قصتي مع الرجيم

كملي شوقتيني بسرععععععععه

بس كم كان طولك ؟؟

بس كم كان طولك ؟؟
شكرا على الرد يااخت لينا الله يسلمج طولي 157 يعني مو طويله وايد يعني مو حلو علي وزن 88 كيلو شكلي مثل الكره صايره

حبيبتي وين رحتي ليش ماكملتي

أنطرج قلبي

:)

اكملكم قصتي... فلما شفت نفسي بالفيديو والله ماعرفت نفسي من السمنه الزايده لان اولا ويهي يخرررع.. عيوني ماتبين غاطسه من المتن.. وايدي قصرت راحت فوق من المتن.. غير الشكل العام اللي مااقدر اوصفه من كثر ماكرهت نفسي في هذي اللحظه.. والله الناس قاعده تشوف الفيديو وانا ابيهم يسكرونه .. لان شكلي مو حلو بالمره وخصوصا مشيتي لما امشي اتقلب يمين ويسار.. ومقاس جوتيي وانتو بكرامه صار كبير من السمنه الزايده.. فقعدت مع نفسي قعده صادقه وفكرت عدل في شكلي.. وقررت اني مااستمر بالاكل لان وزني قاعد يزيد ويزيد بسرعه فلازم اسوي ستوب للميزان.. واخلييه ينزل مايصعد ..فقررت ابتدي بالرجيم وراح اقولكم شنو سويت وشنو اكلت بالضبط والله يشهد اني ماقلت كلمه زايده او مبالغه فيها فنقول بسم الله اول شي.. واقولكم اول يوم شنو اكلت وشسويت بالضبط.. يتبع...

حبيبتي وين رحتي ليش ماكملتي.. كاني موجوده :)) شكرا على الرد والمتابعه حبوبه
بدايتي مع الرجيم كانت من اول يوم اني اقاطع الحلويات اول شي.. وحتى الشاي او الحليب بدون سكر.. استعمل انا سكرين واشرب دايت.. مع الاستمرار بالاكل عادي صدقوني حبايبي اول ماتقطعين الحلو وزنج راح ينزل.. وماتغير علي اكلي بالمره .. كنت اكل غدا وعشا مثل قبل بس حلو ممنوع عندي.. هذي بدايتي مع الرجيم فلاحظت اني نزلت 2 كيلو في خلال اسبوعين تقريبا.. قررت انظم اكلي اكثر.. الافطار : خمس تمرات مع كوب حليب وحليب عادي مو خالي الدسم.. الغداء: الغدا الكويتي المعروف مجابيس يعني:)) مع الاكثار من السلطه
العشا:بدون عشا يعني ماتاكلون عشا
صدقوني اول ماتقطعين العشا ماراح تنامين من اليوع بس قاومت انا وكل اليوم على هالطريقه اتغدى بس مااتعشى لما تعودت على هالشي وصار عادي عندي كل يوم انام بدون عشا
وكنت احاول امشي بجهاز المشي الكهربائي بس ماقدرت في البدايه لان ماعندي لياقه واتعب بسرعه من كثر الشحم الزايد عندي.. فقررت اني ما امشي بالجهاز الا لما ينزل وزني فصار في البدايه تخفيف الاكل مو رجيم رجيم قاسي.. بس في سر ساعدني على الضعف راح اقوله لكم انشالله:))...يتبع..