بتكلم من قهر

لاتخلين الشيطان يلعب لعبته صح كل الضراير مثلك لاتخلين مشاعر الانثى وغيرتها ادمرك حكمي عقلك وتمالكي نفسك انكسري بين يدي الله في ثلث الأخير كرري اللهم لاتجعل في قلبي غيلا للذين آمنوا راح ترتاحي هي بعد كانت وحيدته وجود الضره عليها انكسار شنيع لها وجرح ماراح تنساها لو شرى لها الف بيت هو اللحين يبي يكسب ثقتها فيه الي انعدمت وفِي نفس الوقت مايبي يخسرك حبيبتي ولو كانت هي رابحه فعلا كان طلقك ليش ماتوقعتي انها اشرطت طلاقك ورفض أكيد الماديات مثل البيت عمرها ماكانت العوض والله لو ماكان يحبك قدها وأكثر كان طلقك لعيون الاوله فهمتي الله يشرح صدرك وساعد

يا بنتي لا تخلي الغيرة تحرق قلبك وتفسد حياتك ،، فكري بعقل واحمدي الله انه رغم رجوع زوجته له يرسل لك رسايل حب ... ترى لو ما يحبك ما كان ارسل لك شي واكتفى بها خصوصا عارفة قلبه متحسر بسبب ظلمه لها

وقلب الرجل يسع لأكثر من حب مو مثل قلب المرأة ،،، وهذا شرع الله

ترى مثر المشاكل وكثر الهواش يخليه يمل منك ويكره الجلسة معك ،،،

اهم واول خطوة تأكدي وآمني ان هذا قدر الله عليك ،، ان تصيري زوجة ثانيه رغم كرهك لهذا ،،، ولازم ترضين بالنصيب لأن رضاك به يعني رضاك بالله ( رضي الله عنهم ورضو عنه) كيف احنا نرضى عن ربنا سبحانه ؟؟ !! هو ان نرضى بما كتبه الله علينا

وترى طبينتك بعد مسكينه ووضعها محزن ،، هي اصعب منك كانت سعيدة ومستقرة مع زوجها واولادها واتهموها وظلموها ،، ويوم رد الله لها زوجها رجت متزوج وعنده اطفال

يعني وضعها ما تقهرك انها خربت عليك ولفت على زوجك وميلت قلبه

الحمد لله هي في ديرة وانت بديرة ثانيه .. لو بنفس البلد يمون اصعب عليك

ارجوووك لا تتابعين جواله ولا مكالماته متى ارسل وش ارسل وكيف كلمها ترى مو من حقك خلاص هي زوجته بشرع الله مثلك وهي بعد مو من حقها تعرف وش ارسل لك وميف كلمك ،،، لا تجنين على نفسك ،، ولا تتسببين لنفسك بامراض لا قدر الله هذي الضغوطات مع الوقت تسبب سكر وضغط ..ولا تكرهين زوجك فيك مع الوقت يفكر بالاستغناء عنك لأنك نكديه ومتدخله في ادق تصرفاته خانقته ..

اتجهي في خياتك لمصلحتك فكري في اسعاد نفسك وحافظي على فروضك وتلاوة القران واكثري استغفار وسوي لنفسك برامج خاصة فيك وزيارات اهل وصديقات لا تخلين سعادتك مقترنه بزوجك فقط

صححح

..

الله ينزع الغيرة من قلبك
ادري الموضوع بعينك مو صغير
بس تراه انسان واضح ماشاء الله عادل
انتي بطلي تفتشين جواله عشان قلبك ونفسيتك
والله يرزقك طفلين ويبني لك مثلها
الله يصلح ذاتك