تجربتي مع دكتور نيوترشن - خفيت 12 كيلوووو ..!

بسم الله الرحمن الحيم

هلا خواتي.. حبيت افيدكم بتجربتي مع دكتور نيوترشن..

انا عرفت عن هالمركز عن طريق مجلة الصحه اللي تنزل مع جريدة الخليج.. شدني الاعلان واااايد.. و قررت اني اروح اسوي ريجيم عندهم..

رحت لهم بنهاية شهر واحد.. قابلت الدكتور و وداني الغرفه اللي ياخذ فيها الوزن و الطول و كل القياسات.. طولي طلع 160 !! و الوزن.....





مممممممممممممم







يا ويلي اتفشل اقووول.. :D









المهم
















وزني 90 كيلووووووووو... انا بروحي انصدمت..!!




لأنه انا اقصى وزن وصلته ف حياتي كلها هو 78.. !! لكن هالزياده صارت لي عقب ما ربيت..





المهم الدكتور ياخذ الوزن عن طريق جهاز توقفين عليه و تمسكين ف كل ايد قطعه موصله ف الجهاز .. وفيها زر تظغطين عليه يوم ايقول لج الدكتور و اتمين ظاغطه لين يطبع لج الجهاز الورقه..

هذا الجهاز ايطلع كتلة الدهون ، كتلة العضلات ، و الماي و الوزن و كل البيانااااااات اللي تخطر على بالج و يطبعه على ورقه.. و بنفس الوقت الجهاز هو اللي ايقيس محيط الخصر و الصدر و الارداف و الارجل و الايدي.. :27:


المهم بعد ما ياخذ الدكتور كل القياسات المطلوبه يعطيج ريجيم.. بس ريجيم صدق قاسيييييييييي... طبعاً يشرح لج كل شي عن الاكل و الالتزام بهالريجيم..

و يشاورج اذا تبين اتسوينه مع الادويه ولا لا... انا طبعاً قلت اريد ادويه.. و عطاني حبوب اخذها قبل الريوق و الغدا و العشا.. و هذي الحبوب تسد الشهيه..

اكيد بتتسألون عن الفلوس وكم الواحد يدفع.. انتي تدفعين 750 درهم بس.. مقابل اتسوين عندهم ريجيم لمدة سنه... يعني لقيت بنيه عندهم سوت ريجيم لفتره و بعدين طبتهم.. و رجعت لهم عقب كم شهر و ردت اتسوي الريجيم بدون ما تدفع ولا فلس..

الادويه انتي تشترينها.. وعندهم بعد واااااايد اشياء للحميه. من حلويات و عصائر و غير الكريمااات..




المهم .. اخذت الريجيم و يى و قت النفيذ... !!