الحل مع ابن زوجي

الله يسخر زوجك وعياله لك حبيبتي .. ماعليه تحمليهم فتره وبعدين راح ترتاحين باقي عمرك .. عامليهم بالحسنى واكسبيهم والاهم تكسبين رضا الله سبحانه ورضى زوجك لانه واضح انه يحبك وشاريك بس بعد هم عياله وحاس بالمسؤليه تجاهم .. اذا تحبين زوجك حاولي انك تكسبين عياله وتعاملينهم بالحسنى وصدقيني بالنهايه انتي بترتاحين لانهم بيصيرون مثل عيالك ... الحين هم اطفال ومراهقين ومايفكرون في تصرفاتهم الغلط معك بس مع الوقت بيكبرون وبيعرفون انه خطا وبتكون لك قيمه عندهم ... وكل شي تسوينه معهم احتسبي الاجر من الله لان ربي ماينسى حد من عباده ويعطي كل واحد على نيته .. صح اللي صار منهم مو قليل بس ماعليش تحملي شوي وخلي في بيتك خطوط حمرا مايتعدونها مثل غرفه نومك مايدخلونها نهائي .. وامنعوهم من الجوالات اذا جو زياره وكذا ... علشان يحسون بغلطهم .. الله يريح بالك حبيبتي ويسخرهم لك ♥️

معاها بالضبط ..

ليش تضغطين ع نفسك منتي بملزومه فيه ..

لاتكونون مثاليين بزياده كل وحده تحب حريتها في بيتها وترتاح نفسيا .. اذا امه مو مستحملته فليش انتي تستحمليه ..وفوق هذا حامل ويرفض اكلك .. صاااارحي زوجك باللي في قلبك قولي ما ابغاه ما ارتاح ..

احتسبي الاجر قد يكون سند لكي غدا
ولكن

غرفتك خط احمر

ربي يسعدك ويتمم حملك ويبارك بعمرك وعملك

شكرا لردكم جميعا.
امس ولله الحمد حطينا نقطة على كل حرف وقلت له انا حامل وهذا اول ضنا لي بعد سنين حرمان.واللي في بطني ولدك كمان.
انا احب ولدك واقدره بس لايكلف الله نفسا الا وسعها.
هات الولد يوم الخميس اذا رحنا الشاليه خله ينبسط ويسبح بس لو سمحت الان رجعه للبيت لان نفسيتي جد تعبانه مع الحمل والوحام ..
ولازم تفهم ان لكل نفس قدرة تحمل.ولدك على عيني وراسي بس انا ابي حريتي بالويكند مو معقولة كل اجازة تخرب علي.
قالي...
انا ولدي جاني قبل شهرين وقالي خالتي تضربني اذا رحت الدوام انت..يقول لعب في راسي الشيطان ورجعت ذاك اليوم فجأة للبيت ولقيتك حاطه الفطور وجالسه تفطرينه بيدك وعرفت ان ولدي يكذب .... ويوم سأل الولد ليش تكذب قال امي تقولي قل كذا.
قلت لزوجي...انا ماعلي من امه انا علاقتي بك انت وعيالك عيالي بس لازم تفهم ان في حدود بحياتي مااسمح احد يتجاوزها..واولها غرفتي وان الولد كان ينام لحاله ولايبول بس عندي يبول ويبي ينام بغرفتي.والقصة مو قصة كره له...القصة بكرة يكبر ان شاء الله ويتذكر كل شي وهذا خطا.
قالي ابشري وش تبين اسويه.
قلت ولدك اذا رحنا شاليه هاته او اذا في عزومه في بيتنا وكل شهر هاته مره يجلس معنا وانا ماامنعك تروح لهم وتسافر معهم وتاخذهم مطاعم.
قالي سمي.
وراح للولد وجلس يبكي ويصرخ مايبي يروح.وتفاهم معه وفهمه انو مايصير هالكلام وعيب واني تعبانه ولازم ارتاح وانه لو صار لي شي ان ابوه بيتعب ويمرض ...طبعا رفض الولد ولكن زوجي شد عليه وقاله لاتطيع امك بكل شي ترى بعدين ماعاد اسمح لك تجي عندك.اذا قالت لك شي ع خالتك قلها هذي خالتي ولاشفت شي منها وذكره بالجنه والنار واقتنع الولد ولله الحمد وخذاه لامه.
طبعا الولد الكبير دق وليش تسوون به كذا وهذا ولدك وحرام عليها.قاله زوجي رب العالمين مايحب الظلم وحرمه على نفسه وعلى عباده وهذي بنت الناس بنسأل عنها عند الله.
انتم مو مقصر معكم وهي مو مقصر معها ... ترضى اختك يصير بها كذا؟
طبعا تفاهم معه وانتهت ولله الحمد.
شكرا لكل الردود وجزاكم االله خير

الحمدالله ...الله يسعدكم يارب ونعم الزووج ..والله يا اخت روح اني عارفه هذي حركات من امه تحرضه لكن الله يكفيكم شرها واحسن ماسويتي 😄