تحتاجي من حسبة تقدريرية 1600 سعرة يوميا ( بدون اي رياضة ) عشان تثبتي عوزنك لا تتفاجأي انه الرقم صغير , بس لأنه جسمك صغير ..وصلي ل 1200 سعرة يوميا والوزن الزائد راح ينزل بشكل تدريجي على مدى 5 اسابيع المفروض ولو صار في ثبوت بالوزن وهو امر متوقع مو من اول اسبوع تحكمي , لأنه ماشاء الله عليكي ماتحتاجي كثير .احسبي نسبة الدهون والبروتين والعبي اوزان , عشان يطلع جسمك بأحلى صورة راح تتفاجأي منها .


تحتاجي 1700 سعرة يوميا بدون ( رياضة ) , عشان تنحفي 1200 سعرة بمعدل كيلو اسبوعيا , العبي اوزان واحسبي نسبة البروتين والدهون عشان تحفاظي على معدل نزول الوزن , وايضا تمنعي ترهل الجسم وعشان تكوني دايما بصحة كويسة ونفسيتك حلوة

.


تحتاجي 2330 سعرة يوميا عشان تحافظي على وزنك , واذا حسبنا انك تعملي رياضة يوميا تحتاجي 1800 سعرة عشان تنحفي بمعدل كيلو او اكثر اسبوعيا , بما انه المشي بس الي تقدري تعمليه حاليا فخليه مشي سريع نوعا ( يعني امشي بسرعة لدقايق بعدين اهدي بعدين امشي بسرعة لدقايق كدا جسمك يحرق الدهون بشكل اكثر يعني لين ماتحسي انه بديتي تعرقي وقلبك يزيد نبضه لأنه المشي العادي مو مفيد كتير


للكل المشي وجميع انواع الرياضة مهمة للصحة جدا , بس مو مهمة لخسارة الوزن بالشكل الي تتوقعوه لأنه اذا ماعملتي رياضة من مشي او كدا ممكن تقللي سعراتك اكتر وتنزلي نفس الشي ..

بس اهم شي رفع الأوزان عشان تحافظي على عضلاتك وجلدك ( تمنعي او تقللي بشكل كبير التشقق وتشديه ) وعلى استمرارية نزول الوزن وصحتك , ولمن تنحفي بيطلع جسمك بيرفكت , مو نسخة مصغرة من الحالية , يعني اتوقع ممنوع احط صور هنا ولا كنت وريتكم مقصدي ( والفرق بين لمن تنحف بشكل عشوائي ولمن تنحف بشكل سليم ) + نسبة البروتين والدهون زي ماقلت بالموضوع .

وأتمنى جد تستفيدوا وتعرفوا انه مافي طريق سهل زي الأجهزة والأعشاب المجهولة المصدر والأكلات الي تجيب وجع البطن , كل مافي الموضوع هو رياضة + نظام غذائي متكامل وراح تحسوا بفرق كبير.

كمان المرايا هي اهم مليون مرة من الميزان ( اذا كان اجهزة قياس نسبة الدهون وغيرها مو متوفرة ) , يعني لمن تشوفي ملابسك كبرت عليكي وتحسي انك انحف يعني نحفتي وقتها دهون مو مجرد موية وعضلات

معلومه مفيطه

هلا حبيبتي ياليت تفيدينا بالسعرات في بعض الاطعمة اللي نستهلكها كثير مثل الخبز والرز والمكرونة وياليت تعطينا حسابها بالملعقة مثلا ملعقة زر كم فيها من سعرة .
وربع دجاجة الصدر كم فيها والفخذةكم فيها من سعرة
وهل صحيح ان السعرات الموجودة في الخبز الاسمر نفسها في الخبز الابيض
ولك جزيل الشكر

للرفع

هلا فيكي

الخبر الأسمر نفس الأبيضر من ناحية السعرات , لكن الخبز الأسمر يحتوي على فوائد اكثر بكثير من الخبر الأبيض لكن من ناحية السعرات نفس الشي , يعني لو اكلتي نص رغيف خبز اسمر ونص رغيف خبز ابيض راح تاخذي نفس السعرات منهم , والخبز انواع ..

الصامولي مثلا واحدة فيها 209 جرام
رغيف خبز عادي ( الشامي ) 100 جرام تقريبا فيها 200 سعرة

شوفي هذا الموقع بالعربي والسعرات الي فيه تقريبا دقيقة

http://www.ghyoom.com/ib/index.php?showtopic=64335#axzz2Ov5ksHPv

لازم تحسبي بالبداية , عشان تعرفي كم تاكلي باليوم , يعني لو عملتي جدول مثلا وحطيتي فيه الهدف الي توصليله كل يوم
ولو عندك ميزان اطعمة ايضا مفيد