والله قريت العنوان حسيت اني ماعرف اطبخ :)
أخطاء الحمدلله ماعندي أخطاء حاليا يمكن لأني أطبخ من كنت بالأبتدائي
وعليكم الحساب الله يحسن الخاتمة :(
وطبعا كل شيئ أشوفه أسأل أمي رحمة الله عليها أوقات اقولها أسوي كذا مع كذا تقولي لا مايصلح
أمممممممم زي أيش تبون ؟؟:)
من ناحيتي أنا ما استخدم الماجي بأي نوع ابيص أصفر ولا أي شيئ مصنع
لأنها مضرة
والله مايحضرني شي إلا من بعض اللي كتبتوه
زي اللي تسأل عن هل البهارات هي التوابل أقولها نعم هي نفسها ياقلبي
من ناحية البهارات اللي ورد إلى ذهني الآن أنها إستخدامها على البركة كذا يخلي الأكل سيئ بدال مايحسنه
وممكن يصير فعلا تاكلين الأكل طعمه بهارات وبس والمواد الأساسية في الطبخة طعمها ضايع مع البهارات
تبين رز حلو وريحته تهبل حطي البهارات من غير طحن
والبهارات اللي تخلي الرز ريحته حلوة
هي كمون كزبرة قرفة قرنفل (مسمار عويدي ) هيل خولنجان ورق الغار يانسون النجمة أو اليانسون الصيني
والفلفل الأسود واللومي الأسود
وطبعا مل هذولي من غير طحن تحطين زي ماهو وماتكثرين عاد حسب كمية الرز
ويفضل غسلها قبل وتشويحها شوي مع الرز
ومن المنكهات للرز حطي سن ثوم لكل كاسة رز والفلفل الأخضر سواءبارد أوحار يخلي ريحة الرز
تجيب العافية :)
إذا سويتي حمسة بصل وطماطم أوشكشوكة إنتبهي تحطين معها بهارات خير شر لأنه البصل والطماطم أصلا مو محتاجين نكهة نكهتهم قوية أهم شي تشوحين البصل كويس وتحطين معه صلصة حسب كمية الطبخة
وتخلينها تتسبك مع البصل وتحطين الطماطم وتخلينهم يتسبكون مع بعض وممكن تزودي مويا بس لاتكثؤين عشان
ماتصير منطلقة وسايلة إذا تحبينها غليظة وخاثرة
فقط تضيفي الملح في الأخير وتقدرين تحطين شريحتين فلفل
ولو تبينها شكشوكة حطي البيض مابعد ماتستوي الحمسة كويس وممن نفس الحمسة
تحطين فيها باميا بس تكونين حاطة قطع لحم مع التسبيكة من البداية وثوم حسب الرغبة
يعني عشان تحصلي على نكهة لذيذة ترا طريقة الحمس وتسبيك الصلصة مع البصل وإذا فيه طماطم بعد
لها دور كبير جداً
والله هذا اللي جاء في بالي بس أتذكر لي مواضيع تجاربي في المطبخ
نجي للعجين
فيه اشياء تساعد على أن العجينة تكون طرية مثل السكر والحليب البودرة
طيب متى نضيف هالأشياء
إذا أنا أبي أعجن لقيمات طبعا مايصلح اضيق لا سكر ولا حليب بودرة لأنها بتخلي اللقيمات
لينة وتتحمر بسرعة قبل تستوي من جوا
لكن أضيفها على عجينة الفطاير إذا الفطاير حلوة أضيف سكر براحتي ممكن فنجال سكر وفنجال حليب
لكل 300 جرام من الدقيق تقريبا معليش ترا أنا اقيس بمخي بس أتوقع :cook:
أما إذا مالحة لا فأقدر أزود بالحليب البودرة والسكر ملعقة أكل لكل 300 جرام
الخميرة إذا زادت في العجينة خلت ريحتها قوية وتصير كانها شي خربان
وتجيب لكم حرقان في المعدة
لذلك حطي قياس معقول وأعجني كويس أهم شيئ العجن مع وقت كافي مع قوام عجينة مناسب
إذا فطاير أو لقيمات
الخميرة تخلي اللقيمات ماتتحمر بسرعة غذا زادت وتصير قاسية كأنها حجر
اللقيمات اللبن والزبادي يخلي طعمها خيال أهم شي عجينتك لاتصير سايلة ولا قاسية
لاتصبين مويا حارة على الخميرة لأنها تبطل مفعولها حطي ماء دافي مع شوية سكر وملح
العجينة إذا بتسوين فطاير وتبغيها طرية لا تفردين العجينة لحد ماتصير رقيقة مثل الورق
راح تطلع الفطاير يابسة
خليها بسماكة نصف سم وإذا حشيتيها وخلصتي خليها تختمر في الصينة 10دقايق قبل تحطينها بالفرن
راح يطلع معك فطاير زي القطن
وأهم شيئ لاتدهني الصينية زيت لأنه العجينة فيها زين والزيت اللي بالصينية تتشربه العجينة و
تخرب عليك أقل شي من تحت راح تلاقينها متغير عن اللي فوق
لاتدهن الفطاير بالبيض إستخدمي حليب أبوقوس أو بودرة بس ثقليه
يعطيك لمعة حلوة من غير ريحة البيض
والفطاير يفضل تكون في الرف الوسط على نار 180 درجة هذا إذا الصينية صاج أبيض أو ألمنيوم
أما غذا صينية صاج أسود أو تيفال أو ززجاج إرفعيها للرف اللي فوق لأنه النوعيات هذي تمتص الحرارة بقوة فتتحمر بسرعة وهي ما استوت وممن تحترق من تحت
إذا تبين تقلين بيض لا تصبين البيض في المقلاة قبل تسخن كويس
عشان يطلع القرص بسهولة مايلزق ويتقطع ويطلع شكله جميل بعد
يعني جربي حطي بيض والمقلى بارد وجربي حطي وهو ساخن
وشوفي الفرق بنفسك :cook:
أيوة تحريك المهلبية أو النشاء بقوة يخليها ترجع سايلة
وكذلك خفق كريمة الخفق زيادة يخليها تسيح
لذلك إذا تكونت كريمة خلاص وقفي الخفق
ومع السلامة إلى أفكار جديدة أو أخطاء منسية:cook:
الصفحة الأخيرة
*أي نوع من اللحوم افضل اضافه الكركم ولوبكميه بسيطه لانها تشيل الزنخة منها
*بعد غسيل الدجاج يفضل ان تضعي عليه الدقيق وتتركيه ثلث ساعه ثم اغسليه تماما لازاله أي روائح غي مستحبه في الدجاج
*اذا عندك ترمس قهوة اوشاي وفيه ريحه تبغي تشيلينها حطي ملعقتين دقيق وعبيه ماء ورجيه جيدا واتركيه ساعه ثم اغسليه بالماء والصابون ا
* تردين رز ابيض ناصع ضعي غطاء خل له عند الطبخ
* تردين الاحتفاظ بالخضروات الورقيه خضراء لمده اسبوعين عليكي بغسلها جيدا بالماء ثم صفيها واتركيها تنشف من الماء ولفيها بورق كراسه رسم البيضاء وضعيها بداخل كيس وضعيها في درج الثلاجة السفلي
هذي كلها من تجاربي واذا افتكرت شئ ثاني راح اكتب الله يوفقكم لكل خير احبابي