شاركي في النقاش

سجلي الدخول لإضافة تعليق.

التعليقات

1,380

  1. @ghrom_1

    صاحبة الموضوع




    تشريب ومرق لحم بالبطاطس والكوسا..





    صينية البطاطس والمشروم والذرة بالكريمة ، لذيييييييييذة وسريعة من ايد خالتي ام فيصل..

    المقادير:
    4 ك بطاطس مقطعة مكعبات ومقلية
    2 علبة مشروم شرائح
    2 علبة ذرة
    علبة كريمة + 2 م ك جبن كرافت الكاس
    ك جبن موتزريلا
    فلفل اسود وملح

    الطريقة:
    اخلطي البطاطس والمشروم والذرة والبهار والملح ثم اخلطي الكريمة والجبن معاهم ودخليهم الفرن لمدة 15 دقيقة على 180 ثم طلعيها ورشي الجبن ودخليها الفرن لحد مايذوب ثم قدميها..





    مسقعة خالتي أم يوسف اللذيذة..

    طريقة عملها :)

    تابع الطريقة..




    أما صينية الرز اللي بالسفرة فهذي من امس "لان كان عندنا عشا لعمامي صورت لكم كل شي بس كرت الصور ضاع :( ادوره وانزلها لكم لانهم رووووووووعة خصوا البوفية وهرم الفواكه ، اخلص اللي بيدي الحين واقوم ادوره"



  2. @ghrom_1

    صاحبة الموضوع



    الحلويات:



    جلي وكاستر وكريم كراميل
    تمر
    قطايف "جبن ومكسرات وقشطة"



    كيكة بيتي كروكر الشوكولاته الغامقة باضافات رووووعة ..

    المقادير:
    كيكة بيتي كروكر سويتها مثل ماهو مكتوب

    كيس كريم كراميل سويه عادي
    2 علبة قيمر الكبيرة
    3 ملاعق كاكاو
    3 م ك نوتيلا
    2 دريم ويب

    للتزيين:
    فليك وفستق مطحون

    الطريقة:
    سوي الكيكة وخليها تبرد تماما..
    كريمة الحشو: علبة دريم ويب + قيمر + 3 ملاعق كاكاو + 3 م ك نوتيلا اخلطيهم عدل

    كريمة التغطية:علبة دريم ويب + قيمر

    قصيها اثنين حطي القسم الاول بطبق التقديم وشربيها 2م ك كريم كراميل ثم حطي كريمة الحشوة ، حطي الكيكة الثانية وشربيها 2م ك كريم كراميل ثم غطيها بكريمة التغطية..
    زينيها بالفستق والفليك..



    وهذا من داخل..





    بسبوسة محشية قشطة ومزينه بالفستق..





    حلو سهل جدا ولذيذ جدا جدا جدا ..

    المقادير:
    كيك كاكاو
    2 علبة عصير مانجو
    بسكويت جلكوز "تقريبا 5 علب"
    الخلطة: 4 كيري + كيس كريم كراميل + علبة عصير مانجو + 1.5 علبة قيمر كبيرة

    صوص كاكاو للتزيين

    الطريقة:
    صفي الكيك بالبايركس ثم شربيه علبة عصير مانجو ثم صفي طبقتين بسكويت جلكوز وشربي كل طبق عصير ثم اخلطي الخلطة وصبيها على الوجه و زينيها بالكاكاو ودخليها الثلاجة لمدة 6 ساعات ثم قدميها..



    المشروبات:
    بيذان "شراب اللوز"
    فيمتو
    عصير برتقال
    شراب الورد
    دارسين بالجوز
    قهوة عربية
    لومي
    شاي بالزعفران





    هذي سفرة اليوم بالتعاون مع خالاتي انتظر رايكم فيها يالغلا :) ، انتظروني باجر في سفرة مختلفة وجديدة بإذن الرحمن :22: ..

    دعواتكم لأبوي الغالي ان الله يشفيه وطولنا بعمره وعمر أمي الغالية..
    وان الله يرزقني الــزوج الصالح الغني بدينه وماله وأخلاقه اللي يفرح قلب امي وابوي..
    والله يكتب لنا المغفرة والجنة بهالايام المباركة..
    اللهم أميــــــــــــــــــــــــــن :) ..




  3. @ghrom_1

    صاحبة الموضوع
    lora18
    ماشالله ولاقوة الا بالله متابعه لليوم وبقوه:)




    تسلمون حبيباتي على متابعتكم وكلامكم العسل :) ..







    ههههههههه اقول ياربي ماحطيت طريقة خالتي <<< والله شككتيني بنفسي وقعدت ادور على الطريقة بالصفحات :22: ..




    تسلمين حبيبتي..




    حبيبتي انت انا اخذه من مركز سلطان ..

    هذي علبة التورتيلا..



    وهذي علبة التاكو "فيها التاكو السوفت والكريسب"..






    هلا حبيبتي ، اي طريقة يريت تسويلي اقتباس على ردي عشان احملهم لج يالغلا :) ..


  5. @mgrohh_4

    غرومة
    ياجعل عيني ما تبكيج :26:
    الله يرزقج بالزوج الصالح الي يفرح قلبج ويسعدج ويطول بعمر الوالد والوالده ويرزقج الجنه :26:
    السفره اليوم مرره حلوه ولذيذه مبدعه ..عساها بالعافيه على قلوبكم يارب ومن يد ما نعدمها

    سويت حلو الايس الكريم مرره روعه فديت قلبج :26:

تابعي تجارب أخرى من هذا القسم.