الاولاد و مشكلة اكلهم

noga2005 :

السلام عليكم حبيت أكون اول من يشارك بموضوعك أوركيديا لاني عانيت وما زلت من مسالة اكل الاطفال ومزاجيتهم فيه رح احكي عن تجربتي ورح حاول اختصر قدر الامكان بالنسبة للولد الكبير كان عنده مشكلة الالتهاب المتكرر للوز واللحمية وهاي الشغلة حسب كلام الدكتور بكون الولد كانه مرشح على طول فما بيحس بطعم الاكل وعانيت الامرين معه ولو حتى انه يجرب الطعم بدون فايدة كان معظم الوقت عايش عالحليب والعصائر وساندويشات اللبنة والزيت والزعتر والجبنة السائلة ....الخ لحد ما صار عمره 3 سنوات عملناه استئصال لوز ولحمية والحمد لله تحسنت حالته الصحية كتير وبدا يتقبل الاكل وهلق الله يخليه عمره تقريبا 11 سنه وماشاء الله بياكل كل شي تقريبا أما الصغير(اللي مشيبني)فكان عنده كمان التهاب لوز متكرر و استئصلناهم بس مش متل أخوه كتير مغلبني بأكله وهو شوي عنيد يعني ما بيحب يجرب اكل جديد هن كم طبخة بيحبهم وبده اياني اعملهم كل يوم(تخيلي) في جملة دايما بتزكرها قالتلي اياها ستي الله يطول بعمرها لما كانت تشوفهم بيعذبوني بموضوع الاكل :يا ستي طولي بالك بكرة لما يكبروا بتبطلي تلحقي عليهم اكل سألتها امتى بس؟قالتلي بس يبدوا بالعشرة وطالع !قصدها عالمراهقة ما تنسي انه زمان كانت خيارات الاكل محدودة مش متل هلق اشكال الوان وخاصة الدعايات بالتلفزيون بتشجع عالاكل الغير صحي متل البرجر والبطاطا المقلية والشبس والببسي والشوكولاتات والبونبون وغيرها موضوعك حلو ومهم اوركيديا وانشا الله بنتك بس تكبر شوي بيتحسن اكلها الموضوع بده صبر وطولة بال شو بدنا نعمل هيك سنه الحياة!

السلام عليكم حبيت أكون اول من يشارك بموضوعك أوركيديا لاني عانيت وما زلت من مسالة اكل الاطفال...