شي يقهر يا بنات اكتب الموضوع وانا ابكي ادخلوا خلونا نتساعد

السلام عليكم ورحمة الله وبركاته

اليوم يا بنات وانا اتصفح النت طحت على موقع يضيق الصدر يبكي يقطع القلب كانوا الناس اللي فيه عرب شباب وبنات يطلبون تبادل الافلام القذرة والارقام وبلاوي كنت ماني مصدقه وانا اقراها لكن كل هذا يهون عند اللي اعظم لقيت البعض يطلب صور افلام مع اولاد صغار ويحدد العمر 11و12 ويطلب من الاولاد اللي في هالاعمار يراسلونه على الماسنجر واللي يقول عن نفسه انه ولد في هذا العمر ويبي احد يكلمه ويرسله

يابنات مو واجد ولا ثنين لا كثير والله اني جلست ابكي بكا تقطع قلبي مو معقوله كذا شبابنا صاروا تجرأوا على هالشي لا مستحيل


المهم في الموضوع كله عيالنا وش نسوي عشان نحميهم انا من كثر ما اقرا هالمواضيع والمواضيع اللي هنا صرت اوسوس دايم آآآآه يا قلبي يا بنات انا خايفه على ولدي كثيرررر مرة وش نسوي عشان نحميهم اخاف احد يلعب به ولا الادهى والامر اخاف انه هو يصير من هالناس اللي منحرفين يا بنات اهون علي اموته ولا يصير كذا خاااااايفه عليه مرة انا دايم بلساني الله يصلحك كل ما عصبت عليه او خرب شي اقول الله يصلحك زي مالناس تقول الله ياخذك صارت هذي كلمتي حتى اذا قلتها تبرد قلبي مو هذا الموضوع الموضوع وش اقدر اسوي بعد غير الدعا لازم اسوي شي بعدين اتوكل على الله يابنات ودي اقعده جنبي ودي ما يروح للمدرسه لاني دايم اسمع ان اولاد الثانوي يعتدون على اولاد الابتدائي....


يارب ساعدنا على اننا نربي عيالنا صح يارب يطلعون من عبادك الصالحين يارب تبعد عنهم كل مكروه يارب تبعدهم عن كل ما يغضبك


بعد في شي ثاني انا اسويه استودعه الله وادعي اللهم احفظ وليدي من بين يديه ومن خلفه وعن يمينه وعن شماله ومن فوقه واعوذ بعظمتك ان يغتال من تحته



خلونا نتساعد وشلون نبعد هذا القرف عن عيالنا ولا ننسى البنات لانهم طايحين في هذا الشي بعد بس انا تكلمت عن العيال لان اولا هم اللي عندهم الاعتدا بالغصب وعلى اولاد صغار اما البنات يكون بالمزاج ويكونوا كلهم كبار وثانيا لان ما عندي الا ولد


شي واحد بعد يا بنات خلااااااااااااااااااااااااااااااص ما ابي اجيب عيال الدنيا تخوف
والله حتى زوجي يقول خلينا نجيب ثاني وانا رافضه لدرجة اني اقوله تبي عيال اعرس انا ماني جايبه ثاني يكفي واحد وعساني اقدر اربيه صح

معليش بنات نظرتي سوداويه بس عندي اسابي منها اللي قلتلكم عليها ومنها اللي محتفظتبها لنفسي


وعذرا على التطويل