قسماً بذات الله يمكن اليوم موت و يخلص عمري بهالدينا الفانية .....

يا أختي المحبة للخير إستهدي بالله وألعني الشيطان لا تخلي إحباطك من وزنك يعمل فيكي كدا وأحمدي ربك على الصحة والعافية والله احنا كلنا وانا بالذات بتمر علينا لحظات بنكره جسمنا وبنكرهه الدنيا كلها لكن الواحد بيستهدا بالله ويقول لا حياة مع اليأس أنا مثلا والله كنت يائسه أني انزل وزني وماني قادرة اتبع اي رجيم وكل رجيم ابدا يومين وألخبط لمن خلاص تعبت وقررت اني اتقبل نفسي كدا لكن زي ماعارفة الناس ماتريح . لمن لقيت الحل وهو اني صرت اقرر اعمل رجيم ولو ماقدرت أنذر اني بصوم لله 20 يوم فعلا عملت كدا وطبعا كالعادة فكيت الرجيم فقررت اوفي النذر وماتتخيلي يااختي الصيام كيف يخلي الانسان يصبر على الأكل والله صرت اخفف ومره اكل تمر ولبن بس والله صرت ماني مشتهية الاكل صح في الاول تعب لكن بعد كدا اتعودت على الصيام مره وصرت مرتاحة عليه والحمد للة نفسيتي اتحسنت والمهم من دا كلوا اني قررت ابعد الميزان تماما وصرت مااوزن كل يوم زي زمان لانوا كان زمان لمن اوزن والقى نفسي زايدة يجيني احباط واكل اكتر من الاول والله انصحك يااختي بالصوم والله انو يعطي ارادة قوية وكمان اجر وطاعة وابداي بس في التخفيف الاكل في الاول عشان ما تحسي انك مسويه رجيم واشغلي نفسك باي شي لمن تفكري بالاكل والله يا أختي لو على الاحباط وقلة الاراده انا اكتر من جربها لكن زي ما قلتلك لا حياة مع اليأس ولازم يكون عند الانسان أمل عشان يقدر يستمر في الحياة روحي صلي ركعتين وشيلي الافكار السودة وربنا اكيد حيعينك واحنا ما حنقصر معاي ولا ايش فايدتنا لو ما مدينا ايدنا لبعض وساعدنا بعض واطلب من الاخوات انهم يعرضوا علينا قصصهم الناجحة في انقاص الوزن عشان كلنا نتشجع ونستمر والله يعيننا انشاء الله .

لاحول ولا قوه الا بالله - استهدي بالله وخلك من الكلام الي كاتبته -انصدمت لما شفتك انت الي كاتبه هذا الكلام - كل شي له علاج يعني حنا ماخلينا شي الا جربنا -

والحمد لله مره تصيب ومره تخيب ولو ننزل كيلو شوفي الدنيا ما تسعنا اذا انتي قادره تتبعي الرجيم بنهار كثري من الماي والخضروات خاصه الخس - ادعي الله انه يساعدك ولا تدعي علي نفسك من بفيدك بعدين - وانتي اختنا والي تمرين فيه مر علينا - كثر من الدعاء والله قادر انه يصبرك ويساعدك ولا تقول هذا الكلام الفاضي حنا نحبك ونوقف معاك وكلنا نبي نساعدك المهم انتي تساعدي نفسك وعيونا لك بس انت امري امر -

واسئل الله الكريم واسماءه الحسنه ان ينولك كل مبتغاك والقوه والاراده امين يارب العالمين

حبيبتي المحبه للخير ليش تتمني نفسك الموت هذا حرام عليكي:27: اول شي ادعي الله انه يثبتك وتمشي على الرجيم ثاني شي امشي عالقاعده الي بقولها لك وهي انو اذا جيتي عم تاكلي حلو او اي شي بيسمن تذكري انك راح تتلذي فيه بوقته وتنسي طعمه بعد مايروح من فمك ويدخل معدتك بعدين راح يسمنك خوذي هالقاعه مني لاني جربتها ونزلت عليها قسم بالله 6 كيلو خلال اسبوع والله على مااقوله شهيد :32: وانشاء الله تنحفي على يدي :cool:

والله يا المحبه للخير انا حاسه فيكي لاني مريت بنفس ظرووفك بس وش اللي نحفني انه كان زواج اختي وقلت لازم انحف ورحت عند دكتوره تسويلي رجيم وبالفعل نفع معاي لانها كانت شديده معاي يعني الاسبوع اللي ما انقص فيه تحرمني من اشياء معينه_ والله اني كنت اخاف منها_الله يجزاها خير انشالله بس اللي ابغا اقوله لكي اولا خللي يكون لكي هدف من النحف يعني حطي في بالك شي وانتي تبغي توصليله ثانيا لازم تكون الدكتوره صارمه معاكي..ويارب يارب يارب يالمحبه للخير انك تنحفي وتوصلي للوزن اللي تبغيه امين يارب العالمين..
والله يوفقك

السلام عليكم
اختي المحبه للخير والله حاسه بحالتج لاني مريت فيها وللحين امر فيها
اكون ضابطه روحي ميه بالميه بالنهار بس احيان بالليل اخربها مع اني مو يوعانه
بس علي قولتج فجعنه ومن بديت الرجيم وهذي حالتي كل ليله اخرب الرجيم واحيان يضبط
ومع ذالك ينزل وزني بصعوووبه واحاول امشي كل ليله ساعه وخلاب ست اشهر نزلت بس 20
كيلو تخيلي؟ ومع ذالك احاااول فلا تياسي ياختي صلي لج ركعتين واطلبي ربج الطمانينه
وان شاء الله الله بيفرجها عليج