الله ينحفك ياقلبي من غير شر هالزواجات حطمتنا اهي اهي

انا عن تجربه دحين قريبه ما كملت شهرين او 3 لسه

كان فرح اخوية باقي عليه شهر ونص واشتريت فستان اصغر ومايدخل فيني يعني يدخل بس السحاب ما ينقفل

وانا اشتريته عمدا اصغر مني واتهورت عشان اجبر نفسي انحف بالطول والعرض

حتى نزلت موضوع هنا انه بسالهم تتوقعو انحف وفي بعضهم قالو اصلا ليش تجيبي فستان ما يدخل فيكي

بس انا حسيتها حركه حلوة تجبرك تنحفي هههههه

مشيت ع نظام حلو من راسي وما يدوخ ولا يتعب ولاشي

كنت افطر شاي وشابورة بر وجبنه بيضه عاديه وزيتون انا الفطور كنت ادلع نفسي صراحه الين اشبع لانه بين الفطور والغدا وقت طويل وكمان لانه يعطي طاقه وهي اهم وجبه وماتخافي حتنحرق مع مجهود النهار


بعد الفطور اشرب نسكافيه ضروري لانه الروقان حقي ههههه ع فكرة استخدم سكر رجيم للشاي والنسكافيه


كنت بالدوام بس اخد عصير عشان اذا جعت شربت تصبيرة

اتغدا حسب مرات دجاج صدور اقطعه اوصال زي الشاورما واعملو بزيت زيتون شوية اشوحه وابهره وحركات معاه سلطه او مرة لحاله بس اخد بعده حبه فاكهه مرات مع زبادي حبه

مرات اعمل بيضتين مع شوية زيت زيتون اكلها بالملعقه بدون خبز كان النشويات اللي تدخل بطني طول اليوم هي فقط الشابورة او الخبز البر حق كل صباح بالفطور فقط باقي اليوم لحوم وفاكهه وخضرة وشوربات

مرات همبرجر اعمل 4 قطع بالفرن واكلها مع سلطه زبادي وخيار او مع تبولة

مرات كنت اتغدا فقط طبق كبيرة من اللبن والخيار زوالخس واخلطهم واكل

عشايا يا اما شوربه خضار مرات اخد من مطعم كانتون شوربه الذرة بالدجاج او اتعشى زبادي يعني شي مرة خفييييف

كنت العب رياضه مشي ع السير نص ساعه وازيد كل 10 دقايق بالسرعه والعب بطن وصدر اصفق ع ورا افضل وقت اول ما تصحي من نومك قبل الفطور لانه كدا جسمك يضطر ياخد من الدهن المخزن بجسمك ويعمل طاقه للرياضه

نهائي وقفت الغازيات والنشويات من رز ومكرونات ومعجنات وهكذا وقفت الحلا

بس كنت مرة من نفسي كل اسبوع قطعه ذوقه او اذا اكلت قطعه كامله مثلا كيك ابطل اتعشى وبعدها ع طول شاي اخضر وزنجبيل

وشاي مع زنجبيل مرات حتى بدون ما اكل قبله اشربه كويس

يارب اكون افدتك حبيبتي

كنت مل اسبوع اقيس الفستان كان كل اسبوع ينقفل السحاب اكتر من اول

الين قبل الزواج بيوم انقفل مرة حمدلله

وحضرت بكل ثقه والناس كلها تقول نحفتي ونجفتي الله ينحفك من غير شر يارب تتحمسي

ياقلبي الرجيم مو حرمان الرجيم تقليل الكميه المعتاده واكبر غلط نخسر وزن كبير في وقت قصير افشل رجيم حتى لو نحفتي بترجعي لئنه يزيدك دبل بس انصحكي في رجيم القيمات تاكلي كل ساعتين 7 لقمات من اى شي عندك وتوقفي وتحسبي ساعتين وتاكلي زي كذا انا ماشيه عليه ونزوله حلو ناس كثير نزلت عليه وطبعا رياضه وشرب ماء اقل شي 2 لتر الله يقويكي حبيبتي

رجيم عذاري روعه مشبع وسهل
مع المشي وبااقي يمديك بس هدي التشتت ماراح
يخليك تتقدمين خطووووووة
والبسي بدله السونا ودهني جسمك بزبت زيتون طابخة فيه زنجبيل

شوفي حبيبتي انا بقلك من تجربتي وان شاء الله تستفيدي انا وحده طول عمري سمينة اسوي رجيم انحف شوية امل منو ارحع اسمن من اول واول ما افكر اسوبي رجيم كل يوم اقول بكرة وتلاقيني اكل بشراهة كأني داخلة حرب وبرضو بكرة مايجي الا اقول اليوم التاني الا ان وصلت 104 وجاني سكر للأسف وفي النهاية وصلت لشي مهم
اولا فكرة الرجيم تخليك تسمني مش تضعقي وتعيشي قي حلقه مفرغة من النزول والطلوع مايسمى باليويو
ثانيا قكرة انك تنرلي عشان زواج او الناس او مناسبة اكبر غلط اناكنت زيك عاوزة انزل عشان مناسبة عشان الناس غشان شكلي وما نجفت خلي صحتك هي اول سبب السمنة مرض تتراكم عليك الامراض مع تقدم السن سكر ضغط مفاصل قلب الخ هادا كان سبب كان كاقي ليا
ثالثا التخفيق بالتدريج احسن نظام صدقيني لو قطعت شي بسيط من نظامك يسوي تأثير رائع في زنك انا مثلا في البداية قطعت الببسي كنت اموت فيه بعد شوية السكر وزني بدا ينزل خففت اكلي بالتدريج استخدمت الخبز الاسمر بعدت عن كل شي ابيض وهكدا
رابعا لا تياسي كل ما تخبصي كملي يومك عادي مومشكلة تخبصي في وجبة ولا يوم قولي بكرة حيكون يومي احسن المهم تستمري
خامسا سوي الرياضة الي تحبيها المهم تتحركي انا انصحك ببرنامج مشي 5 ميل تلاقي في يوتيوب جدا ساهل وحلو
المهم تحبي نفسك وتفكري فيها قبل اي احد وابعجي عنك الافكار السلبية كلها وثقي انك حتوصلي للي تبغي بمشيئه الله
انا ماشيه على النظام دا لي شهرين ونص مع تخبيص كنت 104 وشويه والان 95 ونص الحمد لله ادكرو الله
اتمنى اكون افتك