ياليتني عرفتك من زمان

مرحبا بنات

انا وزني 50 وطولي 152
لاول وهلة بتقولون هذا وزن طبيعي وحلو
بس الواقع غير :(

لان جسمي تفاحي يعني متينة من فوق وانحف من النحيفات من تحت
ظهري عريض وكرشي قدامي من يوم كنت صغيرة وخصري متساوي مع منطقة الحوض :(
لهذا دايما البس ملابس واسعة تخفي هالصفة الرجولية فيني :(

وصديقاتي اوزانهن فوق 80
فصاروا يتمشون ساعة يوميا ونزلوا خلال سنتين 20 كيلو واكثر
وللآن يتمشون عشان ينزلون الباقي

وانا خمنت ان المشي راح ينحف رجلي اكثر
فصرت مامشي معاهم وبنفس الوقت اناظر اجسامهم اللي يوم عن يوم تقل قياساتهم
الين صاروا يلبسون نفس مقاسي :eek:

ولان وزني زاد هالفترة .. واحس بفراغ قاتل
قلت لهم مرو علي امشي معاكم .. ومابحاول اطالع في فخودي اللي بتختفي خخ
لان بدون شي هم مسح

مشيت اول مرة ووصلت البيت وانا منهارة :09:
بس حسيت بعد نص ساعه راحة
اني في نشاط موعادي وانتعاش حلو

هذا دفعني لليوم الثاني .. والثالث والرابع
والحين كملت شهرين مشي

واللي اذهلني :eek:
ان كرشي انمسح
بعد 26 سنة معاناة م الكرش .. تروح كذا في شهرين :42:
وفخوذي برزت لورى
اتاري العلة مو فيهم .. العلة في منطقة ظهري اللي فوقهم
كانت مشحمة ولما راح الشحم برزوا مثل جينفير لوبيز خخخ

لما امر صدفة جنب مرايا
ارجع فورا واقول .. هذي انا ؟؟؟؟؟؟؟؟؟؟؟؟؟؟؟؟؟؟
جسمي تغير بقوة بقوة مع ان وزني نزل خلال هالشهرين (2كيلو بس) لاني ماغيرت اكلي
ووزني حاليا 48 كيلو

وقررت اني اظل امشي وامشي لين اموت خخخ

وياليتني اكتشفت المشي من زمان