وش التعري الزايدقبيح يعني فيه تعري مقبول وتعري قبيح؟!
والاالتنوره لنص الساق وبلوزه كت لبس محترم؟!
اتقوا الله اتقوا الله اتقوا الله لاتكونوا من الكاسيات العاريات
استروا انفسكم ماله داعي تجيبوا لنا الغثيان والاشمئزاز من منظر اللحم المتكشف
وانا اقول ليش ماالقى فستان ساتر وانيق
لان ماعاد احديطلب الاالمكشوف
الله المستعان شكلنا صرنا في زمان القابض على دينه كالقابض على جمر

ألله عليك يا آآآآآآخر الزمان!

الحين الكت والقصير نص الساق صار لبس محترم؟؟؟!!

يعني اللي تلبس كم طويل ولا نص كم وتنورة طويلة هذي أيش؟؟!!

أما اللي تقول زوجي مايتدخل في لبسي وألبس اللي ابغى دامني مقتنعة

أقول صح عليك بس لو صغتيها بشكل صحيح لتكون العبارة

زوجي مايدري عني ايش ألبس أشتري اللي أبغاه ولو درى مايهتم لأني مش من أولوياته

انا البس قدام الحريم الي يعجني بس الحريم الكبار بسن احترمهم والبس البس الي يعجبهم اذا كانت المناسبه في البيت بس المناسبات الكبيره البس كلشي حلو بدون قيود وزوجي ععععععععععععععععععععععععععععععادي عنده يقول اهم شي انك تلبسي امام الرجال احتشام وساتر يعني امام اخوانه عيال خواته بحتشام اما امام الحريم لايمانع

عن أسامة بن زيد قال : كساني رسول الله - صلى الله عليه وسلم - قبطية كثيفةمما أهداها له دحية الكلبي فكسوتها امرأتي فقال لي رسول الله - صلى الله عليه وسلم - : " ما لك لم تلبس القبطية ؟ " قلت : يا رسول الله كسوتها امرأتي فقال رسول الله - صلى الله عليه وسلم - : " مرها فلتجعل تحتها غلالة ، فإني أخاف أن تصف حجم عظامها " .

رواه أحمد ، والطبراني



الأسئلة حول ذلك كالتالي:

ليه الرسول صلى الله عليه وسلم أمر بأن تجعل زوجة اسامة تحت القماش بطانة دامها متحجبة وماتطلع قدام الرجال؟؟؟

ليه الرسول صلى الله عليه وسلم قال لأسامة مرها يعني من الأمر أأمرها ؟

ليه أسامة رضي الله عنه ماقال أيش دخلني في لبسها دامها مقتنعة يارسول الله ؟؟

ليه ماذكرت كتب السيرة في هذه الحادثة ان زوجة أسامة قالت لزوجها أيش عليك مني وأيش التشدد هذا
هذا تعري مقبول وهذي حريتي الشخصية؟؟

أيش تتوقعين ردة فعل الرسول صلى الله عليه وسلم لو رأى في زماننا من تكشف آباطها:01:

وتظهر ساقيها بعد أن أمرهن منذ أكثر من 1430 عام بأن يرخين ثيابهن شبرا أو ذراعا ولا يزدن عليه؟؟

هل فهمكن بالمقلوب هل قال الرسول صلى الله عليه وسلم يكشفن من ثيابهن شبرا أو ذراعا ؟؟!!!!!!!!

الزوج اللي ينصح زوجته ويحاول يبعدها عن الملابس الضيقة أو المكشوفة هذا زوج يستحق التقدير وأنظر له نظرة احترام ويتجلى في فعله هذا قمة الحب..
لأن اللي يحب زوجته يخاف ويحرص عليها..
لأن اللي يحب زوجته يسعى إنها تكون أفضل الناس بمظهرها وجوهرها..
لأن اللي يحب زوجته يهمه يرفع من شأنها قدام كل الناس..
لأن اللي يحب زوجته يهمه إنها ماتقع في محظور وماتسوي شي يغضب الله..
لأن اللي يحب زوجته يعتبرها أمانة بين إيديه وهو محاسب عنها ومسئول لذلك بيسعى إنه يبعدها عن كل مايوجب عقاب الله من تعري وتكشف..
أي زوج يحب إن زوجته تلبس له كل شي..لكن قدام الناس يكون اللبس بحدود..
المرأة اللي تظهر أمام زوجها بشكل وتلبس من وراه عند الناس شيء ثاني..بنظري هذي إنسانة غير جديرة بالثقة..
دائماً لازم يكون عندك رقيب ذاتي من داخلك
خلي الدافع لك هو رضا الله قبل البشر..
أي جمال هذا اللي نلقاه في التعري وكشف أجزاء من الجسم؟!!
أي جمال في التصاق الأقمشة بالجسد وتحديدها لتفاصيل الجسم؟!!
أنا شخصياً أتقزز من منظر الأجساد واللحوم وهي مكشوفة..ومن منظر العورات وهي مفصلة ومحددة تحت الملابس الضيقة..
نصيحتي لكل أنثى..بما إننا مقبلين على موسم مناسبات وتجمعات..
طيعي ربك..
ثم إرضي زوجك..
ثم احترمي عيون الناس لاتضايقينهم بمنظر لحمك المكشوف وعوراتك الظاهرة..
والله يهديني وإياكم ويرزقنا الحشمة والستر بالدنيا والآخرة..