اللي فهمته من كلامك أنك مو حابه الطلاق بالذات عشان أولادك,ولا تبين تدخلين شخص حكيم من أهلك في الموضوع,
و الخطوات اللي سويتيها صح بس إلى متى..!
الرجال طفش وتعود على أسلوبك بالآخر أرخصك وقال روحي بيت أهلك مع انه كان شاري رضاك وحاب يرجع المياة لمجاريها ,
وكان بأمكانك وقتها تجلسين معاه ووتتناقشين وتبينين أن زعلك عليه مو عشان نفسك في المقام الأول,
بالعكس عشانه أهو وأنك خايفة عليه من سخط رب العالمين ثم من الأمراض اللي مالها علاج وممكن تخسرونه بسببها ,
و من الفضيحة اللي بتطول العائلة كلها وبتبقى وصمة عار بمستقبل أولادكم في المجتمع,
وأنكم تشتاقون له وتتمنون وجودة معاكم خلال سفرته ,و انه حيل يألمك بخيانته ويكسر قلبك ويجرح كرامتك,
بعدها يحلف لك على المصحف لأن من حلف له بالله فليرضى,لأنه صعب الجزم أنه مارس الزنا بشكل فعلي الا بشهود أو أعتراف من الزاني ,
لأنه ممكن راح لهاذي الأمكان ولعب وهيص ولا وصل لمرحلة الأختلاء والزنا,
وأنه عندك طلبين عشان تستمر حياتكم بمحبه وصفاء أن سفراتة الجاية تكونوا معاه وتنبسطوا كلكم,
يسوي التحاليل في مختبر ثقة وما يقرب منك الا بسلبية النتائج اللي ماراح تطلع الا بعد ثلاث شهور
غير الفحص السريري اللي بيبين لك مبدئيًا إذا فيه أمراض ظاهرية مثل الطفح الجلدي أو البثور ,
(لا تقللين من قدر مفعول الكلمة الطيبة وإلا ما كانت صدقة, والأسلوب الحلو بما أن زوجك من الشخصيات العنيدة)
إذا ارتحتي للكلام اللي فوق يمديك تطبقينة,
والله يصلح ما بينكم ويهدي سركم ويوفقكم ويسعدكم.
اعوذ بالله من خيانة و خذلان يعقبها قهر!
متابعة النقاش، صفحة 13