نظام سحرالورد ( خسرت عليه 32 كيلوو ولله الحمد )
قولوا ماشاء الله
معضمكم تابعني في فتره نظامي ورجيمي وبألأحرى هو مو رجيم اتبع فيه اشياء معينه
لكن هو الأغلب تنظيم وتخفيف من الأكل الموجود
+ الرياضه وهي شيء اساسي جدا في نزول الوزن وشد الجسم
مااطول عليكم
انا اركز أكثر شيء بالوجبات يعني الوجبات تكون متكامله وتضم اغلب الاشياء اللي يحتاجها الجسم
اهم شيء انا آكل لحد الشبع فقط لاغير يعني مو اشبع واظل آكل ..
مثلا بعطيكم مثال لوجباتي بالصور
الفطور
الغدا
العشا
يعني من الاكل الموجود بدون تقيد + الرياضه
ولو حبيتي شيء فيه زيت م مره بالاسبوع اكلي بس نشفيه من الزيت ومايكون بكميه كبيره
وأكيد أعادل بين الوجبات لو كثرتها بالغدا يكون العشا خفيف بس يكفيني ويسد مقدار جوعي
ويعطيني طاقه فقط
هدفي اني آكل مقدار يستفيد منه جسمي ويعطيني طاقه بدون أي شيء يخزنه
واكيد بتشوفين كلمة نظام رح تقولون يعني شنو أفطر شنو اتغدا شنو آكل بين الوجبات شنو اتعشى
رح اٌقول اكلي براحتك لكن بتوازن ابتعدي عن الدهون ابتعدي عن السكريات ماعدا باليوم المفتوح اكلي كل شيء يعجبك وبدون ان تحاسبي نفسك ابد ..
ووجباتي تعرفونها وبالصور كنت انزلها ...
دايم فكري وقولي شنو فايدة الاكل إذا بيضر صاحبه
خلو شعاركم دوما نعم للأكل بانتظام فقط هذا قصدي من نظامي
مو نظام محددواكل معين فقط يكون اكل صحي ...
انا وحده مااحب الرجيمات ابد ابد لان نتايجها يمكن تظهر بسرعه
لكن مجرد انك ترجعي بنفس طريقتك سابقا طبيعي رح يرجع الوزن
مثل ماكان
ملاحظات سـحــ الورد ـــر في اثناء اليوم المفتوح والرجيم عموما
والحمد لله من بديت خسرت 32 كيلوو وانا اطبقها قولو ماشاء الله
وانا مطبقتها ومحققه نتيجة طيبه
مايهم الكميه كثر التنوع المقالي مفروض شيء اساسي في يومكم المفتوح حتى يكسر الرجيم ويكر ثبنات الوزن لأن الدهون تكسر
وكذالك الحلا اكيد تبقون تعرفون ليه ؟ لأن جسمكم اثناء فتره الرجيم تعود على نظام واكل معين فاليوم المفتوح رح يكسر هذا الرجيم
وحتى جسمك لو رجع واكل من هذي الأشياء ماراح يزيد الوزن لأنه تعود على هذي الأشياء وانه ياكلها
اما لو حرمتو نفسكم من هذي الأشياء مجرد ماتتركون الرجيم إلا ووزنكم راجع ويمكن دبل لأنكم بتاكلون الأشياء اللي انحرمتو منها
في اليوم المفتوح اكيد رح تحسون بشيء غريب مثل معدتكم اشوي بتألمكم ومو الكل البعض بس
البعض المعده تصير تعودت على اكل معين وبتتفاجئ بأشياء جديده فطبيعي تحسون بألم
لاتحاسبون نفسكم في اليوم المفتوح استمتعو بيومكم
واليوم اللي بعد المفتوح لما ترجعون للرجيم رح تلاحظون انا وزنكم زاد من بعد اليوم المفتوح من كيلوين إلى ثلاثه
او كيلو على حسب طبيعة الجسم لاتخافون لأن مجرد ماترجعون اليوم اللي بعده للرجيم يبدأ وزنكم بعد
يومين كذا من المفتوح بالتراجع والنزول اكثر من قبل كأنه تفاجئ بالنظام الجديد ونزل الوزن
الرياضه في اليوم المفتوح يفضل لو 10 دقايق على الاقل احسن هو تفضيل
والرياضه مفروض لو ماكنت يوميا لو ثلاث مرات في ألأسبوع برضو حلوو ويحقق نتيجة روعه
لان الرياضه قلنا ماتصير ممنوعه إلا في وقت الدوره وفي الضروف وبس
طبعا هذي ملاحظات لاحظتها انا في اثناء رجيمي ومن بديت موضوعي رجيمي بالصور إلى الان وحتى من بعد مافتحت القروب وانا ملاحظه هذي الأشاء فحبيت افيدكم فيها
كنت اطبقه بنفسي
وحبيت افيدكم فيه
طبعا نظامي انا التخفيف يعني ماادري اللي تتبع نظام معين كيف رح يصير معها
والله يوووفقكم
وأي سؤال أنا في الخــــــــــدمه
بس لاتنسوني من دعواتكم الطيبه
وانا الله يحقق احلامي
اتمنى اللي تبقى تنقل الموضوع يكون بأسمي ( سـحــ الورد ـــــر )
ياليت تكتبي تحت الصور ايش يحتون علية والمكونات