بنت الكويت حبيبتي



مشكورة على تواصلك معي
وانا الحين اخذ علاج 25ملغم ثايروكسين :(
بس برايك يفيد في عملية الحرق حيث ان الخمول يؤدي الى عدم وجود لعملية الايض اي الحرق :icon33:
وهل استمر بالريجيم لو اغيره :27:
حبيبتي والسموحة ادري سالتك كثير :D

قوه بنات سالت عليكم العافيه كلكم
و مشكورين البتول العذراء و جولي شيكو عالخاص!
اتصدقون بنات
انا كنت ملتزمه يمكن اسبوع و نص او اسبوع و الله اخربط شوي يعني مثلا اذوق الكاكاو مع طرف صبعي الصغير و اذوق بسكوت مملح تك لو تعرفونه ؟ بس نتفه صغيره
لكن اليوم زوجي جاب معاه كنافه من برة
وااااااااااااي
انا اطيح جدامها غشيانه
اكلت ثنتين
و الحين عيوني ما شوف فيها عدل تهقون من السكر؟
حسافه
شسوي الحين اكمل عادي و الا ابدي المرحله الاولى اسبوعين مره ثانيه
كنت ودي اختار يوم بهالاسبوع ادش الثانيه!!
كان يمكن بيكون الثلاثاء الجاي

على العموم
انتبهو
انا قطعت الدايت فيمتو
و قمت اشرب عصير ليمون بالنعناع مخفف كثير بالماي و كنت تمام رغم انه ممنوع و هذا علمتني اياه اوشال الله يذكرها بالخير لان بو عباس قال لى هذا بس بالمرحله الثانيه بس شاسوي لاني احب ابلع الاكل مع العصير و كان دايم الدايت فيمتو


كنتوشه سامحيني ما دقيت ترى و الله كله في بالي و ادري بتزفيني بس انشغلت

و من يتهيب صعود الجبال
يعش ابد الدهر بين الحفر

حلوه الجمله خلاص بخليها بين عيوني على طول

بنات
منو فيكم تحط لنا تمرين يومي نسويه مع بعض سواء رياضه او نفسي او برمجه لغويه عصبيه
ترى مليت من نفسيتي النازله
ابي شي يفوقني
مع اني ما العب رياضه
بس ودي ادش هالموضوع كل يوم على الاقل مره وحده باليوم
مع اني انا اللى كنت احرك البنات اول و ادش فوق ال 6 مرات
الحمد لله على اي حال

بنات شفتو هالموضوع؟
http://forum.hawaaworld.com/showthread.php?t=333145

جوي شلونك زينه؟
القلب الذهبي وينها ما تبين؟

هلا والله بأخواتي الحلوات الرشيقات .

انا تمام التمام

امس ماقدرت ادخل لأني مشغولة وما زلت مشغولة بس ما قدرت ما ادخل . :D

المهم اخبركم حكايتي

امس وزنت لقيت وزني ناقص 600 جم عن اول امس

استانست كثير وخاصة اني حاولت اني آكل وجبتين فطور ( بس وقت الغداء )

وبعديت تغديت زي ما قلت لكم صالونة وكنت خايفة اني ما انزل ومع ذلك نزلت 600جم

على طول شفت وزني نازل لبست ملابسي وقعدت امشي على جهاز المشي

مشيت نص ساعة على سرعة خفيفة وكانت متواصلة يعني كويس بديت اطور من قدرتي .

بعدها شربت ماي دافي مائل الى الحرارة كوبين من الحجم الكبير وايد .

وبعدها اكلت بيضتين مقليين وحطيت عليهم شوية شطة مع شوية جرجير مقطع

صغير جداً طبعاً الكمية صغيرة بس مجرد اني نشرته على البيضة مع حلقتين من

البصل الأخضر مرة صغير فككتهم ونشرتهم على البيض .

وشربت فيتاميناتي وشربت ماي .

وبعد الصلاة مشيت نص ساعة بعد .

وبعدها تعشيت سمك صافي مقلي اكلت 2 ماقدرت آكلهم ما عجبوني اكلت بس الحواف المقرمشة .

وبعدها طلعت زواج بس طليت عليهم طلة ورجعت وعلى طول جيت امشي هذا في حدود الساعة 12

ومشيت تقريباً ربع ساعة لأني ما كنت لابسة جزمة المشي وتعبت بسرعة .

عاد انا ايش توقعت قلت اليوم رح انقص على الأقل 900 جم على المجهود وقلة الأكل .

تدرون لما وزنت ايش صار



:icon33:


لقيت ان وزني زايد 200 جم

حمدت ربي الحمدلله رب العالمين

و ما تهورت قلت اكيد بسبب اني الحين اتعودت على المشي وصار تزيد حجم العضلات

وبالتالي زاد الوزن .

تهقون جذيه بناااااااااااااااات :(

كنت احلم اني بكرة لما اوزن اكون ناقصة رقم راهي .

لكن الحمد لله على كل حال .

الله مايظلم عبيده ويمكن هذا اختبار لي


بنت الكويت
-------------

هلا فيج معاي يالله شدي الهمة وانا رح استمر عليه اكثر من ثلاث ايام اذا الله قدرني


شيخة الزين
-------------

ياهلا ومرحبا فيج

والموضوع كان لبنت الكويت ابحثي في مواضيعها ورح تلاقينه .


فطومة
--------

الله يكون في عونج

اكيد انه فاسد وبالمايونيز يعني يمكن كانت فيه جرثومة السلمونيلا .


الكيكة
--------

هلا والله بكيكتنا ومرحبا فيج في مجموعتنا

زي ما قلتي الأكل كثير بس معذورة لأنج توج بادية

ويش كنتي مسوية في الرجيم الكيميائي ؟

وكم نزلتي عليه ؟


الإبتسامة
-----------

هلا والله

اكيد رح تحسي بهذا الشعور وبالخصوص ان جسمج توه يبتدي يعدل من نسبة الجلوكوز

لازم ياخذ له وقت على ما تستقر نسبة الأنسولين

لكن لا تخافين مارح تطولين



كشموشة
---------

الله يعينج حبيبتي

الرجيم ما يتناقض ابد مع اختلال في الغدة

لكن حاولي انك تتناولين ادويتك و فيتاميناتك ورح تنزلين بمشيئة الله .


ام جاسم
---------

هلا فيج يالفنانة

خلاص بعد احنا ننتظر التصاميم الجميلة .

كويكة و خبيزة الله يعينج وما يوقف الوزن .

بالنسبة للحوم تقدري تاكلي اللي تحبيه .

واذا حبيتي تبتدي معانا الله يحيج .


امووووووولة
---------------

الحمد لله على السلامة

كل هذي الغيبة خايفة انخانقج على اللخبطة اللي مسويتها

اشفيها ارادتج صايرة زيرووووووووو

تدرين انه خلال ايام الإمتحانات صاحب ريلي رئيس الضيافة في شركة كبيرة

وخلاه يسوي لي كيكة بمناسبة عيد ميلادي

وكتب عليها عيد ميلاد سعيد يا .........

وتصدقين ذيك الليلة زوجي خرب الرجيم والكل منها و ولدي اكل والشغالة اكلت

وانا ما مسيت نتفة منها

قلت له يوديها على طول بيت اهله

مابي اتحمل ذنب خرابها في بيتي وكان حجمها كبير .

حكيت لك قصة حياتي

خبرينا كم وصل وزنج الحين .