ان شاءالله يا دلوعه بطبق اللي تقولينه

وعجبتني وااااااايد فكره ال5 كيلو


يارب يارب


والله يابنات مو قادره اكتب شي من البكي

بس تعرفين الدكتور قالي لاتسوين رياضه الا بعد نزووول 5 كيلو او 6 كيلو من الوزن وبعد جي سوي رياضه وتبتدين اول شي بالمشي في الهواء الطلق لمدة 30 دقيقه وكل يومين تزيدين 5 دقايق عشان الدهون ماتتحول الى عضلات

وانشالله تضعفين وتخسين وتوصلين للوزن المطلوب ....لو وصلتي 100 كشخه كبدايه وعقب شوي شوي لين ال 90 وعقب 80 وعقب 70 وتكونين وصلتي عالم الرشاقه

الضحكه الحزينه جربي هالنظام لمدة اسبووع لان نتايجه حلووه ومافيه حرمان واايد

النظام الغذائي الذي تتبعه القوات
المسلحة الامريكية
7-8 كيلو غرام في 13 يوماً



السبت:
الفطور: فنجان قهوة بدون سكر
الغداء : بيضتان مسلوقتان + وحبة طماطم
العشاء : أوقية لحمة مشوية + سلطة خضار بدون زيت

الأحد:
الفطور : فنجان قهوة بدون سكر + قطعة خبز محمص
الغداء : أوقية لحمة مشوية + سلطة مع زيت قليل
العشاء : 150 غرام مرتديلا + سلطة

الاثنين:
الفطور : فنجان قهوة بدون سكر + قطعة خبز محمص
الغداء : سلطة كرفس مع حبة طماطم وليمون
العشاء : 150 غرام مرتديلا + سلطة + بيضتان مسلوقتان

الثلثاء:
الفطور : فنجان قهوة بدون سكر + قطعة خبز محمص
الغداء : بيضة مسلوقة + جزر مبروش + 150 غرام جبنة غريور
العشاء : سلطة فاكهة مع قليل من السكر وفنجان لبن

الاربعاء:
الفطور : فنجان كبير جزر مسلوق + 150 غرام مرتديلا
الغداء : حبة طماطم + أوقية سمك مشوي
العشاء :250 غرام لحمة + مشوية مع سلطة كرفس

الخميس:
الفطور : فنجان قهوة بدون سكر + قطعة خبز محمص
الغداء : دجاج ربع كيلو مشوي + سلطة
العشاء : بيضتان مسلوقتان + فنجان جزر مبروش

الجمعة:
الفطور: فنجان شاي بدون سكر
الغداء : اوقية لحم مشوي + كريب فروت
العشاء : كلي ما تشتهينه ولكن باعتدال

هو مدته 13 يوم وبتنقصين 8 كيلو انتي جربي اول اسبوع وانشالله تنقصين فيه 4 كيلو ولو ناسبج وارتحتي له كملي الاسبوع الثاني

شوفوا ياخواتي


انا صارلي سنتين تقريبا فاقدة الثقه في نفسي

وقمت اتنازل عن اشياءوايد انا استحقها ......عشان غيري

سلمت اني خلاص فقدت كل شي واني ما استحق اسوي اي شي عشان نفسي


لكن اللي رجع فيني الرغبه بالضعف هو اخوي الحبيب


صاير هاليومين يفتح موضوع الزواج

يبي يتزوج بعد ما يتخرج(السنة الجايه باذن الله)

وانا والله فكرت فيها

وقلت بيني وبين نفسي

شنو بيقولون اهل العروس لو يشوفوني على هالحال

وبصراحه ما ابي احد ينتقدني اكثر واكثر

وعشان هذا اول ولد يتزوج من اخواني
ان شاءالله

حابه ان انا وخواتي نطلع احسن ناااااااس
واحنا بصراحه ناوين نخطب البنت بالعطله وامي تجهز من الحين عشان العرس

والبنت ماشاءالله هي وخواتها عارضات ازياء
...
والله ما تتصورون شلون غالي اخوي علي


ومو حابه احرجه بسببي

تتوقعون اقدر انزل وزني خلال سنه؟؟؟

اختي دلوعه

والله اني تعبتك معاي

الله يجزاك الجنه ونعيمها


انا هذا اللي ناويته ان شاءالله

ماراح اخبر احد اني عامله ريجيم

ابيهم هم بنفسهم يلاحظون الفرق ويقولون لي

بس اختي بالنسبه للريجيم

الوقيه كم تساوي بالجرا؟