هلا اسحار1:26:

ايه من المسموحات بس لاتكثرين منها

الدكتور قالي مرتين بالاسبوع

جربي الكوفي ميت مع النسكافيه روعه

اشلونكم بنات

شخباركم

الحقيقة اليومين اللي فاتوا كنت مشغولة ولا فتحت الكمبيوتر .

انا الحمدلله ماشيه اوكيه

بس امس عملت طبق روعة ويا شوربة فطر ويظهر ان الكارب كان زايد

ولذلك الوزن ثبت مع اني كان عندي امل كبير اني انزل

لأني امس رحت السوق ومشيت وايد .

اللي يضحك

امس دخلت محل ولقيت بلوزة وكان المقاس 58 - 60

وحست ابي مقاس اصغر مالقيت

شفتوا العز انا اسأل عن مقاس اصغر ؟؟!!!!!!!

العادة اسأل عن مقاس اكبر .

المهم اخذت الموجود وطلع واسع علي

واخذت لي بنطلون جنز طبعاً ستريتش

بس حلو مرة

صدقوني بالمرة فرحانة

بس اتضايقت لمن وزنت اليوم وثبت

بس انا عارفة المشكلة في اللي اكلناه امس

الطعم جنان لكن الكارب عالي لأن فيه كريمة وبصل وطماط وجبن .

اليوم رح احاول ابتعد عن الكارب واخليه صفر تقريباً عشان انزل .

لأني انا الجمعة اللي راحت وزنت لقيت وزني 121 و800 جم

وبعدين زاد 900 جم يعني صار 122 و700 جم

فالحين الحمدلله نزل لأني محافظة على الكارب

واحس النزول باستمرار الا لما عفست امس

بس وانا اسوي الطبق وانا اقول اكيد رح ازيد .

انتوا قولوا لي شخباركم

بنت الكويت

امولة
-------

للمعلومية انا قريت في كتاب اتكنز انه كلما زدتي كارب كلما احسست بالرغبة بأكل الممنوعات

وهو حطه كمؤشر على الخطأ

بمعنى في المرحلة الثانية ما ادري الثالثة :

اذا زدتي كمية الكارب بمقدار 5 جم ولقيتي نفسك مشتهية تاكلين اشياء ممنوعة مثل الحلا والمعجنات.

معنى هذا انك زدتي كمية الكارب بحيث جعل اختلال في كمية الجلوكوز والأنسولين .

مما يزيد الرغبة في الأشياء الممنوعة .

فأنتبهي لأكلج يمكن انتي تزيدين كمية الكارب وحتى لو كان من المسموحات .

حاولي تقللين الكارب الى اقصى ما يمكن

حولي يوم تشيلين الجبن والخضار .

واكلي كل شي مقلي بدون اضافات بس مبهر يعني سمك مقلي دجاج مقلي لحم مقلي .

واكلي بادية صغيرة سلطة ورح تلاحظين وزنج نزل يوم ثاني .

احس انج تكثرين من الكارب فانتبهي .



نوارة القلوب

كنتوشة

دموع الكويت

بيرل ميمي

شيماء
--------

ياهلا بعودتك


ام بشورة
----------

يهلا ومرحبا بإنضمامك ويانا

وما شاء الله عليج

مبروك النزول

نتمنى تستمري معانا في التجمع ونشجع بعضنا .


هالة لبنان
-----------

غيابك طاااااااااااااااااااااااااااااااااااااااااااااااااااااااااااااااال

^^بنت الكويت^^ ..
بالعكس والله رجيم حسين دشتي احسن بوايد لأنج تقدرين تاكلين من كل شي مع مراعاة عدد الكربوهيدراات والله انا حيل مرتاحله عليه حتى خواتي وأمي سووه وارتاحو عليه انتي من البدايه شوي بيكون العد عليج صعب لكن بعدين خلاص راح تتعودين و لدون ما تعدين و تحسبين راح تعرفين معدل الكربوهيدرات التقريبي بأكلج تدرين ان أنا آكل كاكاو مع الرجيم؟؟
اي والله آكا كاكاو CANDREL الكربوهيدرات الموجوده فيه =8,8 غرام يعني لو أكلتي نصه =4,4 غرام , انا طبعا عن خاطري آكل قطعتين هو فيه 5 قطع يعني كل قطعه تقريبا فيها 1,8 غرام .. :39:


amal-el7elwa ..
هلا وغلا بحبيبتي .. زين والله شفتيني عاد قلنا ضعفت بس مو لدرجة انج ما تقدرين تشوفيني :kiss2:
وترا أمس دشيت انا بس والله ماقدرت ارد عالموضوووع لأن مهدي لازق فيني لزقه مو طبيعيه بس خل اروح عنه شوي تلاقينه صعد فوق يدور علي وانا ما اقدر اشوفه يبجي و يحن و اكشت فيه يكسر خاطري .. يصعد يدورني ويقول : وين ماماتي .. ماماتي وينج ماماتي؟؟ ... سمعته جذي جان يكسر خاطري وهديت النت وجابلته .. مادري هالولد ليش كله يبيني تخيلي ان اقوله روح حق ساره(خدامتي) تلبسك هدوم او تدخلك الحمام يقولي لاااا مابي ساره , ماما وديني ... تخيلي بكل شي بكل شي وانا هالخدامه حاطتها سمنديقه مالت عليها مادري ليش يكرهها ما يحبها مع ان صارلها سنه عندي.. يالله الحمدلله على كل حال عالأقل يتعلق فيني ولا يتعلق فيها و أنقهر :024:
المهم أمووول تقولين شفتي توقيعي و تشجعتي مادري تحمصتي .. اي والله انا سويت جذي عشان اتشجع و يكون جدامي هدف أوصله ولازم هالهدف مايكون بعيد لازم يكون قريب عشان توصليله بسهوله و تبدين تحاولين توصلين حق الهدف الي وراه لين توصلين لهدفج الأساسي ...انا اليوم لي رابع يوم بديت من 24/5 وانشالله بستمر اكثر والوزن راح يكون مفاجئه بتاريخ 10/6 إنشالله
أموووول إذا وصلتي السبعينات راح أعلمج عالفوتوشوووب انا ما أعلم متاان :hahaha: :icon32: :S_45:


اسحار1..
نصييييييييحه لاتضيفين الكريما الحمرا لرجيمج لأن لاحظت غنها تبطء نزووول الوزن بالنسبه لي طبعا بس مادري يمكن تمشي معاج او لأ بس نصيحه تجنبيها و استخدمي الكوفي مايت مره وحده باليوووم ولا تكثرين انا اشرب العصر كوب نسكافيه تقريبا فيه 4 ملاعق وسط (2 كيس) كوفي مايت + 2كيس سويت أند لو وبس ويطلع تقريبا الكربوهيدرات الموجود فيه = 3,8 غرام كربوهيدرات

:icon35: تحياتي :icon35:

السلام عليكم ورحمة الله وبركاته
إشلونكم يا بنات؟والله إني ولهانه عليكم كلكم,ودايما لما أقرأ ردودكم وتفاعلكم مع بعض أدعيلكم إن الله يوفقكم ويحقق لكم الرشاقة,,,,,اللهم آآآآمين.
أما أخباري فأنا من سيء إلى أسوء,من وفاة الوالدة(الله يرحمها ويغفر لها)29/4 وأنا حاطة على الأكل وبدون شعور,قمت آكل ببلادة وهبل والقهر إني ما أحس بأي لذة في الأكل.
ما أدري شسوي,محتارة،محتاجة لكم ولتشجيعكم,,,,,,,,,لا تتخلون عني. :(

أختكم في الله
عاشقة الرشاقة

joy1:26:

هلا و غلا

من طول الغيبات جاب الغنايم

خوش أخبار فرحتيني الله يفرحك

ورفعتي معنوياتي



كنتوشة:26:

هلا والله

نظام بو عباس وايد أريح و أرتب

انا بديت بنظامة يوم الأحد وموعدي بعد 3 أسابيع وماراح اوزن الا عنده ان شاءالله

ويوم الموعد بشوف من الاحسن دشتي ولا بو عباس :D



عاشقة الرشاقة:26:

عظم الله أجرج

يجعلها آخر الاحزان :(

نصيحة ترجعين للدكتور <<< قمة التشجيع