احتاج معلومه من مبدعات الفطائر والسينابون......

أختي العزيزة بالنسبة للفطائر دهن الوجه بالبيض ليس له دخل في انها تصير قاسية ربما السبب أنك تتركيها في الفرن مدة طويلة ويمكنك استخدام الزبادي لجعلها أكثر طراوة كما يمكنك إضافة قليل من الحليب لصفار البيض ودهن الوجه به أم السينابون أيضا لا تتركيه فترة طويلة حتى لا تجف المواد السائلة به عندما تخرجيه مباشرة ضعي فوقه حليب مكثف محلى وغيره حسب رغبتك

اول ماتطلع من الفرن غطيها بمنشفه نظيفه وفوقها سفره طعام او كيس تصيير طريه ولينه وفطايري الكل يسألني عن سر طراوتها ولونها الحلو وحقولك سر للوجه يخلي لونها روعه وريحتها تجنن وطعمها لذيذ مثل فطاير المخابز الجاهزه
ادهن الفطاير بخليطين وانتي اختاري واحد منهم
الاول انقع فصين ثوم مقطعه صغير بزيت زيتون نقعيها قبل بوقت اقل شي 3ساعات وادهني فيها وجه الفطاير رووعه قليل عليها
والثاني اذوب شوي نسكافه بمويه حاره واخلطها مع حليب سائل تعطي لون يجننن وريحه تشهي
ولما تطلعي الفطاير من الفرن ادهنيها برضو من الخليط بس على الوجه وخلي يدك سريعه ادهنيها وغطيها سريع مثل ماقلت لك قبل ولاتنسيني من دعواتك

الف شكر لكل الردود والله يسعدك ويوفقك اصايل 🌹

مساءالخير

من زمان عن منتدانا الي مستحيل انساه
واخيرا حملته على جوالي

المعجنات مافي اسهل منها اهم شي يكون الفرن حار قبل ماتحطي الفطاير لا اذا كان شغلتيه وحطيتيها تطول وتنشف على شان كذا تيبس

والسينامون اذا خلص وشقر اول ماتطلعيه سقيه بكريمة خفق شوي مو كثير كل حبه ملعقه
وخليه شوي بالفرن يتشرب واذا ماعندك سقيه حليب سايل يادوب ملعقة اكل

وعجينة السينامون طريقتي لها

علبة زبادي و ثلاث ملاعق حليب بودره ونص زبده 50غرام
وبيضه وملعقتين فانيلا او ظرف دريم ويب
وفنجالين سكر حوالي 6ملاعق اكل
تخلط وكاس ونص ماء دافي ورشة ملح وملعقه خميره ونص ملعقه بكنج بودر
تخلط وتصب على اربع كاسات دقيق واذا كانت العجينه لينه زيدي شوي دقيق حتى تحصلي على عجينه طريه ماتلزق باليد
جربي وادعي لي لو اعرف احط صوره بحطها

يارب تطلع