احساس مجروح ردك مو راضي يقتبس استغربت من بهار احمد مشكل اول مره اسمع فيه 😯

اول شي نقعي الرز،،،،،قطعي بصل للكشنه وحطي معه هيل حب خمس حبات وزيها مسمار وزيها فلفل اسود حب وعودين قرفه واحمسيها في شويه زيت لين تطلع ريحتها الحلوه واول ماتتحمر البصل ضيفي الطماطم المقطعه وقلبيها وقصري النار وقلبيها لين تذوب الطماطم وحطي الدجاج او اللحم وصبي مويه وخليه لين يستوي وبعدها طلعي الدجاجه واشويها وحطي الرز على المرقه وزبطي الملح وكم قرن فلفل حار بس من غير ماتفتحيه ولو في اجي موتو حطي ملعقه صغيره وبس وخليه لين يستوي ،،،كبسه طعمها ناااطع على قولتهم اما الايدام عادي كشنه بصل وثوم وصلصه وماجي مكعب ومويه واي خضار عندك تضبط معاه سبانخ. ،،،،مشكل،،،،سلك ،،،وبالعافيه

احسن وهو مايحب طبخك خليه يتعود على المطاعم وش لك وش للتعب

شوفي أهم شي بالكبسه وعشان يحب طبخك نظيف الدجاج كويس لأن بعض الحريم الله يهديهم لم تجي تبغي تاكلي من الأكل تسبقك ريحة الدجاج والزفر فيكرهه الجوعان الله يكرم النعمه طلعيها الدجاج قبل بوقت ولاتطبخيه وهو مثلج ذوبيه بعدين قصيه من النص وشيلي كل الي جواها تحت المويا وقطعي اطراف الجناح والذنب واخلطي خل وليمون وملح وافركي الدجاج بقلب من هالخلطه واتركيه بالخلطه شوي وروحي حطي القدر على النار وقطعي بصلتين شرايح وقليها شوي وحطي شوي زيت وحطي فصين ثوم مدقوقه وقليه وحطي هيل ومسمار وقرفه وليمون أسود وفلفل اسود حب شوي بس عشان النكهه وورق غار وقلبيه شوي بتطلع ريحة البهارات تهبببببببل وبعدها شطفي الدجاجه بمويا عن الخل وحطيها على الكشنه وقلبيها شوي لين تأخذ لون وصبي عليها ماء مغلي وحطي ملح وبهارات وغطي القدر وروحي عسلي رز 4 مرات وآخرين صبي عليه ماء مغلي واتركيه ينقع واحسبي للدجاج نصف ساعة إلى ساعه إلا ربع وهومستوي اذا استوى حطيه بصينيه بالفرن وولي العين الي فوق للتحمير وحطي الرز برقة الدجاج بس شيلي من المرقه لو زايده على الرز وحطي النار لين يستوي الرز هومايطول اذا منقوع وشوية شوي تعرفين تطبخين دعواتك.

بهار احمد ماغيره ابو كرتون
مشكل هو يجي ومعروف