الأربعاء ٤/١٢
الحمد لله على نظامي بس أمس لخبطت شوي
وفيه مشروب كركم وشاي أخضر وزنجبيل ( عضوي)
ممتاز صحيًا ويساعد بنسبة بسيطة في نزول الوزن لكن لاحظته يجوعني وألخبط شوي ومو متأكدة السبب منه أو لا .. لذلك جربت أتركه أمس ..
أو يمكن خطواتي زايدة وهذا تحذير من الإخصائين إنك أحيانا مع الحماس تزيد رياضة أو خطوات فجأة .. ويمكن يحرق لك ٢٠٠ سعرة زيادة عن المعتاد لكن بتجوعك وتضطر تلخبط وتاكل زيادة عن سعرات ٦٠٠ سعرة أو أكثر .. وكذا المعادلة خاسرة🤭


▪️▪️الله يبلغنا الرشاقة على صحة وعافية ✨

الأحد ٤/١٦
الحمد لله على نظامي وخطواتي ..
▪️▪️شفت الأخصائي علي الحداد متكلم عن هالفقرة ..



وكان ينقد بزيادة يقول إذا رفيقتك زايد وزنها ..مالك شغل ❗️هي عندها مراية وتعرف❗️هي ماتاكل من حلال أبوك❗️ أنتِ ماتعرفين ظروفها ❗️
لاتقولين فلانة كأنك سامنة ⁉️
هي وجهة نظره وأحترمها ..
لكن أنا رأيي إذا رفيقتي وقالت لي بأسلوب كأنك سامنة ( تلمح)
بالعكس شي حلو ننبه بعض .. أنا أتذكر أبوي الله يحسن إليه كما أحسن لنا .. دايم ينبهنا .. وهالرجيم كان سببه كلام أبوي😘
ولا ما أدري وين بوصل ⁉️
ومن كم سنة .. عمتي حبيبتي .. نبهتني بمزح إني أنتبه لنفسي وجلست تمدح رشاقتي أول .. واستحيت عقب كلامها ونحفت كم كيلو
وهكذا .. كل فترة يجيني تنبيه ⚠️🚨


عاد وجهات النظر تختلف ..
♥️الله يبلغنا الرشاقة على صحة وعافية ...

الثلاثاء٤/١٨
الحمد لله على نظامي وخطواتي ..
ونصيحة لي ولغيري مافيه مثل الاستعانة بالله
كرروا الدعاء وطلب الإعانة وبيسهلها ربي وتتفاجئين من عزيمتك
الحمد لله بقي لي كم يوم وأكمل ٦ شهور


الله يبلغنا الرشاقة على صحة وعااافية ✨✨

السبت ٤/٣٠
الحمد لله على نظامي وخطواتي ✨♥️
ولكن للأسف بالإجازة لخبطت ..🙈
وراجعة بإذن الله بحماس أكثر ..
لأني كملت ٦ شهور من بديت هالنظام ..
يعني المفروض خلاص يصير نظام حياة تعودت عليه ✨
الله يبلغنا الرشاقة على صحة وعافية 🌹🍃

وانا معاكي أن شاء الله