تعبت والله تعبت
السلام عليكم ياحلوين كيفكمبفوت بالموضوع أنا هلأ عمري 20 متزوجة رجل اكبر مني ب 16 سنة متزوج وعندو 3 اطفالانا ووياه تزوجنا عن حباو بالأصح انا حبيتو كتييرصرلنا متزوجين 3 سنوات هو حباب بس جدا عصبي وبيضل بيهددني بالزواج وانا مابدي يتزوج الثالثةعايشة مع مرتو الأولی ببيت واحدومابعمل مشاكل وبحبو وبحب مرتو وعيلتوبس دائما بخاف انو يتزوج من جديد وهو بيضل بيهددني بها لشي وأنا بنقهر علی حالي مالي عرفانة شو اعمل عندي منو طفل عمره سنة ونصف ورافض اني جيب ولاد غيرو وخلاني ركب لولب كرمال مااحملقلي انو هو بيحبني بس مابيحب الولادحتی النوم مابيتركني نام براحتي والله بخاف يجي عالبيت ويلاقيني نايمة لأنو بيجن بيقول انتي عايشة بس كرمال تاكلي وتنامي مع اني عايشة متل الخدامة لالو كلشي بقلو عليه حاضر كاسة الماي لعندو المساج يوميا بعملو ياه الصبح من الساعة 7 بفيق معو وببعتو عشغلوومع هيك بكتير مواقف معاملتو سيئة معي وبيحسسني انو بيكرهني ومانعني اني احكي اي شي عن حياتي لأهلي والا بيعمل حياتي جحيم ودائما بيقلي اذا مو عاجبتك حياتي الله معك عبيت اهلك بيرفض اني ناقشو بشي بيقلي وجعتيلي راسي انا هيك واذا مو عاجبك الله معكادعولي انتو ببلاد الله المباركة الله يخليكم ادعولي انو يخليني جيب اطفال لأني كتير بحب الاطفال بس هو رافضادعولي تتحسن حياتي معو لأنو مالي غيرو انا من عيلة متوسطة الحال ويتيمة وهو تزوجني بسبب جمالي اكتر من انو حبني