يا ابنة القدس
معاناتك نفس معاناتي
في الدوام ما في مشكلة مع ان الكافتيريا الخاصة بالعمل قريبة من مكتبي والرائحة بتنادي الشبعان فكيف الجوعان
وفي البيت لما ابلش احضر الغداء بتصير عصافير بطني تصوصو
بدك تعذيب شوفي لما عملت الملوخية اول يوم يا عيني عالريحة غير شكل
والا تاني يوم لما عملت سباجيتي ومكرونة بالباشاميل
والا يوم ورق العنب والكوسا ... بتعرفي خفت اضعف بس الحمد لله كان عندي ارادة قوية اني اخلص فكنت اشرب مية .. بعدين البارحة كان اول يوم فواكه فاكلت كمية بطيخ محترمة بعدها شعرت بشبع بشكل كبير والحمد لله وعلى المسا اخذت خوخة وتفاحة..
وسلامتكم سار مسلسل مكسيكي...

شو الاخبار عندكم
وينك يا الكادي ... بدنا نشجع بعض.

الاخت ام شهيد
كلنا معاناتنا وحدة
خصوصا لأنه ما في عندنا شغالات ولا طباخات
يعني لازم نعمل الاكل بأيدينا
ممممممممممممممممممممممممم ورق دوالي وكوسا اه جوعتيني عن جد جاي على بالي
بس شو بدنا نعمل لازم نضعف
اذا انت بتقولي الكافتيريا قريب من مكتبك
تعالي شوفي انا الاكل امام عيني وانت تعرفي شو الفطورات الجماعية
المعجنات وما ادراك ما الباقي ؟؟؟؟؟؟؟؟؟؟؟
شوفي مبارح بعد الخربطة اللي صارت قررت اني ما اخربط بالمرة واستمريت

اليوم كان يوم الخضار
الفطور كان عبارة عن جزر وبندورة وخيار وفليفلة فقط
الغذاء كان سلطة صحن كبير بالخس
مع اني عاملة صينية دجاج بالبصل بالفرن يشتهيها قلبك بشس بالرغم من هيك ما اكلت ولا شوي
انا اليوم الخامس من بداية الريجيم
بتقدري تقولي اني نازله 3 كيلو
بس يلا ماشي الحال
بدي اسألك شو نوع اللبن اللي كنت تاخذيه 1.5%
لبن اب ويلا فواكه

اه صحيح نسيت اقللك انا مثلك بالنسبة لأمس اكلت بطيخ بالليل وما اكلت غيره
وكانت نفسيتي مرتاحة
يلا خلينا نشجع بعضنا
صحيح كم وزنك وطولك ؟؟؟؟؟؟؟؟؟؟؟؟؟؟

بنات الرجيم هذا واااااااايد حلو انا بخامس يوم لي ( بايام الفواكة )

نزلت 3 كيلو ...................... و كان صعب ينزل وزني لكن الحمد لله يزاها خير البنت اللي حطت النا هالريجيم ممتاز وايد صح نيووووووع بس نتحمل شوي مسالة ايام فقط ................

يالتوفيق

ابنة القدس
قبل ان ابدأ الريجيم صار وزني 80 كيلو وطولي 160 سم
قبل شهر فقط كان وزني 74 وفجاة زاد لاني زودتها شوية في الحلويات وبعدين حبوب منع الحمل تسبب لي زيادة في الوزن

اليوم هو اليوم السادس وثالث يوم فواكه،
افطرت على شمام واحس بامتلاء في معدتي وحاليا عم باشرب كوب نسكافيه بدون حليب وسكر

اما عن اللبن فكنت آخذ لبن اب 1.5% صباحا باشرب علبتين
وبعد العصر باخذ لبن عادي 3% وعلى الساعة 6 المسا كنت اخذ علبة ثانية
والحمد لله
اليوم تخلصت من الامساك اكرمكم الله واحس بنفسي خفيفة
الوزن تركته لآخر النظام
بس ادعوا ربي يصبرني بكرة الجمعة علشان لمة العيلة خاصة واني ناوية اعمل صيادية :(

نبض الامارات حياك الله يا اختي اخبارك بتفرح القلب وبتشجع وان شاء الله بس اخلص النظام راح اخذ راحة لمدة يومين وارجع تاني علشان صحيح بجوووع بس مريح

الكادي وين رحت وتركتيني...

حبيبتي ام عوشي انا هلأ باليوم الثالث للرجيم

اليومين السابقين قضيتهم في شرب الحليب قليل الدسم

وان شاء الله اوصل للوزن المطلوب

والك مني ياام عوشي اغلى هدية

ومعا الى طريق الرشاقة000