هلا بنات اهم شي الواحد يكون عنده عزيمة واصرار .. وان شالله كلنا بنوصل للوزن المثالي

هيه يا بنات اخباركم ايه؟بدئتم ولا لسه واختى الكريمة حسن الخاتمة يا ترى بدئتى
انا لظروفى الخاصة ولانى كان لابد من عمل تحاليل دم طالبها الدكتور علشان علاج الكوليسترول والدهون الثلاثية والضغط كنت صايمة وبعد التحاليل فطرت بس اكلت طول اليوم حاجات بسيطة جدا
لسه ما بدئتش الريجيم بس مخففة جدا اليوم الصبح على الريق وبملابس خفيفة وزنى 72كجم
باذن الله تعالى سبدا اليوم بجد وبعزيمة واسئلكم الدعاء لى بالصحة والارادة علشان اكمل
بس عايزين يا جماعة لو حد عنده اى علاج سواء بوصفة طبيعية او ادوية كيمائية للترهل الفظيع والكرمشة اللى بتبئى فى البطن السليوليت يعنى يقولنا عليه وربنا معانا كلنا باذن الله يلا عايزين
حماس وعايزين نوزن كل اسبوع مش قبل كده علشان بس الاحباط

سلام يا قمرات

بصوا يا بنات انا كنت من سنتين تقريبا رحت لدكتور كبير وبعد الكشف والذى منه
اعطانى ورقة ريجيم هو عادى جدا بس التزمت لمده اسبوع وكنت ملتزمة بالمشى ساعة يوميا وخسيت فى الاسبوع ده حوالى3 كجم مع العلم وزنى غلس جدا وصعب النزول
المهم لم استمر مع الدكتور ده علشان ظروف السفر وكده الدكتور ده كانت قالت لى عليه ام صديقتى وهى كانت تتعالج عندة حوالى3 شهور المهم هى كانت ملتزمة ومستمرة
واعطتنى كل ورق الريجيم اللى كان هو بيعطيه لها يعنى معى حوالى يمكن 12 نظام او اكتر وكل نظام لمده اسبوع هم متشابهين الى حد كبير وعاديين ويعتمدوا على نظام السعرات ولما سالته انه النظام عادى يعنى كان قالى الانظمة اللى بتعتبروها عادية دى نتاج ابحاث عشرات السنين لانها اصح شىء للجسم البشرى والانظمة الغريبة اللى بتتبعوها دى اصلا بتنزل الوزن بسرعة لكنها بتعطل الحرق فى اجسامكم
المهم النظام اللى سبدا به اليوم عبارة عن الاتى
الافطار
نسكافيه او لبن منزوع الدسم طبعا بسكر دايت
2توست ريجيماو رغيف سن
بيضة او قطعة جبن قريش او 2 زبادى لايت
الغداء
نصف دجاجة او قطعتين لحم او 500جم سمك مشوى او على البخار
طبق سلطة خضراء عبارة عن حبة طماطم وقلب خسة وخيارة واحدة ونصف فلفلة وشوية خضرة
6 ملاعق خضار نى فى نى بدون اى دهون
العشا
ثمرتين فاكهة ماعدا طبعا الفاكهة الممنوعة
يا لا اللى حابة تبتدى معايا ويا ريت كل واحدة تقول على نوع الدايت اللى بتستخدمه والنصائح وبتعمل ايه بتتغلب على اوقات ضعف الارادة اثناء الدايت ازاى انواع المشروبات ايه يعنى عايزين حرب شعواء على موضوع السمنه ده يا جماعة بجد
اسفة طولت عليكم وبالتوفيق يا رب

هاى بنات كيفكم
انا بقى لى يومين ماشيه على الريجيم المركب
وحاسه انه ان شاء الله هايجيب نتيجه
على فكره مش مهم نوع الريجيم المهم الالتزام بخطه تكون كميه الاكل فيها قليله
بطلوا حجج بقى
يعنى انا عملت امس تورته علشان عيد ميلادى ماما واخواتى صمموا انى اعملها وكنت رافضه
بس عملتها وما جيتش ناحيتها ادعولى اثبت
على الريجيم مش اثبت فى الوزن الله يخليكم ادعوا صح

لؤلؤة الاكل
يا مرحب بيكى اختى معانا وانتى مشجعانى من كلامك ان التجمعات دى بتجيب نتيجه حلوه كده
ربنا يعينا احنا قاصدين خير

a-one164
انتى كمان تعبانه ؟؟؟؟؟؟؟
والله انا بقى لى شهرين تعبانه عندى جلطة فى رجلى نتيجة شرخ فى القدم وجبس لمده طويله
وبعمل تحاليل سيوله كل فتره
بعمل ريجيم بس ما فيش رياضة طبعا علشان المشكله اللى عندى
بس عندى جهاز اوربيتراك فى البيت يارب اقوم بالسلامة واقدر استعمله ادعولى يا بنات
ربنا يشفى الجميع

أميرة العتبان
هلا فيك اختى انا وزنى 90 كجم نقصت 5 كيلو من اسبوعين على التخفيف بس انا مع الريجيم المركب بقى لى يومين والنهارده التالت
سوف اسجل وزنى بعد اسبوع من الريجيم إن شاء الله
يارب بس ما الخبطش

ياريت اكون معاكم

انا طولي 158 ووزني حاليا 100 الله المستعان

امشي من نص ساعة إلى ساعة فاليوم
واخفف الاكل حاليا وان شاء الله ربي يشغلني بالدراسة عن الاكل

اللي عندها شي يفيدني تقولي بس ماريد رجيم التزم فيه ابغي التخفيف
خاطري اتعشى بزبادي مع الشومر مادري الشمر بس مب عارفه الخلطة بالضبط

الله يوفقكم ان شاء الله