اول شي توك صغيره ع انك توك ما انخطبتي ولا مره .. بس ترى العمر يمشي .. ويمديك تتلاحقين نفسك ..

ولازم تسوووين رجيم لاااااااازم .. ترى لو ماساعدتي نفسك ونويتي محد بيساعدك صدقيني ..

جربي رجيم اسامه حمدي بس هذا الرجيم فيه تجوويع واللي بيقووولك يرجع الوزن دبل مو صحيح انا جربته و وقفت سنه تقريبا مازاد وزني ولا كيلوو ..

او جربي دشتي لانه فيه اكل واااجد ..

وسوي رياضه عشان الترهلاااااات ..

بس لازم تضعفييييين لاااااازم حراااام توك صغيره ..

في تجمع توني اشتركت فيه ماشاء الله روووعه وفيه تفاااعل اللي هو يا تنحفين يا تنفجرين من الشحوووم !!
اشتركي فيه يحمسوون الواحد ماشاء الله عليه ..

وانا انصحك برجيم اسامه حمدي .. ابحثي عنه في قوقل واقري النتايج .. واذا تبين مستعده اساعدك فيه .. ويوميا لو بغيتي

بس ارجووك لا تخلين نفسك .. وزنك بيقلل فرص الزواج :(

الله ينحفك من غير شر ويرزقك الزوج الصالح

ي عممري والله قطعتتي قللبي تووني بكتب موضووع عن وزني وعن حاالتي حسيت ان ماافي زززي في الدنيا بس الحمد لله على كل حاال
بس ي حبيبتي انا وزني زااد بسبب الغده والتكيس حاولي ترووحي تعمللي تحلليل ثاني شي لازم تتابعك دكتووره تغذيه لا تسووي رجييم من رااسك انا سوويت من رجيم من رااسي صاار عندي نقص في كل الفايتمينات خاصه الكالسيووم وفايتمين داال وزاد وزني اكثر وحكاايه السوواد في المنااطق الحسااسه بسبب السمنه انا رحت عند دكتووره جلديه لنفس السبب قاالت اول شي نقصي من زنك مع ان مشكلتي مع الووزن اهووون منك بكثييييييييييير بس انا حااسه فيكي وزني صااار 80 ..............الحمدلله على العاافيه بس ان شااء الله تنحفي بس خلي عندك اراااده

شوفي ياقلبي أنتي عشان توصلين للوزن المثالي محتاجه تنزلين مايقارب الـ 60 كيلو


أول شي حطي خطه :


1: مدة خطتي سنه

2: تثقيف نفسي في مجال التغذيه ومعرفة البدائل الغذائيه

3: الالتزام بالرياضه عشان جسمي مايترهل

4: وضع اهداف صغيره

5: عمل تحليل معادن + هرمونات + فيتامينات , عشان اعرف وين النقص عندي وأسده بالمكملات الغذائيه



الحيــن ,,

# أول شي حاولي كثر ماتقدرين تثقفين نفسج بمجال التغذيه


لأنه حتى بالسوبر ماركت القسم الخاص للدايت , مو كل شي متوواجد بهالقسم صحي !

مو كل منتج مكتوب عليه خالي من الدهون صحي ! <== في بعض المنتجات مكتوب عليها ( فري فات )

لكن ان شفنا المكونات والنسب ورى المنتج , ننصدم من كمية المواد الحافظه و السكريات


# ابتعدي عن الأجبان السائله حتى لو مكتوب عليها لايت , لانه حتى وهي لايت مليانه زيوت ودهون مهدرجه

كذالك الاجبان لسلايز الشرائح , أبتعدي عنها , لانه كلها مواد حافظه ومواد غير صحيه ,

أستبدلي الاجبان السائله و لسلايز , بجبنة سولفايد أو جبنة الوفره خالية الدسم أو الأجبان العضويه اللي تنباع بالكيلو اخذي قليل الدسم ,



# العصيـــر , دايما ً أستخدمي العصير لـ فريش , لاتاخذين العصاير المعلبه لانه مليانه سكر ومواد حافظه



# اذا في مجال توفرين جهاز البخار للطبخ + آلة تيفال البديله للقلي , هالاله حلوه بدال ماتقلين الاكل بكمية زيت كبيره

تقدرين تقلينه بملعقة زيت , ويطلع الاكل ناطع ولذيذ ومقرمش , وممكن تستخدمينها لقلي السمبوسه والكبه والبطاط والخ ..



# أستبدلي السكر العادي بسكر ستيفا , لانه سعراته حيييييييل اقل من السكر العادي


# لاتحرمين نفسج من شي , حاولي دايما ً تفكرين ببديل صحي ولذيذ وسعراته اقل



ثاني شي : حطي في بالج أنج خلال شهر راح تشتغلين على نفسج عشان تنزلين من 6-10 كيلو

وهالشي يحتاج اراده وعزيمه وصبر وطولت بال



ثالث شي : ضروري ضروري ضروري تمارسين الرياضه اضعف الايمان المشي يوميا ً , عشان الجسم مايترهل

+ حاولي تلبسين مشد او كورسيه طول اليوم ووقت النوم تقطينه , لانه المشد او الكورسيه يلم الجسم فما يترهل

وهالشي انا مجربته , كنت يوميا ً البس كورسيه لما اروح الكليه , ماكان لي بطن رغم اني ايامها كنت مربربه ومليانه

ومن تخرجة ماقمت البسه , والحين لي بطن صغير للأسف :( , رغم اني الحين اضعف من قبل :(



رابع شي : قبل الغدا والعشا بنص ساعه , وحاليا ً مع الفطور , وقبل السحور بنص ساعه , شربي منقوع الحبه الحلووه

اتوقع لها اسم ثاني ( شومر , أو شيمر ) اذا ماتعرفينها اكتبي بقوقل حبه حلوه وشوفي صورتها

هذي الله يسلمج تشربينها عشان ماتخزن الدهون اللي بتاكلينها ,




خامس شي : اذا تعرفين مركز شاطر يسوون مساج التخسيس والشد , حاولي تسوين عندهم , لكن مو الحين ع الاقل

لما توصلين لـلثمانينات , المساج ينزل من 4-6 كيلو بالشهر طبعا ً مع التخفيف




صدقيني مافي ششي مستحيل , وفكري فيها , لو ما قررتي وحددتي مصيرج من هاللحظه , وحسمتي امرج

وتركتي نفسج للكسل , وزنج راح يزيد أكثر , وراح تتعبين أكثر , والمشوار للوزن المثالي راح يصير اطول



اذا تبين أي شي او اذا عندج أي سؤال لا يردج الا كيبوردج , كلميني على بروفايلي او بالخاص


وبالتوفيق , ومبارك عليج الشهر :)

ياختي حاسة بمعاناتك بس لو همك زواج ترة هو قسمة ونصيب واللي مكتوب بيجيك لاسمن ولاضعف جارتنا وحماتي وزززززن وسمان جدا وعدهم اطفال وازواجهم يحبوهم وعايشين بس الضعف ضروري لصحتك ونفسك اولا وياختي كل الرجيمات نافعة بس انتي ابدي ورياضة مستمرة واعطي لنفسك وقتتتتتتتتتتت مو يوم ويومين 6 اشهر الى سنة وادعي الله يستجب بعونه

يآآآآآ حيييياتي أنتوا كلكككم
وربي كلامكم يبعث الأمل و يشررح الصدر
وربي على أنكم ما تعرفوني إلا أنكم حريصين على مصلحتي و نصحتوني بكل صدق
عطيتوني دفعة ثقه و حماس
الله لا يحرمننني منكم و يسعدكم كلكم

بالنسبه للأخت بحور مشتاقه
يا قلبي عليك والله حاسه فيك لآني آمر بنفس أوضاعك
الله يرفع عنا و يرزقنا الأجسام إللي نتمناها يآآآآرب

و أختي أم فهيد
جزاااك الله كل خير على الروابط و ما قصررتي سهلتي علي كثيير
الله يسسعدك يآرب

وأخيراً أختي النــوري
آآه مدري وش أقول بس .!!
كلامك و حرصل مثل البلسم على القلب
تعبتي معي بنصائحك و حرصتي أشد الحرص على تنبيهي و أرشادي عسى ربي يجزاك الجنه
و الله يكتب لك آجري إن شاء الله
كل حرف كتبتيه رآح أخذه بعين الأعتبار
و أمشي عليه بإذن الله
الله يرزقك على قد تعبك معي يا أختي

الله يرزقم الفردوس الأعلى من غير حساب ولا سابق عذاب جميعاً