السلام عليكم يا بنات .... توني أشوف موضوعكم الحلو يا بنات ديرتي الجميلات .... أساحلكم شوي .... ترا الفواكة و الخضروات لازم تكون خمس حصص في اليوم علشان تبين فايدتها على الجسم راح تحسون بتغير في بشرتكم و شعوركم مو بس حق الرجيم و الضعف .... الله يوفقكم كلكم و توصلون للوزن إلي تبونه ..... أنا الحمد لله قدرت أنزل وزني و أصير سمبتيك ( قولوا ما شاء الله - اذا تبون اقولكم شلون ضعفت سألوني و انا اجوابكم واذا ما تبون كيفكم ) بس المشكلة شلون أحافظ عليه خصوصا هالأيام حايشتني بعيد الشر عنكم حالة شفاحة مو طبيعية و مستانسة كل من يقولي ضعفتي صايرة تهبلين و أنا شاقه الكشرة و أبلع بلع جني طالعه من مجاعة <<<<< أقول حق نفسي يا بنية ما يصير إلي تسوينه عييييييب حافظي على وزنك لو شهر و بعدين زيدي كيفج ما مداني استانس بعمري و صاير فيني وسواس <<<< جنه ردوا خدودي .... جنه ردت كرشتي طبعا اهيه ما راحت كلش بس تقلصت وايد و انا احاتي و الظاهر هالمحاتات إهيه إلي مخليتني آكل <<< قاعده ارقع حق عمري .....


المهم جني طولت بالهذرة ..... حبيبتي q8i و الكيكة و شكليطة ( نكج يونس )أنا وايد استانست عليكم و إن شاء تضعفون و انتوا بصحتكم و عافيتكم و السامعين يقولون آميييييييييييييين .

يعطيكم العافيه يابنات على الريجيمات الحللووووه بس والله احترنا من كثرهم


حبيبه امهاااااااااا ........ ياريت تعطينا السسسسسر اللي نزل وزنك




واتمنى لكل وحده بالرشاقه والوزن اللي تتمناه

هلو بنات :) انشالله كلكم بخير..حبيبة أمهاااااااا حياج الله بموضوعنا والف مبروك على الضعف ولا تردين اللي نزلتيه عشان احنا بعد نتشجع..احنا بعد نبيج ويانا يا عزيزتي :)

انا اليوم بديت مرة ثانية وقلت بس خلاص لازم اضعف..يعني ما يبيلي وايد عيب علي كلها جم كيلو وما انزلهم :o يله يا حبيباتي خلونا نشجع بعض ونلحق حبيبية أمها :27:

حبيبة أمهاااااااا ...باسم الله ماا شاء الله ...:42:

الف مبروووك على الرشااقه ...

واذا ما عليك امر ...تقولييين لنا القصة من طأطأ الى سلااامو عليكم ...

ولو سمحتى اول شي باعرفه ...كم وزنك ...وكم المدة ... ماعليه تحملينااا .. طرااااااااار ويتشررط ..

مساء الخير على الحلوين .....


مشكورين يا بنات على ترحيبكم الحلو .... و حبيبتي عريب تامرين أمر بعيد الشر عنك من الطراره .... بسم الله الرحمن الرحيم و الصلاة و السلام على سيدنا محمد و آله و صحبه أجمعين ... قصتي يا جماعة مو طويلة و فيها سر من الله حتى أنا مو عارفة شنو أهوه بس راح أقول لكم شنو صار معاي ..... يا جماعة الخير أنا من رمضان إلي فات و أنا على وجبة وحده إلي أهي الفطور و برمضان لاحظت أنه جسمي ألتم شوي بس ما ضعفت ومن ثاني يوم العيد و أنا رديت أصوم ولمدة 14 يوم متواصلين الست البيض و الست ......... إلي خبركم و يومين زيادة كنت شاكه فيهم ....و بس ما شاء الله ضعفت و السبه أني كنت آكل وجبه واحدة و لا أقوم من الفطور إلا مفوله ما أقدر أدعس في حلجي شي بعد بس هذا أهوه برنامجي و ضعفت 6 كيلو بس فرقوا علي لأني أصلا مو وايد متينه متروسه