عندما انكســــــر الميزان ..... تعالو شوفو قصتي

مساء الخير يابنات
ارجوكم مابي تطنيش مثل كل مره ما احب احد يطنشني .............
طال عمركم انه كنت مسويه ريجيم ووزني وصل الى 61 وكان جسمي حلووو ورحت الحج ورجعت رشيييييقه من كثر المشي بس ما وزنت لكن اتوقع صار بالخمسينات
المهم الفرحه ما تمت انه قمت تركت روحي بالاكل عالاخر يعني صار لي 5 شهور تقريبا وانا في حال انقضاض على الاكل وبديت الاحظ ان كل بنطلون عندي صار ما ينصك علي وكل تنوره صارت ما تنصك والكل يقولي متنااااااااااااانه متناااااااااااااانه وقمت البي الثياب الي كنت البسهم قبل والي صارو علي في فتره الضعف وساااااااااااااااااااااااااع ,,, رجعت لهم والله رجعني
يابنات زنودي منتفخه وكرشي شكبره وفخوذي كل واحد يقول الزود عندي حتى صدري الي ما عمره كبر كبران ااااااه يا قلبي شهالحاله وانه ميته من الخوف مابي اشوف الميزان ولا ابي اواجهه روحي بالحقيقه المره
لكن البارحه قلت خلني اوزن ووقفت على الميزان واشوف وزني 67 وااااااااااااااي تعبي كله راح باقي كيلوين وارجع مثل زمان ..................... يابنات الي يشوفني يعطيني بالسبعينات من كثر ما انتفخت في الاونه الاخيره
والله كلي اراده وعزيمه للرجيم بس يابنات ادعوووو لي الله يثبتني على الريجيم وما اخبص ولا اتركه ولا تزعزع ولا يأثر فيني اي نوع من الاكل
يالله يابنات دعواتكم وانه انشاء الله بكتب يومياتي هني منو تكتب يومياتها معاي ؟؟؟؟
يالله الي ما بتكتب يومياتها ما تطلع الا وهي داعيه لي انحف بصحه وسلامه وترا كل دعوه لج مثلها يعني ما بتروح بعيد ........................