نسيت اقولكم
ياليت اللي تذكر تجربتها مع النادي تذكر لنا اسم النادي وعنوانه وفي اي مدينه....؟؟

انا سجلت بنادي في مركز بشرى النسائي بمخرج 14
وزني اول ماسجلت 93 والحين خلصت شهر وبجدد الشهر الثاني
بسراحه ماعملت رجيم مجرد تخفيف والرياضه ساعتين متواصله بالنادي
نحف 9 كيلو ولله الحمد
علما باني كل يوم جمعه مفتوح اتغدى بيج تيستي من ماكدونالدز وسوبر سايز مع الكولا والبطاطس المقلي واتعشي احيانا شاورما كبير وانواع الحلى والشوكولا والتشيز كيك

ومع ذلك نحفت وانا عندي خمول بالغده الدرقيه من 6سنوات

لاتحبطون انفسكم الرياضه كفيله بحرق الدهون مهما كان الوزن

وناويه اكمل الى ان يصل وزني 60 باذن الله
اتوقع 3 شهور كفيله بالامر

على فكره نادي مركز بشرى جدا رائع ورخيض الشهر ب500 ريال

وكل يوم خميس واربعا فيه كلاسات تعليم رقص ممتع جدا
يعني تغيير كل ايام الاسبوع اثقال وعصاء واستيب وايروبك وسويدي اما اخر الاسبوع رقص

نسيت اقول شغله
على فكره انا ماحب الاعشاب ومااستخدم اي نوع منها ولاحتى شاي اخضر

اما اكلي في ايام الاسبوع افطر احيانا فلكس مع حليب منزوع الدسم واحيانا قهوه و3 تمراات او اسبريسو مع 3 قطع دايجستف

والغدى اما كبسه او مشاوي او برقر او اي شي عادي مااحرم نفسي من شي

والعشاء طبعا بعد الرياضه بساعتين اما فواكه او طبق سلطه او شابورة بر مع كاس شاي او مرقة خضار او شربة شوفان او عدس وتميس بر

والحمدلله نزل وزني ماشاء الله تبارك الله

يالله وين الباقين نبغى تجاربكم

هذي تجربة طازجة اخوي مسجل بالنادي له 12 يوم فقط وكل يوم يروح ماغاب الا يوم وماشاءالله تبارك الله وزنه كان 85 والحين نشوفه شكلا كأن وزنه صار 75 الكرش وربي اختفى نصها لكن في الوزن الحقيقي نقص اربعه كيلووو هذا يعني شحوووم الكرش اختفت صارت عضل احلى من قبل كانت اعوذبالله طررريه وتتحرك وتتخضخض :)