين جرايد المهم اقري اي شي كل يوم لو صفحه
وفوضي امرك لله وبالنسبه للنعومه تجي مع التربيه ماراح تقدرين تصيرين ناعمه بالاسلوب ابدا ههههه بس خليك ع طبيعتك ماحد يحب الي يتصنع لو صرتي تلقين وجسمك نظيف وريحتك نظافه خلاص يكفي
واهم شي تذكري انك جميله بكل حالاتك خلي هالكلمه ببالك كل ماناظرتي للمريه بتغير فيك الكثير هالكلمه وبتحمسكك اكثر ..
ان شاء الله بس تمشين ع النظام هذا بترتاحين وسهل جدا بالتطبيق موفقه
اتمني ردود من شخصيات متزنة
متابعة النقاش، صفحة 5