محتاجه احد افضفض له تعبانه ووحيده بعد امي

بسالك ياقلبي كيف سليتي وكملتي حياتك انا بيت ابوي هجرته ماعاد جيته هل راح اقدر اسلى

ادعي لها حبيبتي وتصدقي عنها ولو قدرتي احفري لها بير


الله يرحمها رحمة واسعة

الله يرحمها ويغفر لها.. ويجعل ما اصابها كفارة لها...
وانتي استغفري لها وتصدقي عنها .. واذا تقدرين خذي عمرة وانوي العمرة لامك...
ولا تلتفتين لوسوسه الشيطان.... تعوذي من الشيطان
وموتها رحمه لها وتخفيف من العذاب والمرض اللي جاها..
لا تقطعين صله بأمك حتى لو ماتت...
فيه حديث في مامعناة... ان المؤمن ترتفع درجته بالجنه ويسأل من اين لي هذا... قال بستغفار ولدك لك...
ف انتي احرصي على كل خير وبر يصل إلى امك...
ربي يرحمها ويرحم جميع اموووات المسلمين.

والله قطعتي قلبي مريت بجزء من اللي مريتي فيه لكن الفرق ان جدي كان بوعيه وهو تعبان كان يقول ادعولي اقوم وامشي كان متمسك بالحياه وكلنا ندري انه تعبااااان . تعبنا كلنا بعد وفاته من جدتي وامي واخواني .له ذحين ٥سنين .
مالقيت دوء ولا طب للالم النفسي غير ان ادعي له كل وقت واجيب طاريه بالخيييير ..ما افكر في كيف وضعه ذحين خلاص ذحين بين رحمه الله مالنا غير الدعاء .
لمريت من عند بيته دعيت له الله يرحمك ياجدي سوى وسوى وسوى ...اذكره بالخييير .ما اذكر انا وش سويت له ..لكن اذكر محاسنه ..ولا احد جاب طاريه ترحمت عليه ..وبنتي ذحين تطريه وتذكره بالخير من ذكري له .
لاافطرت في رمضان دعيت له .لشفت شي يحبه طريت وقلت جدي كان يحبه الله يرحمه ..قصصه وكلامه اطريه ..واذكره بفرح والله ونفسيه زينه ..
ادعي لها واطريها بالخير في كل مجلس .واذكري افعالها بفخر وفرح ..وانسي انتي وش سويتي وش قلتي خلاص مابيدك شي ذحين -
مافي احسن من كلام الرسول والله والله انه يهدي النفسيه ويريحها (((اذكروا محاسن مواتاكم))

سجلت دخوول على شانك والله بكيتيييني يابعد هالدنيا كلها بيض الله وجهك بيض الله وجهك بيض الله وجهك .. والله يجمعك معها بجنّات النعييييم يارب وتضمينهااا بالجنّه ان شاء الله انتي ماقصرتي ياروح اختك سوويتي كل ذا وتسالين انا قصرت ! والله تمنيييت اني عندك واضمك كل شي سويتينه مأجوره عليه حبيبتي وبتلقيينها بعيالك ان شاء الله وببرهم لك .. امسسحي دمووعك ولاتخلين الاكتئاب يسيطر عليك ربي اللي كتب لك كل ذا قادر بانه ينسسيك كل شي يوجع قلبك ربي ينتظرك تلجأين له قومي صلي الوتر وادعي لامك بالرحمه وان ربي يمسح على قلبك وينسيك كل شي يوجعك .. الحياه كذا وانا اختك لازم صبر زوجك وابوك واخوانك كلهم ينتظرونك ترجعيين هدى الاول خلاص امك عند ارحم الراااحميييين وانتبهي تتعالجين بحبوب نفسيه علاجك بالقران والاستغفار حبيبتي ❤️❤️❤️❤️