omass :

ردك دائماً يشفي القلب و ساستمر أنشاء الله و كوني معنا في Let' write ثم أبدأي موضوعك وسنكون معك أنشاء الله بالنسبة للأفعال أذا ما فيه كلفة أبغاها

ردك دائماً يشفي القلب و ساستمر أنشاء الله و كوني معنا في Let' write ثم أبدأي موضوعك وسنكون معك...

الندااويه :

السلام عليكم .... بنات أنا توني بديت القراءة ... شفت الموضوع الاسبوع اللي فات ورحت بنفس اليوم لمكتبة جرير ( والله ربحت هالمكتبة :) ) المهم شريت مجموعة قصص حق مستويات مختلفة ... خذيت وحدة من قصص جوس بامبز أسمها Welcome 2 Camp NightMare وهم خذيت قصتين من مجموعة Dean وهم The Mystery of the Disapearing Cat والثانية : The Mystery of the Hidden House هذول القصص تندرج تحت قصص الأطفال أو المراهقين فأكيد أسلوبها بسيط وسهل وهم خذيت قصة حق أجاثا كريستي إسمها The Pale House شكلها فظيعة بس ما أبي أقراها ألحين أخاف أنصدم وأتعقد إذا ما فهمت شي وبعد خذيت روايتين - بس أحس مستواهم حيل حيل متقدم - أنصحتني فيهم وحدة أجنبية شفتها بالمكتبة وقالتلي أنهم أحسن الروايات اللي قرتهم وهم The Last Juror و The Pelican Brief حق John Grisham ومع أني ما راح أقراهم بالقريب العاجل إلا أن عندي أمل أن راح يجي اليوم اللي أقدر أقراهم فيه :) سوري أدري أن هذرتي واجد بس أنا داشه أستفسر عن شغله ... أنا ليلحين على القصة الأولى على الرغم من أن قرائتي سريعة و على الرغم من حماسي وحبي للقراءة ...بس أنا بقولولكم على طريقتي وقولولي إذا صح أو لاء أنا لما أقرأ يكون وياي الأطلس المترجم وقلم رصاص ... فأروح أخطط على الكلمات اللي ما فهمتها وغالبًا تكون أقل من 8 كلمات بالصفحة الوحدة .. المهم لما أخلص الجبتر أروح أطلع معاني الكلمات من الأطلس وأكتبهم بدفتر خارجي وأحفظهم ... يعني يطلع لي 40 كلمة بالجبتر الواحد تقريبًا ... عشان جذي أنا أطول بالقصة ... فما أدري شنو طريقتكم بحفظ الكلمات الجديدة ... يعني هل تنصحوني أني أحفظهم أو بس أطلعهم من المعجم بدون لا أحفظهم ... مع أني أنا وحدة أنسى بسرعة يعني إذا بغيت أحفظ لازم أتدرب وأكتب الكلمة أكثر من مرة عشان تلزق :) بليز بنات قولولي لأني أحس طريقتي متعبة شوي بس نفعتني يعني الكلمة من أول مرة أشوفها وأتدرب على كتابتها خلاص ما يحتاج أطلع معناها من المعجم مرة ثانية وأسفة على الإطالة

السلام عليكم .... بنات أنا توني بديت القراءة ... شفت الموضوع الاسبوع اللي فات ورحت بنفس...