بنتي تكرهني

اولا صلاح الابن او الابنه رزق من الله فطلبي الله يرزقك برهم وصلاحهم وخذي بالأسباب
بنتك تحتاج الصرامه والقوه بتربيه وتحتاج برضو الحب والحنان بالاوقات العاديه امسكيها وخميها وبوسيها قولي انا احبك وانتي فرحتي الأولى لاتقولينها وقت تصيرين تراضيها لا قوليها بشكل عام خليها من نفسها تحس انك تحبينها واذا غلطت شدي عليها وخليك صارمه معها

انتبهي بنتك لسا صغيرة لا تزرعي فيها الكره...هي طفلة يعني تقدري تمشيها يمين يسار بكيفك...حسسيها بانك مهتمة فيها اذا طلعتي مكان خديها معاك او اشتري لها الي تحبه ..بوسيها في خدها.الطفل بالمعامة تكسبيه بسهولة .....لكن اذا كبرت ووصلت مرحلة المراهقة صعب...

الشي الخطير ان الأم تبدأ بالجفاء والجفاف العاطفي وتبدأ سلسلة النفور والصد والاهمال والتفرقه
وخلاص تتعود الصد وتعامل بقسوه الى الابد
والبنت تكبر بسرعه ويكبر معاها هذا الشعور انها منبوذه ومجرمه ومكروهه وانها غلطه في هذي الحياه
على ايش ؟؟
لان الأم الفاضله أم عقل كبير مربية الاجيال حست انها تكره هالبزره !
فقررت تسحب عليها اقوى سيفون وتتفرغ لباقي عيالها
ثم بعد ماتصير البنت مراهقه ويتلقفونها عيال الشوارع ويغرقونها حب واهتمام وتتمرد وتفسد
تجي الأم الفاضله مربية الاجيال تلطم وتندب حظها ان بنتها خربت وفلتت من يدها !
تعافها كل هالسنوات ثم تبيها يوم كبرت تبوس رجولها وتطيعها
امهات اغرب من الغرابه
يعاملون بناتهم بقسوه ويعنفونهم ويضربونهم ويسبونهم
ثم يستغربون كيف البزره صارت ام لسانين وتردد كلام كبير وتدعي بالموت !
شكلهم مايسمعون انفسهم وش يقولون لها
ولا يشوفون معاملتهم لها
بس شاطرين يشوفون رد فعلها على العذاب اللي تحس فيه وفوق كل هذا يعاقبونها بإنهم يكرهونها

لكم الله يا اطفال .

كلهم كذا العناد اكثر شي بالبنات

فعلا والله...تصير فجوة كبيرة بين الام والأبناء بالأخص البنت لأنها تحتاج معاملة خاصة وحب وحنان...اذا اختفت هذه الأشياء تصير وردة ذابلة