انا معاك إن شاء الله صح متاخره شوي بس ما عليه وبعد اسبوع بعطيك آخر المستجدات على الساحه الجسديه

هلا بنات الحلوات اولا اختي عطر وزهر وش ذا الخبوز كلها عاد انتي عارفه ان الدقيق هو خراب الرجيم وخراب الخصر عاد شوفي انا اليوم افطرت 2 توست نخاله با الجبن مع شاهي اخضر ولما جاء وقت الغداء حاسه بطني مليان ما ادري ليه كاني ما اكله ذبيحه يمكن عشان من زمان عن الخبز وانا ما اكلته الا لما ما لقيت فاكهه خلصت وانا ما ادري وتغديت غصب سمك مشكل من عمو حمزه والله اني اموت فيه بس اليوم ما ادري وش فيني ما اشتهيته وقعد الصحن مليان وراح وشربت بعدها عصير اناناس بدون سكر الربيع وراح اتعشى زبادي مع بذرة الكتان والشمر
طيب وش رايك ياعطر وزهر نسوي رجيم عذاري يشبه رجيمي شوي عشان خبزك يام خبز وعلميني عشان نسويه بس ابزيد اني ابشرب عصير الاناناس بعد كل وجبه وبعدين ترى النقانق تسمن =====
وانتي يا تفاحه يا حلوه لاتمرضين نفسك شوفي بس انتي اقعدي تفرجي علينا وشجعينا وسولفي معنا بدون ما تسوين رجيم وش رايك ===
وهلا اختي ساهرة العين حياك الله معنا

انا اليوم شربت عصير اناناس طول اليوم وابختمها بتفاحه ياتفااااااااحه خخخخخخخخخخخخ

اقول على يوم الاناناس الله يقطع بليس ذاك اليوم صدع راسي بغى ينفجر مغير ودي اطق احد ولا بعد من زين الطبع ما نقصت الا نص كيلو على ذا التعب والله اليوم اللبني ابرك منه وينقص كيلوين يا اختي ما ادري وش في ذا الوزن عيى يتحرك وش اسوي فيه اخاف عشان اني ما مشيت من اسبوعين ابو الشباب اللي عندي مشغول ما طلعني امشي بجرب نط الحبل والله يعين اللي تحتي ساكن عسى ما ينخفس بي الارض واطيح عليهم خخخخخخخخخ

اقول ياتفاحه مادام مافيه احد مخاويني الا انتي وين وحده فيل ووحده رشيقه ما تجي خخخخخخخخخخخخ
لا والله جد وش رايك تسوين معي رجيم دشتي تراه حلو مره ومدام انك ماتبين تنقصين واجد بيناسبك ها وش رايك انا اببتدي فيه من بكره عاد قلت وخيتي تفاحه اباخذه معي عشان ما عاد استغنى عنك على الاقل نشجع بعض وعارفين وش صار لنا خخخخخخخ