..قصتي ..
صباح الخير ..انا بقولكم قصتي كاملة اللي خلتني لحد الحين شخصية مهزوزة الحين بديت اقرا كتب تطوير الذات تحسنت شوي ..انا ابوي طلق امي وعمري 4 سنوات ومعي اخواني اربعة امي بعد الطلاق رحنا معها لديرتنا يوم صار عمري 6 سنين ابوي اخذني انا واخواني للمدينة طبعا وقتها اشوف امي تبكي علينا بس كنت مشتتة كنت ابكي وفيني خوف مشاعر ما اقدر اوصفها مشينا مع ابوي للمدينة ووصلنا حصلنا زوجةابوي ومعها بنت اختنا الصغيرة دخلنا البيت انا واخواني كانا غرباء نمنا قمت اليوم الثاني قعدت ابكي ابغى امي واخواني يهدوني كانو صغار مثلي بس من هاللحظة كبرنا فجاة كانو يهدوني وهم يبكون وما يبينولي بس كنت اشوف دموعهم كان ابوي اذا بكينا يهددنا وصارم معنا ياربي حياة جديدة اول مره اصحى وامي ماهي جنبي كانت تقومني عالفطور وتمشطلي شعري عشان اروح المدرسة وتشربني الحليب غصبن عني كنت احس اني في حلم ودي اصحى منه وقتها تجهزنا انا واخواني للفطور كنت اقول ما ابغى ابوي يرد ما تبغين قومي على بالي بيغصبني مثل امي انقضت الاجازة الصيفية وقتها كنت ادرس ثاني ابتدائي رحت المدرسة كنت اتخيل امي يوم تجي تسال عني ارجع البيت اتغدى وانام ويصحينا ابوي بالقوة كانت حياة مالها معنى محد يهتم فينا او يسال اكلتو وش سويتو في المدرسة اذا ما اكلنا محد يهتم زوجة ابوي تهتم في اختي الصغيرة اذا قمت الصبح اخوي يمشط شعري ويسويلنا فسحتنا انا واخواني ويرتب كتبتا ويذاكر لنا الله يجزيه الجنة كنت اروح بمريولي وصخ والمعلمات لاحظو صارو يسالوني ما كنت اعلمهم عشان البنات ما يعايروني بس كانو المعلمات يهتمو فيني واحد من اخواني كان يطيح في المدرسة من سوء التغذية مع الايام صارت زوجة ابوي تخبي فسحتنا الصبح ونروح بدون مصروف ..يتبع