أنا بسأل كيف الأجواء في لندن؟؟؟

بجد..
سؤال نفسي اعرف اجابته،،، انت مو تقول نظام الحمية القرآنية فعال و....و.... وتمدح فيه وحاطه توقيع لاسمك ومش عارفة ايش ،،،

المهم ليش ما تستمر عليه لحد ما توصل للوزن اللي تبغاه وتحط النتيجة عشان الكل يتشجع،،

أنا نفسي استمر عليه بس اذا انت صاحب الموضوع ما استمريت عليه كيف تبغانا نتشجع ونستمر عليه؟؟؟؟

وانت بالذات تقدر تمشي عليه وانت واثق ومتأكد من النتيجة باذن الله لأنك انت اللي دورت على الفوائد لكل نوع من الأنواع المذكورة في القرآن,,,


سؤال اتمنى اعرف اجابته..

اخوي مشكور على اجتهاداتك القديمة والجديدة :)
بس النظام هذا مو متكامل يعني مثل ما قالت الاخت النوع الواحد تقريبا ما عدا انك اضفت الخضار بس اكيد في اشياء ثانية راح يفقدها الجسم
انا من رايي انه افضل رجيم رجيم السعرات لانه ما يحرم الجسم من شي محتاجه ومتوازن
وشكرا اخوي مرة ثانية

الاخوات الفاضلات مع التحية
================

آمــــاســــي :
-------------
- صدقيني تنحّف ... واليوم عيني طلعت لما شفت كتاب انجليزي في مكتبة باكسفورد
" بعنوان فتنيس فور لايف " يتكلم عن فكرة شبيهة وهي الاعتماد على النشويات
بشكل دائم او البقوليات يعني ممكن مثلا بدل المعكرونة تخلينها عيش او بالبقوليات
تخلينها فول يعني يا بقول او نشويات بالاضافة للخضروات واعتقد تذكرون رجيم " التبوش"
اللي ابتكرته من سنتين كان شبيه بهذا تقريبا.. وجربي اسبوع واحكمي بنفسج.

joolz
-------
لاشكر على واجب واتمنى انج فعلا نحفتي بهالثلاث ايام.

griwa
=====
فعلا الرجيم يفتقر للبروتين الحيواني المطلوب للجسم .. وانا اتفق معاج انه مو متكامل 100%
لكن في ناس كانت عايشة على البقول والخضروات بس واعتبري نفسج مايكروبيوتك او نباتية لفترة محدودة ما اظن بتضر بشي..



queen_dolphin
----------------------
والله العظيم يا اختي ان رجيم الحمية القرآنية شي يخليني فخور بنفسي لاني شغلت عقلي
بفضل قدرة الله على التفكر ... انا يا اختي مانقطعت عنه لكن انا الحين في بريطانيا صعب
اطبقه بالاجازة لكن بين الفترة والاخرى اطبقه بالكويت .. وبشهادة بعض العضوات انهم
نحفول وعملت انا من شهرين مسابقة واشتركو 3 عضوات بالمنتدى واشادو بالنتايج
وبالنسبة لي انا .. الحمدلله وصلت لمرحلة مبدئية راضي عنها وقاعد احاول احافظ على الفاقد
من الوزن اللي نقصته وراح ارجع لحميتي القرآنية فهي السبيل ليس الامثل فقط بل المبارك
لان مكوناتها مذكورة بالاسم في نصوص قرآنية صريحة ... والله ولي التوفيق
بالنسبة لاجواء لندن جميلة والامن مستتب والحمدلله..

shujoon
------------
عدل كلامج بس هالنظام للي يبون يفقدون الوزن بسرعة اما نظام السعرات فيبيله
صبر مع اني اتفق معاج انه امثل رجيم صحي حتى الفاقد من الوزن ما يرجع بسرعة وانا
اشرت لهالنقطة من قبل وكذلك هالرجيم سيساعد على النحافة لو تم استخدامه بشكل متقطع..

واعذروني للتاخر بالرد بسبب السفر واحاول اشبك باللاب توب بين الفترة والاخرى

وتمنياتي للجميع بالتوفيق والوصول للرشاقة الحقيقية,,,

الى الملتقى....

طيب ودي استفسر انت ساكن بلندن انا ساكنه بعد ببريطانيا ببرادفورد يعني تعرف الجو برد عندهم وصعب يعرق الواحد والعرق ضروري ينزل معه السموم والدهون كنت امشي انا بالشارع ومع اني احيانا اركض بس مايعرق جسمي انت وش تسوي؟؟؟؟؟؟؟؟

انا اموووووووووت
بالمعكرونه
بس اذا ممكن تخبرني شنو
فصيلة دمك