مرحبا اختي ..
انا جربت خلطة الليمون والجليسرين لتوحيد اللون ..
بصراحه الفرق كان واضح في الاكواع والركب ومفاصل الاصابع ..

وانا باقولكم مشكله .. وياليت اللي عندها حل تفيدني ..
منطقة الظهر كاااملة لونها اسمر من باقي جسمي .. كيف اقدر ابيضها ؟؟وكيف اقدر امحي آثار الحبوب منها ؟؟
ياليت تساعدوني .. ومشكورين :27:

دموع .... الرياضه لازم ما تكون يوميه لأنه العضلات لازم تاخذ راحه ... يعني يوم إيه ويوم لأ ... أنا عن نفسي أكتفي بيومين في الأسبوع ...
أما أفضل رياضه فهي الرياضه إلي إنتي ترتاحين لها .... لأنه كل ما كنتي مرتاحه نفسياً من التمرين إلي إنتي تسوينه كل ما كان المردود أفضل ... والعكس ....
ويوم تقومين تسوين التمارين لاتحاولين تحطين في بالج إنه هذا عبأ ولازم تأدينه ... لأ .. لازم تحببين نفسج في التمرين وتحطين في بالج إنج راح تقضين وقت ممتع مع التمارين .... يعني باختصار العامل النفسي مههههههههم ...
أنا أفضل الإيروبك ونط الحبل ... وأحياناً كثيره أمارس رياضه التنفس التايشي ... وهي رياضه مفيده بس يريد لها وقت طويييييييل لين تتعودين عليها ..:34:

بالنسبه لموضوع توحيد اللون ... أنا كان لون جسمي واحد ... بس كنت أرتكب غلطه وأنا ما أدري .... كنت افرك جسمي بالليفه بقوووووووه ... لحد ما استوا بعض السواد في الأماكن الحساسه والباط .... وكان مع السواد يستوي لي تهيج .... ومع مرور الوقت صرت ما أقدر ألمس هالمناطق حتى الماي يعورني :08: ... طبعاً أول شي رحت للطبيبه وسمعتني كم كلمه حلوه :D وقالتلي لا تفركين أبد هالمناطق ولا تيبين الليفه صوبهم (وأنا استغرب من البنات إلي يقولون سووا حمام مغربي وفركوا هالمناطق بالليفه:confused: ) ... المهم عطتني أشياء بسيطه لأن أصلاً بشرتي حساسه ... عطتني صابونة سيباميد والكريم إلي يعطونه للبيبي:04: عشان الطفح بس ما أذكر شنو اسمه ... وبمرور الوقت راحت الآلام لكن آثار الجريمه تمت ... وكنت بعد أعاني من تغير في لون الركب من الإحتكاك ...
أول شي سويته هو خلطت ليمون مع جلسرين ... حرقنييييييييي مووووووت قلت ما عليه بستحمل كم يوم ... وبعد كم يوم ردت ريما لعادتها الجديمه :44: ... رد الطفح مثل أول وأدمر .. أتاري الليمون ما يناسب بشرتي ... وطبعاً استخدمت نفس إلي عطتني الدكتوره ... وآخرتها قلت مافي غير التقشير وزيت الخروع ... كنت كل ليله اقشر ويوم أجفف عمري أحط زيت الخروع وأدلك جسمي زين ما زين ... وعشان أحمي ركبي من الإحتكاك ألبس جوارب قديمه أقصها من عند الأصابع وألبسها على ركبتي ... وألحين أنا في تحسن مستمر ... وشوي ويختفي السواد...

وعلى فكره الدكتوره قالت لي ما أحط ليمون أبد على المناطق الحساسه لأنه ممكن يأثر على حامضية هالمنطقه وبالتالي ممكن الوحده تصاب بالتهابات ... وهذا مو كلامي كلام الدكتوره ..

اما بخصوص شيل الشعر فالمره اليايه ... لأني طولت عليكم وااااااايد

:14:

منى الغاليه مشكوره على النصيحه وانشالله انلاقيلج حل الله يبرد قلبج دنيا واخره


ملودي الله يعطيج العافيه والصحه ويجعلج من المؤمنات الصالحات انشالله


مشالله عليج ردج يبرد القلب صدق مش مثل بعض الناس :) ............لا تعليق بنات المنتدى وينكم ؟

بس عندي كم سوال ؟ شو رياضة التنفس شو تقصدين فيها والدكتوره الي تروحيلها شاطره ليكون المركز الطبي ؟

اما عن الحمام المغربي والله يسوي انقلاب عجيب غريب بس لا تفركين قوا

دموع ... الظاهر أنا وإنتي بس إلي قاعدين نرد على بعض :confused: ...

المهم يا حلوه ... رياضة التايشي شبيهه باليوغا ... بس أنا ما أحب اليوغا وما أعترف فيها لأنها مبالغ فيها جداً ...
التايشي عباره عن -باختصار- تناغم حركة العضلات مع التنفس ... وهي تعتمد على التركيز مع التخيل ... انا واااااااااااااااااااايد مرتاحه وياها...

انا ييت و دخلت في النص :)
أقول ميلودي فيه كتاب يشرح رياضة التايشي هذه؟
انا صراحة ودي اتعلم عن رياضات التنفس هذه و تراها وايد مفيدة
فيه كتاب نصحتنا فيه الأخت سيدة الوسط جزاها الله خير، اسمه كتاب 8 أسابيع لصحة مثالية للدكتور أندرو ويل
يعلمج بالتدريج كيف تغيرين من نظامج الغذائي و الرياضي و التنفسي و الدراسي .. ... هذه الأخيرة من عندي :)
و ينصحج بفيتامينات و مكملات غذائية لازم الكل ياكلها و يواظب عليها طول فترة حياته علشان يتجنب أمراض عديدة باذن الله
و الحمدلله أولا و أخيرا اني من بعد ما طبقت الي فيه خف عندي عوار الدورة الشهرية و خف عني الصداع
بس انا صراحة ما كنت أطبق كل شي 100% ، يعني تقريبا 70%
و من بين نصايحه تمارين للتنفس بس مب وايد ، علشان شيه ودي أعرف أكثر عنها
و عن تجربتي في التنحيف ، ترى انا جسمي ما شاء الله قولوا ماشاء الله من النوع الي عنده منااااااااااااااااااااعة كبيرة لخسارة الوزن :(
صار لي الحين شهر و نص من رمضان ليلحين ما خفيت الا 3 كيلو بس مع اني كنت امشي كل يوم و ما اكل الا الفطور و خفيف بعد
بس بعد الحمدلله ، وانا بعدي مستمرة بس انتو ادعولي
الظاهر اني قرقرت وايد :)
بس تراني برد ، محد يقعد مكاني :)
يالا باي