طيب يا اختي انا عملت مثل وضعك بالضبط
انا مطلقة وعندي بنت
والله اني تحت شور امي بكل شي وسايستها واعطيتها فلوس وخدمة بكل شي
بس كل هذا ما ملى عينها
ما ترتاح الا اذا شافتني قدامها انضرب ضرب اليهود
تحرض ابوي واخواتي البنات والاولاد
يضربوني وهي كمان تشاركهم بالضرب
ترتاح نفسيا وابوي مثلها
بالرغم ان امي هي اللي تسببت بطلاقي !!
وكل ما يجيني خاطب واوافق عليها تقيم القيامة علي لانها رافضة زواجي بأيا كان !
لا سمحت لي اتوفق مع ابو بنتي ولا اتزوج من بعده
والله حاليا حابسة نفسي بغرفتي عشان اتقي عنفهم وضربهم بتحريش من أمي
خدمتهم وذليت نفسي عشان احنن قلوبهم ولكن مافي فايدة
انا الان في حيييييرة شدييييدة ماني اعرف كيف الخلاص
بنتي بدون تعليم وانا محبوسة بالبيت وبغرفتي ماطلع الا على الحمام وآخذ لقمتنا انا وبنتي من المطبخ
الوضع زاااد عن حده
لا نفقة
لا طلعة من البيت
وبنتي معي محبوسة لا دراسة ولاهم يحزنون
حتى الضيوف لما يجونا ما اقدر اجلس عندهم واتونس بالجلسة أظل محبوسة بغرفتي وهذا بتشديد من امي مع ان بالسابق ماكنت آخذ بكلامها واجلس مع الضيوف عشان ارتاح واشوف اوادم اتكلم معاهم ولكن بعد ما يروحو الضيوف امي تتبلى علي بأمور انا بريئة منها وتطعني في شرفي اني اتواصل مع طليقي واتونس معه على حد قولها !!
ويجو اخواني ويضربوني واخواتي البنات عاجبهم وفرحانات لانهم ورثو من امي نفس الشخصية والطباع !!
مدري ايش الحل !!
اعطيتهم فلوس من بيعة ذهبي عشان اوقف شرهم
ولا ثمر فيهم
انا الان قطعتهم نهائيا لا سلام ولا جلوس ولا احتكاك معهم
عشان ارتاح من العنف الجسدي واللفظي
انا بأوساط الثلاثينات ما شفع لهم كبر سني
ولا بري وطاعتي لهم ومتهميني بالعقوق لاني رفضت اني استقبل ضرب اخواتي !
تعبت من معاملتها لي يارب رحمتك
متابعة النقاش، صفحة 11