بنات انصحوني تكفون

ي عيوني انتي الله يسعدك ويشرح خاطرك وييسر لك امرك ويفرج همك ويحقق مبتغاك اول شي مره شكرا انك نبهتيني ع اشياء انا كنت جاهله عنها يعني اتمنى لو مثلا تعلميني شلون يعني زي جدول يكون مليء بالنشويات والبروتينات يعني ماشاءالله احسك خبره الله يسعدك ويبلغنا وياك رمضان لافاقدين ولا مفقودين واحنا بأتم صحه وعافيه وستر وع جميع المسلمين 💕.

وحبيت ازيد نقطه انا الرز م اكله او المكرونه والمشروبات الغازيه عادي لو م شربتها لكن طبعا مثل المطاعم السريعه هي اللي اتعبتنا لكن عندي اراده ابعد عنها بإذن اللي ماتنام عينه بس المشكله ابي تحفيز احس متحطمه من نفسي يعني باقي بنت ووزني كذا الحمدلله الحمدلله جدا ع العافيه لكن برضوا السمنه مرض الله يكفانا شرها

أول شي آسفه على كمية الردود السلبيه، جميل أنج تحطين شي من عقلج أفضل من أنج تتبيعن شي جاهز. نظامج يحتاج بعض التعديلات. أول شي يفضل تضيفين كاربوهيدرات معقده لنظامج مثلا بطاطا، ممكن تشوينها أو بالفرن مع خضار مثل البروكلي و الجزر، هذي الكربوهيدرات تعطيج طاقه ومصدر أفضل للكاربوهيدرات من الكاربوهيدرات البسيطه مثل الخبز والرز. تقدرين تعملين صينيه خضار بالفرن وترشين بزيت أفوكادو أو أي زيت صحي مع بهارات ايطااليه أو حتى بدون بهار وتاكلينها على الغدا مع البروتين. ممكن اذا اشتقتي للخبز أو الرز تاكلي توست او نص خبز كامل على الفطور أو الغدا مره أو مرتين بالأسبوع، أهم شي كليه ببداية اليوم لأن الكاربوهيدرات لازم تنحرق واذا اكلتيها متاخر ما تنحرق وتتخزن بالجسم. الزبده لازم تاكلين كاربوهيدرات معقده كل يوم بس في بداية اليوم. ولازم تضيفين ملعقة دهون صحيه كل يوم، ممكن يكون من زيت الافوكادو او الزيتون أو حتى السمن البلدي وممكن حتى من الافوكادو أو المكسرات.

غير هذا، تستغنين عن العصير لأن الفواكه المعصوره فيها كميه عاليه من السكر.

أيضا مو شرط تاكلين دجاجه مسلوقه الا اذا تحبين الدجاج المسلوق، يعني ممكن تسوين يخنة دجاج مع الخضار والكاري أو أي توابل أو صينيه دجاج. وضيفي كل الخضار اللي ببالك. ممكن أيضا تسبتدلينها مرات بالسمك أو اللحم. أهم شي أنك تاكلين بروتين مع خضار وتطبخينها بقليل من الزيت الصحي و أمورك تمام.

العشا كبداية ممكن تستخدمين زبادي خالي الدسم وما يمنع تضيفين خيار مقشر مع نعناع مع فلفل أسود وشوي ملح بحر (أهم شي مو ملح مائده). وحتى لو جعتي كلي سطله وتبليها بتوابل ايطاليه أو دبس رمان بدون سكر أو خل البلسميك مع جبنه بيضا قليلة الدسم أو جبن حلوم. الزبده٬ استمتعي باكلك. تقدرين تاكلين آكل صحي ومتبل وصحي ومع ملح. بالنسبه للخضار المسلوق أنا أضيف له جبنة فيتا قليلة الدسم مع زيت زيتون وتوابل ايطاليه الطعم خيالي.
البيض يفضل ما تاكلين وايد لأن فيها نسبه عاليه من الكوليسترول،
الماي اشربي أقل شي ٣ لتر لأن وزنج يحتاج أكثر، اشربي من ٣ لتر لجالون ماي وممكن تضيفين معاه ليمون شوي أو نعناع. وعادى اشربي بارد.
الرياضه، المشي خليها كله مره وحده متى ما ناسبج أهم شي امشي من ٥ ل ١٠ كيلو باليوم.

غير هذا الله يوفقج، واذا احتجتي أي شي أرسلي لي رساله خاصه، هذي النصايح كلها من تجربه شخصيه. لا تكونين قاسيه على نفسج، تقدرين تاكلين صحي ولذيذ وتنزلين. أنا وصلت لوزني المثالي مع هذا للحين آكل صحي ومستمتعه فيه.

الله يسعدك احس اني محبطه ماادري كيف نفسيتي مره ابي احد يحفزني او بالاصح اشاركه يومياتي ويعدلها وهنا م اقدر ارسل خاص لانه باقي ماوصلت للحد المطلوب المهم احس اني ضايعه مره وفيني بكيه 💘😿.

حبيبتي والله حاسه فيك لأني كنت في مكانك. روحي سوي لك شاي و اشربيه واعملي تمارين التنفس العميق كم دقيقه، لو ما تعرفين كيف نزلي آب اسمه calm و روحي صوب ال breath وهو يقولك متى تعملي شهيق متى تحبسي النفس ومتى تسوين زفير. وايد يحسن النفسيه. بعد فيه أصوات حلوه تهدآ النفسيه. بعد تقدرين تشوفين في اليوتيوب candle light yoga نوع جدا خفيف من اليوغا بدون أي جهد بس يحسن النفسيه، سوي هالأشيا اليوم ونامي والصباح رباح. واذا هذا ما نفع شوفي فيديوات ASMR باليوتيوب تسوي ريلاكسيشن وتنوم. راح أتبع برد ثاني