قبوط والعجين محشي لحم مفروم وكشمش امي حبيبتي مسويته ، لذيذ جدا جدا :21: ..
راح احط طريقته باجر لان امي نايمة ونسيت اخذ طريقته منها ..

طريقة عمل القبوط بالتفصيل والخطوات للغالية زهرة النوير وخالتها الله يجزاها كل خير ان شاء الله
الحلويات:

جلي وكريم كراميل
تمر
قطايف "جبن ومكسرات وقشطة"
ولقيمات "العلبة الجاهزة حلوة بس صراحة لقيمات ام عزيزان الذ" ، وترى سنع اختي الزايد هو اللي خلاها تغلف الصحون بالنايلون <<< اول مرة تمسك شغل ترتيب سفرة الحلو الفالحة وانت عافينها طبعا :42:..
سلطة فواكه خفيفة ولذيذة ..
المقادير:
علبة فواكه الحجم الكبير بس صفي العصير من العلبة
كل أنواع الفواكه اللي تحبونها "احنا استخدمنا : شمام ، موز، تفاح احمر واخضر ، برتقال ، رمان ، مانجو وعنب احمر وكيوي وبابايا و"
عصير مانجو
الطريقة:
اخلطي الفواكه بعد تقطيعها الحجم اللي انتو حابينه ثم صبي عليهم العصير وخليهم لحين التقديم ..

حلو مانجو والله كأنكم تاكلون مانجو طبيعية من اختراعي :22: والله من لذته رفيجاتي دايما يطلبونه مني ، والأحلى سهل وسريع ومكوناته 3 اشياء بس :27: ..
المقادير:
كيس مانجو مثلج غير محلى "وزنه كيلو"
2-3 كيس جيلاتين مذوب ب1\2 ك ماء حار
1-2 كوب سكر "الحلات على الذوق"
1 ك ماء حار
علبة كيك فانيليا
للتزيين:
لب مانجو طبيعية
الطريقة:
قطعي الكيك شرائح وصفيها بالصينية..
ذوبي المانجو على النار مع كوب الماء والسكر لحد ما يذوب تماما ومو لازم يغلي بس لازم يكون حار ثم ارفعيه عن النار ، ذوبي الجيلاتين بالماء الحار وبعدين صبيه على المانجو الحار باستخدام مصفاة وحركيه ثم صبيه على الكيك بالصينية شوي شوي ودخليه الثلاجة لحد مايجمد عدل وبعدين زينيه بقطع المانجو الطبيعية ثم قدميه ..
وهذي صور عمله بالترتيب..








