نبض ..أنا مثلك أحب أختصر الطرق ممكن أموت من الجوع أسبوع بس ما اقدر اكل باعتدال شهر وودي أسوي الرجيم معاك بس الدجاج 3 أيام استغفر الله أشرايك أول يوم نشويه على الفحم الثاني نسلقه بشوربه الثالث ناكله همبورجر الرابع يطلع لنا ريش ونبيض ممكن أسويه أن ما سافرت وأنتي يا نبض أمتى علشان نبدي مع بعض أنا مشكلتي الغداع بنهايته الأسبوع في بيت اهلي عيش وحلويات وبلاوي ما أقدر أقاومها ....

شكلي ببتدي فيه عقب باكر يعني يوم الأثنين الياي 5/8/2002 شرايج ؟

الأثنين والثلاثاء والأربعاء: فواكه

الخميس والجمعة والسبت: خضار وسلطات ( يعني بتكونين بيت اهلج مافيها مشكله خلهم يسون لج سلطه ويطبخزن لج خضار على حسب ماتحبين بوقتها مابتقولين شي ويالله عن الإستسلام لو تدرين عني انا الحين صار لي من يوم الأربعاء ولاعبه دور بالخربطه تراني عند اهل امي وهات ياحلويات وياطبخات اممممممممممم لذيييذه بس كنت آكل تناتيف بس الله يسلمج كل من شافني قال ضعفتي ومستانسين عاد ماابي اخرب الدنيا ابي ارد الإمارات عشان يشوفوني ربعي ضعفانه زود مايقولون لي شلي هببتيه يالله مس ديور تشجعي وإبتدي معاي من يوم الأثنين تراني خلاص معزمه)

الأحد والأثنين والثلاثاء: روب

الأربعاء والخميس والجمعة: دجاج ومثل ماقلتي يوم مشوي ويوم مسلوق ونغير

الله يسلمك وحنا كم نبض عندنا ...:27:

ومن ناحية يوم الدجاج كل اليوم دجاج لحد مايطلع من عيونك وتطمني ان شاء الله ماراح نبيض ولا نكاكي ههههههه .. الله يضحك سنك ..

وأنا أبشركم بديت فيه من أمس الجمعة 2/8 والحمد لله النتائج باهرة والبركة في تشجيعكم ..

أتمنى من الله سبحانه أنه يرزقنا جميعاً الرشاقة بالعافية ...

حبيبتي أفياء ابسألك عن الفواكه
يعني آكل اي فاكهه ولا فيه اشياء
ممنوعه
الجح <البطيخ>
الشمام
العنب
الخوخ
عادي آكلهم لأني بصراحه
احب هالأنواع
ياليت تردين علي بسرررررررررررررررررعه

نبض والله فكره والله ..... بس أن شاء الله ان ما سافرت على نهايه الأسبوع باسويه الأثنين الجاي ...يعني بالعربي ..باجربه فيك أول ..أهي ...أهي ..وأن مدحتيه راح أسويه وعلى فكره أفكر أسوي نصه لمده 5 أيام وأجرب والله مو نحاسه بس ما ادري اسافر وألا الله مايكتب وانا نفسيتي تعبانه وايد ولما النفسيه تتعب عشم ابليس بالجنه أصد عن البلعه والثلاجه بس أن شاء الله السبوع الجاي تتحسن الظروف....