جسمي يألمني السمنه دمرتني

السلام عليكم ورحمة الله وبركاته
بنات مشكلتي بوزني اتمنا تسمعوني تنصحوني
يوم كان عمري 6 سنوات بأولى ابتدائي كنت نحيفه ومااكل واذا امي تبي تأكلني ابكي وارفض وكانت صديقتي الي بفصلي بنفس العماره الي كنا ساكنين فيها وهي كانت متينه شوي وامي دايم كانت تقولي شوفي هي اشطر منك تاكل هي احسن منك انا احبها ومااحبك وكانت نيتها اني اكل وانا من وقتها غرت منها وصرت ابي اكل علشان امي تحبني انا بس ومن يومها الله لا يوريكم متنت وصرت امتن وحده بالصغار واستمرت معاناتي في المتن الى الان قبل اتزوج في المتوسط كنت اتحدى انا وصديقاتي ننحف وبالفعل كنت اسوي ريجيم وانحف وارجع الي خسرتو دبل تزوجت قبل ثلاث سنين عمري كان 19 نحفت قبل زواجي بس ماوزنت بس تقريبا كان 60 لان قبل اسوي دايت وزني كان 74 وتحت وبأن الفرق والكل انبهر لاني قصيره طولي 159 وبعد الزواج ب6 شهور جاني تكيس والغده الدرقيه كسلانه وهرمون حليب وبدأ وزني يزيد بشكل مجنون وبصراحه انا اكل من الطفش والقعده لحالي وزوجي في دوامه ولا اكلم احد اروح لاهلي مره بالاسبوع بس امل من تعليقاتهم وارجع بيتي ولااكلمهم والحمدلله الحين تعالج من كل الأمراض الي كانت عندي التكيس والغده وهرمون الحليب بس الحين بهم مايعلم فيه غير الله وزني 95 صارلي 3سنين متزوجه ماحملت كل مارحت عند دكتوره قالت انحفي وزوجي مايحب يجرحني بس اشوف الكلام بعيونو المصيبه أن جسمي وعظامي تألمني بشكل فظيع لدرجه اصحى من النوم من تعب رجولي ويديني وصرت مااحب أخرج ولا اروح مكان مابقي وحده مادققت على شكلي وجسمي تعبت نفسيتي واذا بروح زواج اسيل هم وبالاخير يطلع شكلي مبهذل مافي شي على مقاسي تعبت وحاسه نفسي وحيده ابي أنحف ابي احمل ابي انظف بيتي ومااتعب بسرعه ابي انام وانا مرتاحه اماانه الي عندها نصيحه تكتبها وادعولي الله يسعدكم ويرزق كل وحده تنصحني او تدعيلي بتحقيق اغلى امنيه تتمناها ياارب😢