السلام عيكم ورحمة الله وبركاته
ياساتر اخيرا قدرت ادخل الموقع من يوم الاربعاء ماهو راضي يتفتح معايا :(

امولة سلامة اولادك مايشوفوا شر ان شاء الله
بنت الكويت ان شاء الله تكوني ماشية تمام ؟؟
وياهلا باللي بالي اضموا معانا :)

انا يوم الجمعة كملت الاسبوع الثالث والحمد لله والشكر نقصت الاسبوع الثالث 2كيلو ونص
وملابسي اكثرها وسعت علي حتى بنطلون القياس سار تمام التمام(قوالوا ماشاء الله تبارك الله)
:)
ماتتخيلوا فرحتي عقبالكم كلكم والله اني الى الان ماني مستوعبة هذا الرجيم كيف لكن احلى شي فيه انك ماتحسي بجوع ولادوخة ابدا ابدا خصوصا لو اخذتي الفيتامينات باستثناء الثلاث ايام الاولي وماتحسي بجوع ولو خرجتي مطعم مع زوجك عادي تاكلي معاه بدون مايحس انه مع وحدة معقدة تسد نفسه عن طلب الاكل
انا رح اكمل الاسبوع هذا واشوف كم انزل اذا نزلت 3 كيلو خير ونعمة من ربي وابدا بعدين المرحلة الثانية ةرح اخليها اسبوعين والمرحلة الثالثة اسبوعين
اليوم انا فطرت اومليت بيض وشربت نعناع
واتغديت دجاج شواية مع جرجير ودايت بيبسي
الله يوفق الجميع ورح اوافيكم بيومياتي والمستجدات باذن الله :)

هلا joy1 :26:

نورتي الموضوع وما لك الا أتكنز الصراحة افضل رجيم


**كلي امل**:26:

انا ماشية تمام من اليوم وماراح اوزن الا بعد 3 اسابيع
الميزان عقدني
خذيت السبت العشا مفتوح
وبديت اليوم بداية صحيحه

سلام بنات
سامحوني مقصره في الردود
الصداع بيكسر راسي و قاعده ابكي الحين و انا اكتب لكم هالكلمات
ما شاء الله عليكم
اليوم رحت لاند مارك شويخ مسوين تنزيلات بس مو ذاك الزود
ما شريت الا قميصين اصغر من مقاسي
بس من قسم الرجالى
الحريمي كله مو قدي
و خدعت نفسي فشريت مكياج مع باقي مشتروات البيت و العيال علشان اقنع نفسي اني شريت لروحي شي!!
اه
اااه
و الله تعبانه نفسيتي ميح
و قاعده ابجي مره ثانيه
الصدمات تجيني من كل صوب حتى من النت


طيب


اشوفكم باجر ما اقدر ارد عليكم الحين
راسي بتنكسر

جوي اهلا و سهلا ردت لي روحي يوم قريت اسمج!

هلا امل الحلوة

تعوذي من الشيطان وصلي على النبي

وان شاءالله مافيج الا العافيه


وباجر باذن الله تدشين هالموضوع ونفسيتج عال العال

joy1
هاي اختي تدرين زين أنج رديتي خلج قوية ارادة وطولي بالج عالريجيم وحتى لو خربطتي شوي مع حبيب القلب مو مشكلة ردي وكملي من بعد الوجبة وصدقيني أنا جربت أكثر من ريجيم كل ريجيم يبغي له التزام في نوع الأكل وكميتة واوقاته اما هالريجيم ( سحري ) كلي كثر ما تبغين بس اختاري وجباتج .. تدرين يوم الجمعه طلعت مع زوجي وكنت مستانسة أن صار لي كم يوم ملتزمة عدل في الريجيم بس الله يهدية وداني مطعم ابلبيز فقلت خوش مكان رجيمي ما راح يخترب وطلب لي ذاك الستيك الزين مع خضار واكلت وان مستانسة بس آخر شي خرب علي قال أيش رايج في بلاندي وطبعا انا هني صرت مثل المنومه قلت بلاندي وابو بلاندي بعد مع ان زوجي مو من النوع اللي يحب ياكل حلو بس هالمرة اشتهى الريال وخرب ريجيمي بس بعد ولا جني مسوية شي طلعت وانا ناسية أني كلت حلو وكملت ريجيمي .
عموما طولت عليج خلج على هالريجيم ولا تذبحين نفسج في ريجيم شوربة شوربة شوربة

amal-el7elwa
سلامتج يا الحلوة