ترى ياحطام في بداية الموضوع النزول يكون بطئ جدا وبعد يبدى يزيد فانتي اصبري شوي وان شاالله تشوفين الي يسرك

لا ان شالله توصلين للي تبين على نهاية الشهر.. وحتى لو ماوصلتي واصلي ولا تيأسين مصير الواحد بيوصل للي يبيه

هلا بنات شخباركم اسمحولي الفرة الي طافت اتاخرت عليكم لاني وايد انشغلت حتى الرجيم نسيته بس الحمدلله وزني ما زاد المهم انه مازاد وخلاص ان شاء الله راح ينقص وقوولي شو تاكلون شو ما تاكلون علشان اسوي مثلكم ونشجع بعض

أهليييييييييين بنات
هلا حطام الماضي ولا تزعلين.. بس تدرين اكيد الكل انشغل شويه
عالعموم بنات وينكم وين همتكم... بنت الامارات كليو بترا خبرونا عن نظامكم في الاكل
انا بصراحه الايام الي راحت ماكنت احرص على اكلي كثير.. والسبب هالعزايم..لكن انا قررت من اليوم ان شالله اني ابدى اخفف

في العصر امشي نص ساعه.. واعمل رياضات خفيفه لمدة خمس دقايق

اما على الفطوور نظامي راح يكون على الاذان اخذ لي 3 تمرات واشرب عقبها ماي.. ثمن اروح اصلي وارجع افطر.. وراح اكل من كل شي موجود بالسفره بس اهم شي اني اخفف.. يعني باخذ حبتين سمبوسه.. حبيتين لقيمات.. وهكذا من كل شي باخذ لي شوي وطبعا بشرب لي عصير فيمتو عن خاطري تدرون ان ماشربنا فيمتو يعني مافطرنا.. عشان كذا بشرب لي كاس صغير عصير فيمتو.. وعقبه بشوي بشرب لي كوب اعشاب (شاي جامو)

وبسسسس.. والسحور راح احاول اخليه خفيف بالحيييل

هذا بالنسبه لنظامي الي راح اسويه.. وعاد باقي انظمتكم.. يلا كل وحده تقول وش تسوي عشان نستفيد

هلا يا بنات انا برجعلكم بعد شوي بس حبيت اقولكم اني انا موجوده برجعلكم عقب شوي

عن اذنكم