*الجوهرة* :

نبتدي مع بعض و ان شاء الله نتوفق يا بنات اولا مشكورة اختي نبض على الثقة و على الاشراف ثانيا اسمحيلي اختار ثنتين من البنات يكونون معاي في هالمهمة و اختار ماريا و فسفورية بما انهم متحمسين مثلي و ردوا على الموضوع قبل الجمييع و انهم ماشاء الله متواجدين باستمرار خواتي فسفورية و مارية ان شاء الله بيكون بينا تواصل ندخل في المهم أهم شي يا بنات الارادة القوية و العزيمة احنا سجلنا اسامينا مب عشان نلعب لازم نكون جادين شوي و الهدف من المسابقة التخلص من النحافة اللي مأزمة حياتنا و نحط في بالنا لازم لازم نتخلص منها اذا مب هالشهر الشهر اللي بعده على الاقل يا بنات نزيد 5 كيلو في الشهر ....... هل هالشي صعب عليكم ؟ يعني بمعدل كيلو و ربع في الاسبوع و احنا هالمرة جادين جدا لانا داخلين مسابقة و لازم ما نطلع منها خسرانين شوفوا مسابقة السمنة ماشاء الله عليهم البنات اللي وزنها فوق المية كيف ماشاء الله تقدر تنزل خلال شهر 10 كيلو و على فكرة ترا النزول اصعب من الطلوع يعني يحرمون نفسهم من كل ما لذ و طاب عشان خاطر الرشاقة و احنا جدامنا كل ما لذ و طاب و لا قادرين ناكل ....... ليش ؟ شوفوا يا بنات احنا في البداية لازم ننظم وقتنا عشان ننظم اكلنا يعني ننام بكير و نصحى بكير و شوفوا الصحة كيف بتصير :D ليش؟ لان اذا قمنا الصبح يكون جدامنا النهار بطوله نجوع و ناكل يعني نفطر الصبح و بين الفطور و الغدا ناكل لنا شي والين الغدا واحنا ميتين من الجوع لان اليوم طويل و ناكل شي بين الغدا و العشا و بعد العشا و هكذا .................... بس لما ننام الين الظهر تروح علينا وجبة الفطور وما بعد الفطور و قايمين نبغي ننتغدا مب قادرين و لا لنا نفس ............. يعني نبتدي من اليوم ننظم وقتنا وشي ثاني يا بنات نختار الاكلات اللي فيها سعرات حرارية و ما ناكل شي ما فيه سعرات و نشبع و ما يفيدنا بشي شوفوا هاللينك عندكم جدول للسعرات الحرارية نختار اكثر شي و الجدول للاخت انوذر http://forum.hawaaworld.com/showthread.php?t=311365&page=3&pp=15 بعدين فيه موضوع حلو عجبني لو نمشي عليه وااايد زين http://forum.hawaaworld.com/showthread.php?t=242186 طبقوه يا بنات ما اوصيكم ! هالله هالله في الاكل كلوا لين ما تنقعون ولا تقولون ما اشتهي و ما احب خلاص زمن الدلع ولى شوفي شكلج كيف صاير ريلج طفران و عيالج ملوا و اهلج الله يعينهم يلا بلا دلع و كلي الاخضر و اليابس :30: و ان شاء الله نتواصل مع بعض مع السلامة

نبتدي مع بعض و ان شاء الله نتوفق يا بنات اولا مشكورة اختي نبض على الثقة و على الاشراف ثانيا...