دورة المحاشي والاكلات المصرية (دروس فقط بدون ردود )

ابدا احشي اخد كل مربع احط الحشوة علي الحرف واسيب جزء في الاجناب فاضي وابدا الف واراعي مايكونش اللف مرتخي علشان ماتفكش اثناء السوا



افرش في قاع الحلة الورق الاخضر الخارجي للكرنبة ويكون مسلوق او اي ورقات متقطعة وماتصلح للحشو
ابدا ارص عليها وحدات المحشي

اسقي الحلة بالمرقة لحد لما تغطي المحشي ولما تغلي اوطي النار واغطي الحلة لحد لما تستوي بعد حوالي نص ساعة او لماالاقي المحشي استوي اني انتشل واحدة وادوس عليه واعرف استوت وللا لا

لاتغرف بعد نزولها من علي النار مباشرة يعني لازم استني تهدا شوية علشان يكون تماسك وبالف هنا

محشي الباذنجان

اهم حاجة لازم اطري الباذنجان علشان اعرف اقوره
افرد ايدي علي كل واحدة وادعكها علي سطح مسطح وابدا اقطع العنق بطريقة متساوي


ادخل المقوار من كل جانب والفه واقور بحيث يبقي الحرف سماكة واحدة قدر المستطاع واقور بحرص علشان ماتنقطع

امسك الحبة بايدي اليسار واحط الحشوة باليمين وازقها باصعي لحد لما تدخل ومش املاها لاخرها علشان الرز بيتمدد يعني اضغط بايدي اخليها طريه مش مضغوطة


اقور فلفل واحشيه واضيفه معاه في الحلة وارصهم واقفين واسقي بالمرقه لحد لما تقريبا تكون في مستوي المحشي وبعد الغليان اوطي النارIMG]https://d2s63a22uzwg40.cloudfront.net/hw-uploadcenter/up/sites/up.hawaaworld.com/files/links/da2d

وهنا بعد السوا بالف صحة وعافية

السلام عليكم ورحمة الله وبركاته

الحمام المحشي
لكل 2حمامة نص كوب رز مصري -بصلة متوسطة مبشورة -ملح وفلفل -ملعقة صغيرةكمون
اقلب الرز في ملعقتين زيت دقيقتين واضيف البصل والملح والفلفل والكمون



والكبد والقوانص واللي ماتعرفش القوانص هي معدة الحمامة ان وجدت زي الصورة

اضيف مية مقدارها قد مقدار الرز ولما تغلي اوطي واقلبه وبعد حوالي ربع ساعة لما الاقي المية اتشربت اطفي وفي الحالة دي حيكون الرز مش كامل السوا لانه حيكمل في سلق الحمام

وكده اصبحت الحشوة جاهزة انتظر تبرد وابدا احشي الحمام واراعي ان كل حمامة يكون بداخلها من الكبدة

بعد لما اخلص الكمية ادخل الرجل في مكان الاخراج ولو ماعرفتوش خليها برة بس الافضل ادخل الارجل و اجيب ابرة خياطة كبيرة وفيها خيط قطن طخين وابدا اخيط اقفل علي الحشوة وماحدش يفكي يستبدل بخلة اسنان لان اللحم بينقطع ويخرج الرز ومنظر الحمامة بيبقي مش كويس

احط الكمية في حلة مناسبه وحط ميه في مستوي الحمام وبصلة مقطعة واحط علي النار واراعي بعد الغليان اشيل الزفرة اللي بتطلع واضيف بعدها الملح والفلفل ولما المية تغلي اوطي النار لحين يستوي الحمام ومن ان لاخر ارفع الغطا واقلب

بعد السلق احطه علي مصفاه وابدا احمره في زيت مع سمن حوالي فنجان صغير من كل منهم

مانحاولش نشيل الخيط والا حتنقطع كل واحد بيشيله علي السفرة وبالف صحة وعافية


محشي الكوسة

المحشي ده مش بياخد رز كتير لان ماينفعش نضغطه والا الكوسة حتنقطع وده غير اننا حنذود لحم مفروم
كيلو كوسه خلطة المحشي اللي عملناهابمقدار مج كبير رز لكل كيلو - ربع كيلو لحم مفروم مستوي مع بصل وملح وفلفل ولما نشتري الكوسة ننقيها غليظة وقصيرة علشان اعرف اتحكم في التقوير

حنكحت الكوسة بسيط او بسكين مشرشر كنوع من الزينة وفيه ناس مش بيكحتوها بس انا بفضل نكحت علي الخفيف
نقطع عنق الكوسة والجزء اللي من تحت وندخل المقوار من جميع الجوانب ونلف بحرص علشان ماتنقطع ونحتفظ باللي طلع من التقوير علشان حنفرشه في قاع الحلة تحت المحشي لتحميه من الاحتراق

نراعي ان التقوير يكون متساوي وسماكة متوسطة بمعني مش رقيقة تنقطع وانا بحشي ولا غليظة ماترضي تنحشي

اخلط الحشوة بالمفروم المستوي وابدا احشي وارص في الحلة


نسقي بالمرقة ويفضل مرقة لحم لحد لما تكون في مستوي الكوسة يعني مش اعلي منها لان الكوسة مش واخدة رز كتير فبالتالي مش حتشرب مرقة كتير ولما تغلي كالعادة نغطي الحلة ونوطي النار لحد لما تستوي


وبالف صحه وعافية

نعمل صنف مصري ونستكمل المحاشي

شوربة العدس


نص كيلو عدس اصفر -حبة طماطم -حبة بصله -حبة جزرة -ثوم 4او5 فصوص

انقع العدس نص ساعة واغير المية اكتر من مرة لحد لما الاقيها شفافة اعرف انه نضف احطه في حله واضيف الخضار المقطع وميه اعلي من مستوي المكونات في الحلة واحطه علي النار لحين لما كل الاضافات تستوي

بعد السوا اضربه في الخلاط لحد لما ينعم تماما واصفيه


انقله في حلة تانية نظيفة واضيف الملح واذود الميه لحد لما قوامه يبقي زي قوام الطحينة
اجيب طاسه واحمر بصله مقطعة في ملعقة سمن واضيفها علي وش المرقة بعد الغليان ودي خطوة ممكن الغاءها حسب المزاج


تقدم مع ليمون وده اختياري حسب الذوق وبالف هنا وشفا شوربة مهمة جدا في فصل الشتاء لانها بتدفي الجسم وبتعطي طاقة

السلام عليكم ورحمه الله وبركاته
صباحكم ورد وفل وياسمين
في الاول احب احط صورة الشبت لاختي اللي طلبته


محشي الطماطم او البندورة
اجيب الطماطم واقطع الجزء العلوي واحتفظ بيه علي جنب واقور من الداخل بس بمقوار البطاطس ولو مش موجود يبقي بملعقة وشوفوا الصور توضح



واحط الحشوة المعتادة للمحشي وممكن اضيف ليها لحم مفروم زي محشي الكوسة يعني اختياري واحشي الطماطم واغطي بالجزء اللي قطعته وقلت نحتفظ بيه

واجي هنا للسر اللي يخليها ماتتهري وتبيقي متماسكة
اجيب ورق فويل مقطع مربعات صغيرة في حجم الطماطم واحطه تحت الحبة واكبس بيدي اعمله كانه كوب من تحتها زي الصورة

اجيب حلة حجمها يكفي المحشي وهو حنب بعضه لاني مش ححط دورين فوق بعض علشان الطماطم ضعيفة ممكن تخرب مني
واخرط بصلة في قاع الحلة افرشها فيها وابدا ارص حبات الطماطم

بعد لما ارص الطماطم اسقي بالمرقه اللي عندي بس مش كتير زي باقي الحاشي علشان الطماطم بتنزل مية لوحدها يعني احط مرقة ثلث ارتفاع الطماطم ولما تغلي اوطي النار

وهنا بعد السوا ويفضل مش اغرف اول لما اطفي النار يعني استني تهدا واغرف اسيبكم مع الصور

وهنا بعد لما شيلنا الفويل مازالت متماسكة ومش مهرية

وبالف صحة وعافية